【拍拖好去處】新蒲崗7大美食+室內活動點推介 4千呎釣蝦場/DIY皮革工作坊/特色Cafe

2021.11.07

新蒲崗給予別人的印象總是工廈林立的地方,但其實當中隱藏了不少手作工藝及美食!週末放假同另一半未諗到做咩好?今次就等小編為大家介紹位於新蒲崗的4大情侶室內活動及3大美食推介,包括室內釣蝦、皮革DIY體驗、大型日本遊戲機中心、堅果奶茶店、採耳等,大家一齊來發掘一下新蒲崗啦!

第 1 站 HA cube 蝦立方休閒娛樂釣蝦場

位於新蒲崗萬迪廣場的HA cube 蝦立方休閒娛樂釣蝦場是室內釣蝦場,設有兩大蝦池可以釣淡水大頭蝦,場內佔地4,000呎,空間感十足!每支竿以小時為單位收費,每小時$130、2小時$240、3小時$330、4小時$400,後續$90每小時,費用已包括釣竿及蝦米作為蝦餌,開始前更會有職員講解釣蝦技巧及指導。釣完更會有專人即燒,可選擇白灼或鹽燒!大家記得提前預約啦。


HA cube 蝦立方休閒娛樂釣蝦場

地點:九龍新蒲崗大有街3號萬迪廣場8樓D及E室

時間:星期一至日 中午12時至凌晨2時 (逢星期二休息)

預約電話:3565 4233

來源:HA cube 蝦立方休閒娛樂釣蝦場

第 2 站 NUTTEA堅果奶茶

同樣位於萬迪廣場的NUTTEA堅果奶茶大受歡迎,主打由5種堅果製成的堅果奶蓋配合不同茶底及水果口味,如四季春堅果奶蓋茶、烏龍堅果奶蓋茶、原磨堅果奶、滿杯柚惑等。店鋪堅稱堅果奶茶呂有牛奶及沒有化工奶精,所以絕對健康!店內更提供獨有的奶蓋羹讓客人進食奶蓋,非常特別!

 

NUTTEA堅果奶茶

地點:新蒲崗大有街3號萬迪廣場1樓D號舖

營業時間:星期一至日上午11時至下午8時

來源:NUTTEA

 

第 3 站 Motto Carpe Diem

大家有冇諗過可以親手製作禮物給對方呢?皮革工作坊一直是人氣之選,位於五芳街的Motto Carpe Diem佔地2,000呎,設有多款皮革課程,包括情侶手鐲、證件套、銀包、錶帶等,現場會有專業導師在旁指導。大家更可以為另一半挑選皮革顏色,課程價錢包免費壓字服務,燙印屬於彼此的名字或重要日期。大家可以於>>網站<<提早預約課程!

 

Motto Carpe Diem

地點:鑽石山新蒲崗五芳街 19 號嘉榮工業大廈 1 樓 C 室

電話:68715989

來源:Motto Carpe Diem

第 4 站 Simple Ear

採耳最近成為新潮流,陸續有新店開幕,今次介紹位於啟德工廠大廈的Simple Ear。主要為客人清潔耳道,處理耳朵不適等。目前設有兩款採耳套餐,過程大約一小時,價錢則由$360至$480。店內非常注重衛生,更會為大家提供即棄床單。

 

Simple Ear

地址:新蒲崗啟德工廠大廈一期/新蒲崗榮森工業第二大廈

預約方法:Instagram @simple.ear

第 5 站 Namco

日本人氣大型遊戲機中心Namco位於Mikiki商場,設有多款夾公仔機、彩虹池、食鬼對戰遊戲機等,大家可以同另一半來到重拾童心。場內更有由日本引入最新的景品,如Sanrio、迪士尼、角落生物等卡通人物。最近Namco分店更有日清杯麵50週年特別版可以夾,包括有4種口味:原咪+鹽味、咖哩+海鮮、味噌+辣味豚骨、芝士咖哩+辣味番茄,有興趣記得快D去啦!

 

Namco

地點:新蒲崗Mikiki商場G樓G30-G32號鋪

營業時間:上午10時至下午10時

來源:Namco

第 6 站 Coti the Bistro

這間隱藏於工廈的Cafe擁歐陸風的藍色外牆,主打輕食、甜品及咖啡飲品,如煎慢煮西冷配薯條及沙津、無花果熱香餅、半乾蕃茄雞肉意粉、甜椒汁慢煮香脆雞腿肉等。Cafe的另一邊更設有食品零售商店,出售和牛、無激素雞翼、羊扒等肉類。

 

Coti the Bistro

地點:新蒲崗五芳街31-33號永顯工廠大廈地下C號舖

營業時間:星期一至日 上午8時至下午5時

來源:Coti the Bistro

第 7 站 東京チカラめし

日本燒牛丼元祖東京チカラめし於9月登陸Mikiki商場,以即叫即烤燒肉丼為主打,如日式燒牛肉丼、燒豚肉丼及定食等!更有芝士燒牛肉丼,輕鬆做到拉絲效果,非常邪惡!份量有普通、大及重量級選擇,而且價錢親民,想食的朋友就不要錯過啦!

 

東京チカラめし

地點:新蒲崗太子道東638號Mikiki地下G27號舖

營業時間:星期一至日上午11時至下午10時

來源:東京チカラめし

活動資訊

立刻訂閱Telegram優惠頻道:

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

評語

獨家優惠

輕掃查看其他優惠