日式超市雜貨店「谷辰GUU SAN」於9月18日在尖沙咀新開幕！「谷辰」主打日本直送新鮮水果蔬菜、現場製作輕食、手工飯糰便當及咖啡等等，走日系精緻簡約風，有興趣掃貨不妨帶埋朋友一齊去啦！
全新一站式日式超市雜貨店「谷辰 GUU SAN」近日進駐尖沙咀，佔地超過5000呎，店鋪以和風裝修為主，店內其中一個特色裝飾就是長形LED藝術裝置，會於早、午、晚播放不同的日式景物動畫，為大家紓解壓力。
新鮮水果蔬菜都由日本直送，包括日本豐水梨、哈密瓜、香印提子、水蜜桃等。自家品牌茶葉、其他零食雜貨、果汁、梅酒等等。
Click圖睇睇掃貨推介：
「谷辰」分別有三個專區，當中「沢屋SAWAYA」主打日式健康雜糧，提供無包裝食材自助區。客人可以按需要份量購買，有健康果仁、五穀雜糧等，鼓勵大家減少包裝浪費。
「米角KOME KORNER」，主打日本食材即製的手工飯糰和便當，每日新鮮製作，有多款日式口味選擇，包括辛子明太子、黑胡蔴溏心蛋、炙燒和風咖喱牛肉、柚子蔥燒鯖魚、紀州南高梅、北海道昆布拌鰹魚片等等($28-$32)。
「The Salfee Bar」提供輕食和咖啡，採用法國藍帶廚師設計的沙律食譜，新鮮健康食材配搭創意味道，例如有韓式牛肉椰菜花碎、和風蕎麥麵、蟹肉合桃蘋果薯仔等等。試業期間更有特別優惠，$68可選2款、$78可選3款。
而咖啡方面由採購生豆、烘焙至調製、拉花都自家出品製作。除了有大眾化的white、mocha、dirty等咖啡選擇，都特別推介店內招牌檸啡Minlimo、靜岡鮮奶焙茶、竹炭伯爵拿鐵、薑黃拿鐵等。
活動資訊
- 地址 尖沙咀中間道15號 H Zentre
- 開放時間早上9時至晚上9時 (米角、SALFEE BAR早上8時30分開始營業)
- 電話28920868
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
