【中環美食】中環新開波希米亞風Cafe 設鞦韆打卡位！燒焦糖芝士蛋糕/慢煮雞胸青醬意粉
最近中環蘭桂坊新開一間走波希米亞風的咖啡店「角落」，以米白色為主調，裝潢別緻，其繩網鞦韆打卡牆最近更頻常出現於IG之中！咖啡店主打健康飲食，全部少油少鹽，絕不加味精。選用海鮮，食材不經醃製，以不同的天然香料製作新鮮醬汁。小店更有提供生酮甜品和咖啡，選用無卡路里的日本稀少糖製作，糖尿病人士都食到。一齊睇下有咩好食啦！
咖啡店整體格局寬敞，座位闊落，坐得舒服。裝潢別緻，天花掛著竹製吊燈，木製枱櫈，周圍擺滿低飽和度色調的乾花裝飾，予人感覺相當舒適。繩網鞦韆的打卡角落更吸引了不少人慕名而來。
煎帶子香草黑蒜意粉（$138），帶子新鮮，食落爽口，以香草黑蒜作調味，幾惹味。
流心蛋卡邦尼意粉（$118）食落啖啖Creamy，滋味十足。
慢煮雞胸羽衣甘藍青醬意粉（$108），低溫慢煮雞胸肉以保持肉質鮮嫩。青醬以羅勒、羽衣甘藍和松子仁打成，全部都是天然香料，絕無添加。
甜品方面，更有適合生酮飲食人士或糖尿病人士食用的生酮紐約芝士蛋糕（$88）。選用無卡路里的日本稀少糖製作，餅底更用上杏仁粉及椰子粉製成。
即叫即烤的焦糖芝士蛋糕（$48），用火槍將焦糖表面烤成香脆金黃，一上枱已經聞到甜甜的焦糖香味，脆卜卜的焦糖與軟滑的芝士蛋糕相加起來，口感十分豐富。
飲品方面，有打卡一流的Dirty（$45）。更有不少女士喜愛的Rose Latte（$38-$42）。
點擊圖片放大
小店稍後更會推出不同款式的SuperBowl。健康之餘，仲夠晒開胃。
港生活人氣本地熱話
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
