換唔換新iPhone？人人都話期待玫瑰金色　又有幾多個真係會換機

文：cc 

Apple宣佈推出多款最新產品（另見《Apple發佈會懶人包》），最矚目的當然是新出的iPhone 6s和6s Plus啦，小編今朝搭港鐵，聽到最多的對話就是「換唔換機」、「粉紅色好靚」，換機這個問題都纏繞了小編一個早上，新出的玫瑰金色好似幾吸引，但同時地又覺得它「好唔iPhone」，再加上近排比較窮…

做個非正式統計，行個圈問問身邊的同事意見先！（順便偷個懶，吹下水）

1. 你而家用緊咩機？

2. 會唔會換新iPhone呀？

3. 點解嘅？點解嘅？

21個同事當中，大部份都已經投入了iPhone的懷抱，用iPhone 6的為數不少，只有一部分堅持死守note 3、htc和小米，暫時未發現Nokia 3310；當然啦，亦有同事好富貴，同時擁有幾部不同牌子的電話…同事們，有無意慾換機啊？

換機：4個

主要原因：「粉紅色好靚」、「相機加到1200像素喎，梗係換」、「新機唔係唔炒嘛，一部炒一部自用」

唔換機：17個

主要原因：「玫瑰金好土豪」、「新顏色太姣」、「為咗粉紅色換好似有啲奢侈」、「加個case咩色都有啦使乜換」、「iPhone 6換咗半年都未有」、「唔換，你送俾我咪換囉」、「乜今日出iPhone咩」

同事之間，總有一、兩個三心兩意的人，這男同事問有無得一剔一點，試下用喎…（有啲難度喎喂）

似乎大家都將焦點放在顏色上，最多看看相機像素和容量， 無幾個真的會留意新推出的function，又啱，老實講小編都是最近才知道連拍後可以揀相這個功能…還是等iPhone 7吧…