張敬軒贈八位數音樂學位? 全場嘩然！官方真實學費曝光

文: 李國樑 , 鄺梓晴

2024.04.13

用 App 睇文

洪嘉豪演唱會2024｜洪嘉豪演唱會終於宣佈消息！意味著「華納三寶」已經達成全員登陸紅館演唱會，《洪嘉豪 Kaho Live 2024》演唱會即將於4月中假紅磡香港體育館舉行，今次票價分為HK$880 / $680 / $480三種，亦設有信用卡優先購票，即看內文了解更多。

洪嘉豪演唱會2024｜張敬軒贈八位數字學位課程?官方真實學費曝光

點擊圖片放大

洪嘉豪紅館演唱會早前圓滿結束，張敬軒驚喜現身擔任尾場嘉賓，兩人合唱《青春告別式》 +《逆時車站》之後互相擁抱。洪嘉豪重提上次戶外演唱會的「紅館見」承諾，張敬軒則表示自己從未質疑過Kaho。張敬軒表示自己對洪嘉豪確實為「由細睇到大」，更再度重提自己視Kaho為「親細佬」一樣。說到兄弟情，張敬軒表示︰「既然你成日話我似你哥哥，做哥哥就梗係要供書教學，所以我幫你安排咗個學位！」突如其來的送禮令洪嘉豪一時失措，軒公繼續表示︰「喺我人生之中，我覺得最大最大遺憾係我冇好好讀書，讀唔到大學或者一啲我鐘意嘅藝術課程、平面設計呀咁，所以我幫你報讀咗... 呢間學院嘅online課程！」現場觀眾聽後都不禁大笑似是半信半疑。

點擊圖片放大

然而張敬軒確實真的從美國知名音樂學院 Berklee College of Music中報讀了一年的音樂線上課程贈給洪嘉豪，並笑言認證文件上的銀碼「似唔似八位數字」，馬上引得全場嘩然，不過軒公馬上補充「唔係，我blur 左個報讀價錢啦，我一共同你報左五個課程，全個證書上堂上到 2025年冬天。你望下我用咗個咩名幫你註冊埋學校個網站？」洪嘉豪隨即讀出其Email︰「kaho study great great great....」軒公即時回應︰「你做咩讀晒出嚟，一陣比佢地炸爆你個email 啦！佢真係好天真架！」引得全場大笑。最後洪嘉豪承諾會好好讀書，更反問軒公畢業有沒有四方帽，軒公表示︰「呢個課程同真係去大學返學係一樣，甚至讀嘅嘢比去波士頓讀更多，你讀哂嘅頂畢業帽，我送俾你！」軒公果然對洪嘉豪疼愛有加！

點擊圖片放大

而翻查Berklee College of Music官方網站資訊，軒公為洪嘉豪報讀的課程至少都要$1290美金以上，按軒公所指報讀了五個課程，換算港幣推測至少都超過五萬元！得到這份厚禮，相信洪嘉豪的音樂能力定必提升。其實張敬軒與洪嘉豪過往就曾以幕前與幕後的關係合作，2022年洪嘉豪於西九文化區舉辦戶外演唱會，同樣邀請得張敬軒擔任嘉賓，當時張敬軒就大爆洪嘉豪於演藝學院畢業之後，就從舞台音響等基層工作做起。直至某次澳門演唱會與洪嘉豪合作，張敬軒希望對方上台為其試聲，洪嘉豪不但沒有害怕直接上台獻唱，更令張敬軒往後每次唱這首歌曲時中間的節奏及樂曲處理都是跟從洪嘉豪的版本，這首歌正是張敬軒代表作之一《櫻花樹下》。