尖沙咀平價小菜低至$18一碟！近年香港出現不少兩餸飯餐廳，吸引不少打工仔、街坊食客支持。近日，記者發現尖沙咀一間平價小菜「龍百味小廚」，逾40款即炒小菜供食客自由配搭，如招牌黑醋一字骨、紅燒肉、麻婆豆腐、原條蒸魚等，價格低至$18一款小菜！另外，堂食加$5就可以白飯任裝性價比高，即睇平價小廚詳情！
尖沙咀平價小廚「龍百味」
即刻去片睇直擊
位於尖沙咀金馬倫道的「龍百味小廚」，主打自由配搭小菜，豐儉由人。餐廳逾40款餸菜，如招牌紅燒肉、三色蒸水蛋、麻婆豆腐等，價格低至$18一款小菜！多款小菜分為4個價錢，有$18、$22、$26、$28等價區，以及$48一碟原條蒸魚。另外，堂食加$5就可以任裝白飯。食客可到店選擇堂食或外賣，性價比高。各位尖沙咀街坊有口福啦！
記者實測逾40款小菜自由配搭
記者到店直擊低至$18的小菜有麻婆豆腐、辣炒四季豆等，惹味且「送飯」一流。而「食肉獸」就不可錯過店主推介的黑醋一字骨、老上海紅燒肉、鳳梨咕嚕肉等，一律只售$28。堂食加$5就可以任裝白飯，性價比十分高！每碟小菜份量足料，上枱後飯餸溫度亦夠熱！而且餸菜新鮮製成，只要賣完一盤，廚房師傅就會煮好一盤再放出來予食客挑選。
小廚師傅亦會不時推出期間限定飯餸，如肉餅飯、臘味飯等吸引食客。想飲碗老火靚湯亦只須$6，另外亦有幾款飲品提供，有奶茶、咖啡、檸檬茶、檸檬水等，冷熱自選分別是$10或$12。除此之外，店內亦有自助飲水機，免費供應冷熱水予食客任飲！
堂食取餐流程簡單
餐廳提供堂食或外賣，亦安排食客排隊自取餐盤，再在眾多餸菜中選擇心水小菜、白飯、老火湯等，最後就在收銀處付款，再入座或外賣取走。龍百味小廚至今開業一個月多，店內環境新淨且座位闊落。記者到店直擊下午1時許餐廳人流非常多，店內大排長龍由收銀處排到店外轉角位，店員一度安排食客秩序，且堂食亦需要等位。但一概無阻平價小菜的吸引力，餐廳下午時段一直高朋滿座。不過店內現時試業期間，只收取現金，暫不供應電子支付。
▼即睇詳細餐牌▼
龍百味小廚
地址：尖沙咀金馬倫道16號地下B及C號舖
營業時間：上午10時至晚上10時
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
