【沙田好去處】沙田單車美食一日遊推介! 2大人氣Café/百年圍村/泥涌石灘

2021.05.15

沙田擁有完善的單車徑及設施,一直都是老少咸宜的單車遊熱門之選。好多人都會由沙田踩去大埔或大美督,不過這條路線只有科學園一個休憩點,以及大美督的打卡位,以下就為大家介紹一條由大圍到烏溪沙的單車美食路線,中途有補給站以及人氣Café,亦有不少打卡位,包括百年圍村以及泥涌石灘,大家可以趁放假約埋朋友去個沙田單車美食一日遊!

第 1 站 積存圍

大圍積福街入面有一條幾百年歷史的大圍圍村,原名叫做積存圍。經過400多年的歲月洗禮,雖然舊村屋大部分已經重建成丁屋,不過仍然有不少歷史建築可以欣賞。不過留意圍村是居民居住的地方,到訪的時候記得不要對居民造成滋擾。

第 2 站 Dear Coffee & Bakery

位於大圍積運街的Dear Coffee & Bakery,主打天然手工製麵包及精品咖啡,麵包款式會大概一個星期轉換一次,而且每日限量供應,吸引不少人去品嘗。龍井奶酥Bagel口感煙韌,茶味濃郁。Green Breakfast非常足料,有沙律、蕃茄、雜菌、炒滑蛋、橙以及麵包。

地址︰大圍積運街2-8號海福花園地下22號舖

開放時間︰星期二至日10:00-18:00 (逢星期一休息)

第 3 站 新城市廣場

新城市廣場最近於11樓西翼(近Bricklane)設置【單車加「友」站】,為單車友提供免費室內單車停泊服務,加油站設有閃爍的型格單車泊架及DIY維修小工具,可即時為輪胎充氣和調較零件及seat位,方便大家旅程途中補給或者休息。

第 4 站 花華

一口氣由沙田踩到有「美食沙漠」之稱的馬鞍山,可以於新港城地下找到一間日本風格Café花華,花華主打自家製麵包及手工意粉。花華自家製的無花果Scone口感鬆軟配合自家熱情果醬及軟芝士,味道非常清新!本地豬肉及蠔仔配菜醬手工意粉口感煙韌,切成肉碎的豬肉配蠔仔味道清甜。

地址︰馬鞍山鞍祿街18號MOSTown新港城中心二期地下29-30號舖

開放時間︰星期二至日11:00-18:00 (逢星期一休息)

第 5 站 泥涌石灘

經過烏溪沙再踩大約15-20分鐘就到達泥涌石灘,行上石灘就可以用近乎水平線角度欣賞對岸的八仙嶺及船灣淡水湖風景!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓