錢大叔鮮肉檔殺入街市！眾所周知，連鎖超市「錢大媽」在香港向來人氣不少，以「不賣隔夜肉」為噱頭，不時推出減價優惠吸客，然而最近殺出「程咬金」？元朗一間名為「錢大叔」的鮮肉檔近日開業，廣告標語「只賣新鮮肉」，疑與錢大媽打對檯，引來不少網民注意。
有網民發現最近元朗新街一個地舖位置，新開一間名為「錢大叔」的鮮肉檔，隨即令人想起師奶殺手「錢大媽」，有網民笑言「係咪錢大媽個老公開架」？
▼原帖▼
點擊圖片放大
從相中可見，該店全名為「錢大叔鮮肉公司」，並配以與小新爸爸（野原廣志）相似的嘜頭作招牌，標榜「只賣新鮮肉」，與錢大媽的廣告標語「不賣隔夜肉」，有異曲同工之妙，猶如一副對聯，有打對檯之嫌。
不過，前者顯示出售的是「五豐一級鮮肉，保證每日新鮮屠宰」，全場鮮肉$38斤，有部分街坊前往幫襯；後者除了主營鮮肉外，亦有售賣蔬菜水果、水產及蛋奶類等食品。
▼錢大叔鮮肉元朗開業▼
點擊圖片放大
▼錢大媽門店▼
消息隨即引起網民加入討論，並研究兩者之間的「親戚關係」，笑指「呢個叫大媽，嗰個叫大叔，咪媽嘅老公嘅阿哥囉」、「錢大媽，錢大叔，幾時會開間錢哥哥，錢姐姐，錢大哥，錢大姐」、「遲下成家人」，更有人重提「威威豬」，提議「高薪挖豬肉威過嚟，檔嘢肯定有得做」。
相關文章：荃灣威威大埔豬肉檔疑已執笠 短短一年！網民：睇嚟翻身冇望
▼網民留言▼
資料及圖片來源：Facebook@食在元朗、小紅書
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
