【動物之森/動物森友會】任天堂官方網店開幕！首推35款動森周邊精品/家品
Nintendo TOKYO任天堂最近宣佈推出網店My Nintendo Store（マイニンテンドーストア），網店由任天堂官方營運，相信將會不斷推出各式各樣的自家周邊商品，而網店開幕首個推出的系列就是近月人氣爆登的動森（動物之森/動物森友會）系列商品！新推出的動森官方周邊精品有家品如水杯、飯盒、家居拖鞋，另外亦有文具、Tote Bag、護手霜、手機配件等等，款式又多又吸引！
Nintendo TOKYO任天堂網店My Nintendo Store開幕後第一撃就推出近月人氣極高的動森（動物之森/動物森友會）系列商品，有齊家品、文具、精品等等，款式又多又靚！
動森系列家品包括有水杯、保溫杯、家居拖鞋，印有不同的動森場景之外，仲有動森入面的主要角色如KK、西施惠、狸克、麻兒。
另外仲有吸水地墊，印有其他人氣島民角色包括小潤、阿波羅，仲有島嶼設計，好可愛～
除了家品之外，仲有文具精品都好吸引～
連便攜化妝鏡、護手霜、唇膏都有。
不過My Nintendo Store的寄送地區暫時只限於日本，香港想購買的朋友可能要搵代購、其他途徑購買，或留意住官方網店最新消息，睇睇之後會唔會開放海外寄送服務啦。
圖片來源：store.nintendo
▼即睇最新遊戲情報▼
港生活人氣本地熱話
↓《Chill賞放大假》大派海洋公園水上樂園門票！↓
【社群請睇騷】送太陽馬戲團KOOZA門票🤹♂️！
