荃灣美食丨近年物價上漲，外出用餐所費不菲，不過記者就發現在荃灣區有一間港式懷舊快餐店，只需$19就可以吃到大大碗麵連自選餸菜，連碟頭飯都只需$25，以後糧尾或想平平地解決三餐的話，又多個平價美食之選啦！
「新三寶快餐店」位於大窩口民宅區，已經在大窩口屹立了四十多年，是一間港式快餐店。與現時常見的大型連鎖快餐店，又或是過江龍美式快餐店等不同，「新三寶快餐店」是八、九十年代常見，在屋邨、工業區、屋苑商場等地，專營打工仔及街坊生意的港式懷舊快餐店，為區內人士供應快靚正的平價美食。記者於平日下午茶時段前往，除了區內年長一輩是店內熟客之餘，亦有不少年輕一族會光顧飯餐或下午茶餐，人流不俗。
即刻去片睇記者直擊
店內餐牌全為人手手寫，如同大字報一樣張貼在店內牆壁上，食物款式、套餐及價錢一目了然。餐牌選擇非常多，當中最抵食必屬$19的大碗麵，大碗麵有一個麵餅及一款自選配菜，包括豬扒、雞翼、腸仔等，記者當日選擇了豬扒，兩大塊豬扒都有一定厚度，配上高湯麵條，簡簡單單但絕對是$20就有找的飽肚之選。
胃口大的話可以選$20起的碟頭飯，雙蛋配自選醬汁盛惠$20，雙腸雙蛋飯亦只需$25，除了可以選黑椒汁、白汁、蒜蓉汁、排骨燒汁等之外，更伴有青菜，葷素搭配可說相當豐盛。
港式快餐店另一招牌是港式漢堡包，新三寶快餐店設有麥記餐及漢堡包餐2款，均可以試到港式漢堡包。老闆表示麥記餐較為受歡迎，$32就有齊漢堡包、炸薯條及自選凍飲，而且所有食物即叫即製，漢堡包烘過非常香口，炸薯條是港式波浪薯條，配上粗鹽及茄汁外脆內軟，CP值極高。
小食方面同樣非常抵食，即炸豬扒每件$7，而大大隻的炸雞髀只需$15！老闆指定價親民是希望可以令街坊及學生哥都可以吃得飽，多年來一直薄行多銷，下次想平平地歎港式快餐的話，不防考慮一下！
新三寶快餐店
地址：荃灣大窩口大廈街19A號地舖
營業時間：10:00-22:00
電話：2427 5527
資料來源：新三寶快餐店
延伸閱讀：
活動資訊
- 地址 荃灣大窩口大廈街19A號地舖
- 人均消費$19起
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
