《美國隊長3：英雄內戰》有幾受歡迎，實在毋需多講，電影除了吸引到原著漫畫的死忠粉絲入戲院捧場，相信有唔少觀眾係為咗看俊男美女而入場，女士們就為爆肌「美國隊長」Chris Evans或者Cool爆「寒冬戰士」Sebastian Stan而瘋狂，而男士們就當然係睇扮演「黑寡婦」的性感女神Scarlett Johansson或者「緋紅女巫」Elizabeth Olsen，今集更有英國「小鮮肉」Tom Holland飾演的蜘蛛俠加盟，這部電影唔睇特技，淨睇樣都值回票價吧！不過，如果電影主角換成其他面孔，你仲會唔會入場？
有以玩「廉價Cosplay」聞名的網友趁住呢股Marvel熱，教大家如何低成本扮「美國隊長」，材料竟然係透明闊膠紙、衫夾同一隻手錶，這名網友將衫夾同手錶用闊膠紙固定於原本已經染成藍色的頭髮，再將留海撥出「眼罩」的形狀，真係一分鐘變身亦得，得咗！
另外，有網友亦模仿過「寒冬戰士」，他參照「寒冬戰士」拎住「美國隊長盾」的相片，將家中電風扇DIY，再摷亂自己的頭髮和戴番個黑色口罩，又一傑作誕生！
至於「黑寡婦」亦不能倖免，網友將半邊面塗白，穿上黑色小背心兼塞兩團疑似石頭的物件在胸前，再擺出三七面高傲表情，即時Scarlett Johansson上身。
除了以上三位「慘遭毒手」，網友過往還模仿過其他英雄角色或者卡通人物，好似「死侍」、《星球大戰：原力覺醒》的「變節兵」John Boyega、韓星G-Dragon或者小美人魚等，雖然睇完令人有一種想打爆mon的衝動，但又不得不讚網友的創意，而且確實莫名地找到角色的神髓，小編只能寫個「服」字！
其他相關熱話：
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
