暑假好去處丨本地龍眼園早鳥優惠人均$99!無限時摘石硤龍眼、香水檸檬、本地有機農作物(附開放日期+交通)

文: 李知樂
2023.07.13

暑假好去處丨踏入夏天,又是龍眼的龍眼當造季節了。元朗一個本地龍眼園今年大豐收,推出$99早鳥快閃優惠,大家可以入場無限時摘本地石硤龍眼、香水檸檬、香印提子、本地農作物等,更可以餵小羊和歎燒雞等,一個價錢玩盡兩個園地!

位於元朗的本地果園「潘媽媽果園」宣布,今年龍眼園迎來了12年1次的超級大豐收,整個7月都會推出早鳥優惠讓大家可以最抵價去摘龍眼!由即日起至7月31日,只要經官方表格報名,即可以早鳥優惠價每位$99,入場暢玩!在活動期間,大家可以無限時在果園內摘本地石硤龍眼、香水檸檬及本地有機農作物等;同時,1個價錢可以再到提子園內玩,同樣可以任摘巨峰提子、香印提子等,每位送1磅自摘龍眼,相當抵玩!

 

 

除了價錢抵玩外,「潘媽媽果園」另一大特色是,園內所有龍眼樹都偏矮,而且由樹頂到腳邊都長滿龍眼,即使是1歲的小朋友都可以輕鬆摘到龍眼!園內的龍眼品種為香港本地石硤龍眼,果肉飽滿晶瑩剔透,皮薄肉厚,口感鮮嫩爽脆而味道清甜多汁富有龍眼香,喜愛龍眼的朋友不容錯過!摘完蔬果,更可以在園內親自餵小羊(小羊食用草價錢為每扎$10),亦可以在大自然陪伴下歎燒雞(每隻收費為$200,只限假日)。

 

 

是次早鳥$99優惠只適用於7月,不過龍眼園開放日活動會一直舉辦至8月31日,收費將為原價每位$138,活動內容不變,想帶小朋友去度過不一樣的暑假的話不妨考慮一下。交通方面,大家可以乘搭K66巴士,在大棠村口右邊小徑進入,沿著紫色圍欄步行約1至2分鐘即可到達。

潘媽媽果園早鳥優惠
日期:即日起至7月31日
收費:每位$99
報名連結:https://forms.gle/qU97AbfBBTkdRGYG8
*每位送1磅自摘龍眼,其後每磅收費為約$35-$40。

潘媽媽果園開放日
日期:即日起至8月31日(逢星期三、六及日開放,平日不定期開放)
地址:元朗大棠村牌坊側

圖片及資料來源:潘媽媽果園

延伸閱讀:

活動資訊

  • 地址 元朗大棠村牌坊側
  • 人均消費$99起

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓