36歲的荃灣「豬肉佬」劉宋威（威威），曾是2022年度話題最高的話題人物，當年威威因戴口罩時似MIRROR成員Anson Kong（江𤒹生）而瞬間爆紅，一度入行拍廣告、舉辦生日會，後來卻因負面新聞不斷，形象大插水，加上在一個廣告中「終極一脫」，除下口罩以真面目示人後，人氣急速下跌，到最後突然銷聲匿跡。去年曾有人拍到威威現身大埔一間新開張的凍肉店，沒想到短短一年，該店已經執笠結業，難怪連網友都不禁感嘆道，「間舖都執埋，睇嚟佢翻身冇望！」
最近有港人於Facebook群組「全港店舖消息(開張/執笠)關注組」上，發帖分享威威最新狀況，樓主在帖文中寫道：「突發報料，豬肉威間舖都執埋，睇嚟佢翻身冇望啦」，並上傳了幾張照片。從第一張照片見到，威威曾在大埔一間凍肉店工作，當時店舖門外放滿花牌祝賀新店開張，店內人頭湧湧，威威則以白恤衫配黑色長褲，正在落手落腳打點搬貨。記者翻查網上資料，推測照片攝於去年4月底，當時有不少網友都推測他在大埔開凍肉店做老闆。
點擊圖片放大
而另一張照片可見，昔日人頭湧湧的店舖早已「人去樓空」，店內只剩下一些雜物，門外鐵閘張貼一張「成功租出」的告示，相信舖位經已易手。消息一出，隨即有大批網友留言討論，不少人對此感到驚訝，不禁留言道「威威終成了condom」、「過氣街市idol」，亦有網友笑稱威威是在準備下個月的生日會，「所以唔得閒開舖啫」。
點擊圖片放大
不過，有網友則認為威威早已一心回歸平淡生活，紛紛勸「放過佢啦，有咩仇口要咁樣咬住？」、「都退出咁耐，仲狙擊佢做乜」、「人地係普通人一個，要養家搵食就未搞人地」。
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
