2023新鴻基地產香港單車節：尖沙咀鬧市公路 + 三橋三隧組成不一樣的路線 快來參加不一樣的騎行體驗
身邊每個鍾意踩單車嘅朋友，總會希望踩上公路，離開單車徑，一嘗不一樣的騎行體驗。只要你係單車愛好者，就算有無參加過都可以挑戰吓自己參加單車節，一嘗喺馬路上破風嘅滋味。2023新鴻基地產香港單車節將於10月22日舉行，今年繼續安排咗唔同程度嘅騎行體驗畀大家，包括最受歡迎嘅「50公里組」及「30公里組」，活動路線途經鬧市同多條主幹道，其中「50公里組」的路線更將橫跨「三橋三隧」，機會激罕不容錯過；仲有「家庭單車樂」活動，讓全城一齊分享踩單車嘅樂趣。活動將於9月6日（星期三）上午10時起開始報名，即刻同大家介紹活動及報名詳情。
單車友最期待嘅活動：「50公里組」及「30公里組」
「50 公里組」路線橫跨六區，途經尖沙咀文化中心、ICC環球貿易廣場等地標，並覆蓋「三橋三隧」——青馬大橋、汀九橋、昂船洲大橋、長青隧道、南灣隧道以及尖山隧道，呢個機會真係一年得一次，畀車手一邊喺香港著名嘅地標中享受迎風飛馳的快感，一邊欣賞香港維港的優美景緻。而「30公里」就會登上昂船洲大橋，及途經ICC環球貿易廣場，飽覽高樓林立的都市美景及壯麗的自然風光。每年呢兩個項目都火速滿額，所以記得Bookmark定連結(https://bit.ly/3P75kjO)，Set定Alarm報名啦！
今年「50 公里組」和「30 公里組」，共有5,200個名額，所有首次參加或只曾參與2017年或以前的單車節人士，都必須先參加免費嘅單車技術評核，通過評核嘅合資格健兒會收到大會嘅電郵通知，然後按電郵指示付款，確認報名。而曾完成過去兩屆單車節（即2018及2022年）項目或獲中國香港單車總會認可資格嘅健兒，就唔使參加單車技術評估，只要一經核實資格，即可進行付款確認報名。
活動形式多元化 全城同享單車樂
今年單車節同時會舉辦推廣與眾同樂嘅「家庭單車樂」，大會特別喺梳士巴利道劃出一段長約1公里嘅路線，6歲以上小朋友也可以與家長一齊參加，透過單車運動共聚天倫嘅樂趣。呢項活動嘅名額有200個，有興趣的家庭同樣可於9月6日起在活動網站報名。
近距離觀戰 國際單車聯盟1.1級公路賽
唔踩單車，都一樣可以投入單車節嘅熱鬧氣氛。今年香港單車節再次舉辦國際單車聯盟（UCI）1.1級公路單車賽事，近百名來自全球嘅國際頂級車手將來港作賽，於維多利亞港嘅優美景緻旁大展身手，爭奪冠軍戰衣及獎金。比賽沿尖沙咀梳士巴利道、麼地道、科學館道及紅磡繞道，以繞圈方式進行，市民亦可超近距離觀賞賽事，感受單車高頻率在眼前疾馳嘅刺激快感。
「新鴻基地產香港單車節」參加詳情懶人包
時間表：
| 日期及時間 | 項目 |
| 9月6日10am-9月12日11:59pm | 網上報名日期 *各組別名額有限，先到先得 |
| 9月16、17及23日 | 單車技術評核（特定人士可獲豁免） |
| 9月尾 | 合資格健兒按電郵指示進行付款後，確認完成報名 *如有空缺，大會將以電郵通知後補名單健兒。健兒按電郵指示付款後，確認完成報名 |
| 10月22日 | 「新鴻基地產香港單車節」舉行日 |
報名費：
| 組別 | 參與人士 | 報名費* |
| 50公里組 | 16至70歲 | 每人$650 每隊$15,000（最多10人） |
| 30公里組 | 16至70歲 | 每人$330 |
| 家庭單車樂 | 6至70歲 | 每組$100 |
| 男子、女子公路繞圈賽 | 16至70歲 具備參加單車競賽資格人士 | 每人$400 |
*報名費包括選手包及紀念單車服（家庭單車樂的參加者除外）。「50公里組」及「30公里組」的參加者完成活動後更可獲得完成獎牌及電子證書
單車技術評核內容：
日期：9月16日（星期六）、17日（星期日）及23日（星期六）
地點：九龍鑽石山蒲崗村道單車公園
豁免參加單車技術評核的特定人士
- 曾完成2018年或2022年「新鴻基地產香港單車節」單車項目（50公里組或30公里組），並獲得完成證書
- 已通過2022年「新鴻基地產香港單車節」單車技術評核
- 曾完成2018至2023年由中國香港單車總會（單車總會）所舉辦的公路單車比賽
- 曾完成2018至2023年由國際單車聯盟（UCI）所舉辦的公路單車比賽
- 曾完成2018至2023年由大會認可的其他大型單車賽事（如由國家自行車協會National Cycling Federation舉辦之賽事）或公路活動
資料由客戶提供
港生活人氣好去處
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
