張天賦x柳應廷演唱會2024｜MC+Jer@MIRROR同台演出 8月開騷只此一場！票價／場地／開售日期／售票連結（不斷更新）

張天賦x柳應廷演唱會2024｜演出日子 購票詳情

《KATCH OUR LIFE Jer 柳應廷 x MC 張天賦 音樂會》將於8月30日假香港亞洲國際博覽館舉辦，6月14日起將可憑會籍Katch Point兌換活動門票。

張天賦x柳應廷演唱會2024｜換飛攻略

Katch Plus 會員將於6月14日早上10時可優先開放換領門票，而Katch 會員則於6月14日下午2時開放換領門票。

• 以12,500會籍Katch Point(價值HK$1,250)換領 ZONE A/B門票乙張 (門票位置隨機，已包括HK$70票務手續費)
• 以9,500會籍Katch Point(價值HK$950)換領 ZONE C/D 門票乙張 (門票位置隨機，已包括HK$70票務手續費)

張天賦x柳應廷演唱會2024｜座位表

點擊圖片放大

《KATCH OUR LIFE Jer 柳應廷 x MC 張天賦 音樂會》將於香港亞洲國際博覽館舉辦，座位表可參考以上。

張天賦x柳應廷演唱會2024｜歌單

《KATCH OUR LIFE Jer 柳應廷 x MC 張天賦 音樂會》尚未公佈歌單

張天賦x柳應廷演唱會2024｜演唱會資訊

兩位實力唱將首度聯手開Show，身為當事人的Jer與MC都同樣興奮，Jer表示：「當我知道有呢個合作之後係好興奮，係咁同公司講，我哋一定要接呢個Job。我自己好期待，因為由造星開始認識MC，佢一直都係一個好唱得嘅唱將，而我亦都係以唱將形象出現，所以都已經幻想到一齊會好有火花。」MC亦同樣期待與Jer的合作，他說：「當初知道要演出KATCH OUR LIFE音樂會嘅時候，係未知會同邊位歌手合唱，嗰陣時就諗邊個會係我最期待呢？頭兩甲一定係Jer，因為同佢嘅歌路都有相似嘅地方，佢亦都係一位好出色嘅歌手，同台經驗唔算太多，今次有一個真正嘅Concert可以同佢合作，同佢一樣超級興奮。」

點擊圖片放大

Jer與MC有太多相似的地方：造星出身、入行前經常Busking、懂得玩結他、唱歌音域與曲風類同⋯⋯有著這麼多的相似，二人又會期待怎樣用音樂擦出火花呢？Jer即幻想道：「應該係聲音上面嘅交流，大家好似擂台上面較量嘅感覺，好似兩個Fighter，鍛鍊咗一身武功，到時去到擂台大家會All In攞出嚟。」MC腦海裡面亦呈現了很多不同畫面，他繪形繪聲道：「可能會係各持一方，好似音樂會海報咁一黑一白，然後大家去做一個拉扯或者對抗，甚至喺台上面一齊玩樂器，或者我哋會攞我哋畢生所學嘅嘢出嚟All In，或者攞啲我哋唔識嘅嘢出嚟玩，我覺得都係幾有趣嘅一個地方。」

點擊圖片放大

All In的還有二人的唱功！MC也希望可以給台下觀眾驚喜，他說：「今次揀歌方面偏向平時未必可以喺舞台上面，或者未必有機會玩嘅歌，再喺入面揀一啲再刺激啲再Extreme（極瑞）啲嘅作品出嚟，因為好多時候揀歌都要迎合某啲原因，但今次同Jer合作可以大膽啲玩多啲嘢，同埋我哋加埋嘅上限係會高好多。」Jer亦希望做出一個截然不同的音樂會，他表示：「近排大家都愛上推出搖滾、Powerful啲嘅歌，宣傳Poster裡面大家亦都攞住結他Rock Rock地，都幾期待我哋到時喺台上面變成一個Band Show，然後一齊揈頭，台下有人轉圈（Mosh Pit），講下笑，未必會，但會係一個好投入但又幾有力量嘅表演。」

點擊圖片放大

兩位大男孩將會傾力演出，他們亦期待台上台下打成一片的畫面，Jer道：「希望我哋喺台上Have Fun，大家都玩得開心、過癮，觀眾亦都會睇得開心，呢個係我嘅宗旨。」MC亦和應道：「同意，最緊要Have Fun，既然其中一個目標係Have Fun，第二個目標就係觀眾都要Have Fun，大家應該要帶住非常期待嘅心情，要同我一樣咁期待，因為目前好多嘢都係未知之數，但如我所講，我同Jer會擦出一個好強勁嘅火花，而且呢個係冇下限亦都冇上限嘅火花，好似睇煙花咁，你唔知會射得幾高、幾勁。」Jer亦續道：「希望大家入場睇呢個Show嘅樂迷都會帶住一個期待得嚟又Enjoy嘅心情，最緊要大家好開心喺呢個Show度，返到屋企諗返起都依然有一個好難忘嘅表演，就算十年後諗返起，原來Jer同MC曾經做過一個咁樣嘅Show，希望會成為一個幾經典嘅畫面。」

同場加映：【香港周圍遊】最新影片

《KATCH OUR LIFE Jer 柳應廷 x MC 張天賦 音樂會》

日期︰2024年8月30日

時間︰晚上8時15分

場地︰香港亞洲國際博覽館Arena

票價︰12,500會籍Katch Point(價值HK$1,250）丶9,500會籍Katch Point(價值HK$950)

換票日期︰Katch Plus 會員 6月14日早上10時 | Katch 會員 6月14日下午2時

《KATCH OUR LIFE Jer 柳應廷 x MC 張天賦 音樂會》換票連結