太古誠品新開一間手工朱古力店「JOL Cacao」，當中主打的濃度高達70%-100%的朱古力奶，由烘焙可可豆到24小時研磨朱古力漿均由店主一手包辦，入口香濃幼滑帶回甘。另外還有可可茶、鐵觀音朱古力奶、伯爵茶朱古力奶等其他口味。小店另在觀塘自設工場，限量供應自家製手作朱古力粒，同樣多款特色口味選擇。一眾朱古力控要試試啦～
位於太古的誠品生活新開的手工朱古力店「JOL Cacao」，主打的朱古力奶選用坦桑尼亞可可豆，Fruity帶淡淡花香。店主Joie由烘焙可可豆、搗豆去殼到磨豆等工序均都是一手包辦，朱古力漿更是磨足24小時直至變得幼滑無顆粒，慢工出細貨，相當有心機，誠意十足。
一共有兩種濃度選擇，分別有70%朱古力奶 ($36)、100%朱古力奶($40)，朱古力加入法國牛奶，香滑濃稠，入口甘醇。
鐵觀音朱古力奶、伯爵茶朱古力奶 ($36)，伯爵茶朱古力奶滲出陣陣清幽的佛手柑香，跟回甘的朱古力平衡得恰到好處；至於鐵觀音朱古力奶茶味香濃厚滑，入口好濃厚。同時亦有抹茶朱古力奶、玫瑰朱古力奶($36)等。
可可茶($16)，以可可豆殼沖製而成，散發可可獨特香氣。
自家製手工黑朱古力粒 ($9/粒)，有原味榛子、原味紅莓、伯爵茶、綠茶、鐵觀音、咖啡、玫瑰味等，外層灑滿可可仁碎或可可粉，味道甘甜。朱古力粒，需預早訂購，亦可自訂可可濃度。
一眾朱古力控要試試這間新開張的精品朱古力店啦！
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
