依家越來越多香港人都會北上覓食，其中酸菜魚更是人氣菜式之一，而內地的「太二酸菜魚」經常大排長龍！不過依家唔使再上深圳食啦，因為「太二酸菜魚」在美國分店的班底登陸香港，於銅鑼灣開設分店「廚十三老壇酸菜魚」。招牌菜式又點少得招牌老壇酸菜魚，仲有多款人氣小食，依家同大家直擊有咩好食啦～
「廚十三老壇酸菜魚」的裝修跟「太二」相似，周圍掛滿黑白畫，環境寬敞舒服。
老壇酸菜魚(大份) $468，味道酸酸甜甜，帶點麻，好開胃～
另外仲有小份($328)及土豪份($598)，一共有三個份量選擇。
選用新鮮鱸魚及成都的酸菜，配上辣椒、蒜頭及其他香料等，夠新鮮入味！
即叫即劏，再人手起晒骨，就算唔太識食魚的朋友都唔怕，食到啖啖魚肉。
另外，客人可以另外加配菜，一共有9款選擇，當中特別推介金針菇($28)、寬粉($28)！
寬粉口感煙韌彈牙，索晒湯底汁，好好味！
除此之外，仲有幾款惹味川菜小食。
老虎椒愛鬆花蛋($68)，皮蛋入口香滑，加上尖椒辣汁，辣辣地～
鉢鉢雞腳($88)，滲透麻辣汁，好香好惹味！
兩露均沾($48)，紅糖糍粑鋪滿黃豆粉，再蘸上黑糖汁，甜甜地好解辣！
未試過或鐘意食酸菜魚的朋友，不妨試下～
活動資訊
- 地址 銅鑼灣渣甸街66號亨環4樓
- 人均消費$101 - $200
- 開放時間星期一至四下午12時至3時,下午6時至凌晨12時 星期五至日下午12時至凌晨12時
- 電話23880029
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
