銅鑼灣美食 | 銅鑼灣新開抵食Omakase店 晚市最平$198有交易!必食生蠔/鮑魚/海膽三色杯/8款精緻壽司

文: 張凱淇
2023.02.07

不用過千元、原來日本Omakase最平$198已有交易!位於銅鑼灣Fashion Walk的全新開業廚師發辦Omakase餐廳 —「鮨政™ x 大湖清酒」,以「平價版Omakase」打響旗號,午及晚餐均同價,最平$198即可食盡多款江戶前手握壽司、所有套餐均附前菜、茶碗蒸、湯品及甜品,即刻睇睇以下美食推介!

全新開業廚師發辦Omakase餐廳 —「鮨政™ x 大湖清酒」,由曾於東京築地任職 4 年OMAKASE師傅的政師傅主理,主打4款從$198至$498的抵食Omakase套餐,午及晚餐均同價,餐廳一共有14 個座位,從開幕至今已引來一陣熱話!

即刻去片:

$198 OMAKASE 套餐

餐廳理念期望能以大眾較能負擔的親民價錢,讓大家可以第一次品嚐正宗OMAKASE日本料理,當中最吸睛、最平的$198 OMAKASE 套餐,前菜就有水雲藻物,並搭配八款海產炙燒壽司,包括三文魚、油金魚、海鰻、吞拿魚蓉、鯛魚或其他時令白身魚壽司等。套餐還附有前菜、茶碗蒸、湯品或烏冬及甜品,CP都算高!

 

$298 OMAKASE

套餐前菜有立鱗燒或水雲藻物,以及十款精選壽司,包括中拖羅和深海池魚王和其他海產炙燒壽司。

$398 OMAKASE

套餐先有兩款前菜,包括磯煮鮑魚半隻,以及立鱗燒或吉列帆立貝。之後還有三款刺身:包括牡丹蝦、帆立貝和一款時令白身魚(九州特產鯛魚、左口魚等);再有八款精選板前手握壽司,例如九州長崎縣出產的中拖羅、肥厚多脂的鰈魚裙邊、清香撲鼻的香水檸檬三文魚壽司等時令海鮮,令人回味無窮。

$498 OMAKASE 套餐

如果有多少少budget,我都推介可以選這款最貴的$498 OMAKASE套餐,一開頭已經有磯煮鮑魚及甘鯛立鱗燒掀開序幕,並配以生蠔、牡丹蝦及大拖羅3款刺身,及八款板前手握壽司,大家可以食盡飄雪鵝肝吞拿魚壽司、甜蝦壽司、深海池魚王壽司(島池魚)、文甲魷魚壽司及貝殼魚等不同時令海產。 另外還有及北海道馬糞海膽配大拖羅蓉及三文魚子三色杯,味道鮮甜、口感細膩軟滑、啖啖滿足!

 

全均附前菜、湯品或烏冬,及茶碗蒸和甜品

全部套餐均附有前菜、茶碗蒸、湯品及甜品,客人可根據自己的飽腹感,選擇品嚐以鯛魚頭熬製超過 3 小時的鯛魚濃湯或傳統昆布木魚清湯烏冬。甜品則提供日本雪糕或忌廉芝士豆腐,口感細膩嫩滑,為Omakase作完美的收尾。

除了一系列美食,當然不少得還有擁350年歷史的清酒坐鎮!店名「鮨政™ x 大湖清酒」顧名思義即與始於 1672 年、來自滋賀縣的大湖清酒合作,店内提供多款高品質手工清酒。其中連續多年於倫敦清酒比賽中被受賞最高榮譽(白金獎)的大湖特別純米酒亦是焦點必試!大家可以 $298 或 $498 享用清酒配餐,一次過品嚐 6 款精選大湖清酒,提升整體料理的豐郁滋味。

鮨政™ x 大湖清酒INFO.

地址:銅鑼灣京士頓街9號Fashion Walk地下H2B號舖

營業時間:星期一至日 

午市:12:00 – 15:00 (第一時段:12:00 – 13:30;第二時段:13:30 – 15:00)

晚市:18:00 – 20:00 (第一時段:18:00 – 20:00;第二時段:20:00 – 22:00)

電話:(852)3108 2191

圖片及資料來源:鮨政™ x 大湖清酒、記者現場採訪拍攝

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓