中秋好去處！港九新界中秋市集合集 狂掃月餅＋禮盒攻略

1. 新界

T Town 搜羅美食名物 半熟黃金月餅＋長洲糯米糍團圓好煙韌

大西北冇啖好食？位於天水圍的 T Town 就以「月滿中秋」為題，為大家帶嚟大班、長洲仔糯米糍、半熟工房及 Jini Bakery 等滋味品牌！

雖然形形式式嘅甜品潮流此起彼落，但半熟芝士蛋糕依然備受歡迎。除咗新品「十色半熟芝士蛋糕」（包括原味、士多啤梨、藍莓、黑芝麻、抹茶、青檸、忌廉曲奇及 Tiramisu 等），半熟工房仲趁中秋佳節推出全新的「半熟黃金月餅系列」，2款口味包括蛋黃白蓮蓉及蛋黃鳳梨，配合半熟口感，滋味 level up！

香港地道美食名物多不勝數，其中小熊餅乾和長洲糯米糍更係外地旅客嚟香港嘅必買伴手禮，買嚟同親友賞月過節一啲都唔失禮。長洲仔糯米糍為大家準備咗唔同口味嘅糯米糍，包括芒果、榴槤、綠茶及紫薯等，煙韌軟糯、滋味無窮。而 JiniMo's Bakery 更為小熊餅乾嘅經典圓罐包裝配上精美方形紙盒，送禮、打卡同樣一流！

親友住喺新界西的話，不妨留意下青衣長發廣場同屯門蝴蝶廣場嘅百佳海味禮盒及榮華十二肖「毅虎」月餅禮盒，到埗後選購，唔使拎住搭車，兩手揈揈就可以輕輕鬆鬆去賞月。

2. 九龍

九龍東玩到將軍澳 中秋限定 workshop 預埋你

九龍東藍田嘅啟田商場亦都為大家準備咗榮華十二肖「毅虎」月餅禮盒同全素「大班冰皮迷你醇素月餅」，現場更有中秋限定嘅 workshop 畀大人、小朋友親手製作獨有嘅中秋節燈籠、浴球 bath bombs 同擴香石！九龍西元州商場就以「中秋節快樂」為主題，精選大班月餅之餘，更為大家搜羅了嘉悅茶莊多款精選茗茶禮盒，以熱茶配月餅，消滯又舒爽，名副其實等大家過一個快樂嘅中秋節。

茗茶歎月餅 老少咸宜齊享受

話明係港九新界，就當然唔少等將軍澳 TKO Gateway 同 TKO Spot 嘅「月滿中秋」市集，大班月餅及嘉悅茶莊茗茶禮盒都可以喺度買到。 

黃大仙中心「霓彩映月」 盡情打卡狂掃創意月餅

中秋佳節賞月團圓，除咗美味月餅，氣氛亦都相當重要。黃大仙中心今年中秋以「霓彩映月」為題，為大家呈獻佳節氣氛十足嘅賞月打卡裝置，喺黃大仙中心北館 1 樓舉行嘅中秋市集更匯聚咗多個傳統同創新月餅品牌，款式花多眼亂，梗有一款啱你口味！

自問係榴槤控嘅話，就唔可以錯過 New Trendy 和樂滿高 Rockmango 的榴槤月餅，前者有馬來西亞進口嘅「貓山王冰皮榴槤月餅（6 個裝）」，榴槤果肉內餡用料十足，口感飽滿、香味濃郁，名副其實令人齒頰「榴」香；後者就帶咗載譽歸來嘅「十里榴香貓山王榴槤冰皮月餅（6 個裝）」，同樣係以極上純正貓山王果蓉製作，人手拆肉保證果肉啖啖幼滑，加上無添加、無防腐劑，榴槤滋味原汁原味。 

想食得清淡健康一啲，仲有大班麵包西餅同沛公甜品呢兩個好選擇！大班以冰皮月餅為人熟悉，今年更全新推出全素「大班冰皮迷你醇素月餅（8 個裝）」，內含流沙芝麻燕麥、杏仁奶燕麥、沖繩香檸燕麥、西尾抹茶紅荳、流沙芝麻及栗子口味，當中 3 款更加入了原片燕麥於荳蓉餡內，等大家食得美味又健康。而作為港式千層班戟始祖，沛公甜品亦一次過推出超過 12 款口味嘅創意月餅，包括日本水蜜桃紫薯、日本香印黑糖芋泥及日本水蜜桃黑糖芋泥等等，滿足一班甜品控嘅味蕾；同場亦有冰皮新鮮水果選擇，例如芒果、士多啤梨及貓山王等等，當造香甜，一家大細都啱食！

自肥之餘不忘為親友準備佳節賀禮，香港榮華餅家與十二肖攜手推出由著名藝術家許誠毅設計的「毅虎」月餅禮盒，糅合書法元素的雙層設計時尚精美，內含 4 個流沙奶黃月餅及 4 個蛋黃白蓮蓉小月餅，送畀就長輩最適合不過。此外，仲有潮州仔的傳統「朥餅禮盒」及澳門鳳城英發的「流心奶黃月餅（8 個裝）」，「朥餅禮盒」的經典朥餅（烏豆沙/綠豆蓉/芋泥/雙拼餡-烏豆＋冬瓜）加入了豬油及鴨蛋黃炮製，每星期由潮州自家製再直送到港，同澳門鳳城英發一樣，雖然而家仲未可以隨心去旅行，就等味覺帶大家衝出香港！

3. 港島

赤柱廣場消費換月餅 人寵兩團圓

港島嘅朋友，就唔好錯過喺興華廣場嘅中秋市集，同樣為大家準備咗 New Trendy「貓山王冰皮榴槤月餅」同各式海味禮盒，小朋友一見到冰皮月餅一定流晒口水，而海味就最得長輩歡心，一家人一齊食、一齊享受，就正正係人月兩團圓！

中秋佳節何止人月兩團圓？即日至 9 月 12 日期間嚟赤柱廣場及美利樓 shopping，即日累積電子消費滿指定金額即可憑收據換領 Superhooman 或 KOME KUSHI 的「Happy Hooman Happy Pet」指定特色月餅，包括狗狗月餅（一盒 2 件火雞鱷魚及火雞鴨肉口味）、生酮月餅（一盒 4 件生酮流心奶皇、生酮黑芝麻、生酮蓮蓉咸蛋黃及生酮五仁口味），甚至係狗狗月餅及生酮月餅套裝，等大家可 以同愛寵、主子分享團圓好滋味！先到先得，換完即止！ 

• 買滿$800 可換領狗狗月餅（一盒 2 件）
• 買滿$1,500 可換領生酮月餅（一盒 4 件）
• 買滿$2,000 可換領狗狗月餅＋生酮月餅一套（共 6 件）

港九新界中秋市集一覽

港島︰

• 興華廣場（興華廣場 1 樓大堂），即日至 9 月 4 日

九龍︰

• 黃大仙中心（黃大仙中心北館 1 樓），即日至 9 月 12 日
• 啟田商場（啟田商場 2 樓中庭），即日至 9 月 10 日
• 元州商場（元州商場地下大堂），即日至 9 月 10 日

新界東︰

• TKO Gateway（將軍澳坑口 TKO Gateway 東翼地下中庭），即日至 9 月 10 日
• TKO Spot（將軍澳 TKO Spot 地下中庭），即日至 9 月 2 至 7 日 新界西︰
• T Town（T Town 南翼地下中庭），即日至 9 月 12 日
• 長發廣場（長發廣場 2 樓大堂），9 月 2 至 7 日
• 蝴蝶廣場（蝴蝶廣場地下中庭），即日至 9 月 4 日

（資料由客戶提供）