兩餸飯陷結業潮？本地食肆結業潮持續，近年被喻為「窮人恩物」的兩餸飯店，陸續開得成巷成市，惟最近都出現執笠景象，全港各區多間兩餸飯店舖，包括位於元朗鳳攸北街的裕三和、小西灣的岱民、深水埗民旺等近日都突然結束營業，部分開業僅短短一個月時間，便光速倒閉。
1. 元朗兩餸飯裕三和
位於元朗鳳攸北街的裕三和兩餸飯店，早前一開業獲部分網民推介，更一度透過兩餸飯關注組分享評價，認為味道及價格相宜，不過該店最近被發現突然結業，前後開店僅一個月，令不少市民感驚訝。根據介紹，該店除了家常小菜之外，亦有原條蒸魚、豉油雞髀等，賣相尚算不錯。
兩餸飯結業｜裕三和
地址：元朗鳳攸北街9號順豐大廈地下4號舖
2. 深水埗兩餸飯民旺
此外，位於深水埗青山道的兩餸飯民旺，每盒兩餸飯最平僅售$28，淨餸$38，店舖面積850呎，同樣關門大吉。從網民分享的相片可見，目前該店已經結業，並貼上一大張「旺舖招租」廣告，附以全套生財工具、牌照等頂讓。不過有其他街坊表示，該舖已經關閉大半年；有網民則指，「呢個本身就死位嚟，前身做過Panda Mxxx同錢大媽都係損手離場」、「除咗週邊果一條街範圍嘅人會去之外，其他人根本就好少行經果一個位」。
兩餸飯結業｜民旺（深水埗）
地址：深水埗青山道100號菁盈雅軒地下A號舖
3. 小西灣兩餸飯岱民
在港擁多間分店的人氣兩餸飯岱民，其中兩餸飯$28、三餸飯$33、四餸飯$40等，曾被喻為全港最平兩餸飯，而且頗受歡迎，不過最近亦有分店宣告結業。據網民指出，位於小西灣本灣市場的「岱民本灣店」於上月底（30日）起正式執笠，結束約4年的經營，據指店員透露因為業主加租因而結業。有網民認為，「佢哋賣咁平，只能揾平鋪做，佢哋一般條大數比其他品牌少幾多吓」、「生意太好，業主才加租，一定係咁」。
兩餸飯結業｜岱民本灣店
地址：小西灣小西灣道10號本灣市場8號舖
4. 佐敦兩餸飯家之味
位於佐敦上海街統一大廈的兩餸飯「家之味」，於今年2月初左右開業，其中兩餸飯$31、三餸飯$40，有網民表示曾一度打算品嚐，惟開業不足一個月便已經結業。最近亦再有網民途經該處，發現已經貼上招租廣告，介紹指備有外賣飲食生財工具。
兩餸飯結業｜家之味
地址：佐敦上海街統一大廈A座地下G11及G13號舖
資料及圖片來源：Facebook@香港兩餸飯關注組、Facebook@香港兩餸飯關注組、Facebook@全港店舖消息(執笠+開張+時事熱話)關注組 2.0 關注組
香港兩餸飯熱潮盛行 遭內地網民揶揄「好悲哀」
最近有港人透過連登討論區分發帖，以「大陸人都覺得香港盛行兩餸飯係好悲哀」為題，分享近期有內地網民拍片介紹香港兩餸飯之餘，更同步以「15分鐘深入剖析香港兩餸飯熱潮」作主題，以探究背後的社會與經濟本質。
翻查上述資料，該影片於上月初在抖音、Bilibili、Youtube等社交平台上發佈，是由一位名為「老李講數據」的內地影片創作者，所製作的頻道影片，內容更以廣東話作敘述講解。據其個人簡介資料，「老李」主要擅長宏觀或微觀經濟分析，並聲稱喜歡探索各種現象，今次該影片就主要探索香港的「兩餸飯流行」現象。目前其抖音平台擁有9.9萬名粉絲追蹤。
香港兩餸飯現象：3大方面剖析
影片分別從「熱潮的由來」、「社會本質」及「經濟本質」三方面去探討香港兩餸飯盛行的現象。
▼熱潮的由來：你唔食反而覺得你唔夠潮▼
▼社會本質：性價比較高▼
▼經濟本質：利潤最大化原則▼
內地網民留言：那麼寒酸的事情拿出來自豪
影片內容在網上引起討論，同時有不少內地網民留言表達觀點：「飯盒而己，為甚麼成為潮流？不是一種悲哀嗎？」、「我2010年在廣州都一直吃盒飯啦，從10元食到而家18元」、「那麼寒酸的事情拿出來自豪」。
▼內地網民留言▼
港人意見兩極：代表愈嚟愈衰 VS 百貨應百客
至於連登樓主表示，香港兩餸飯連內地人都「睇唔起」，認為「兩餸飯越盛行，即係香港呢個地方越衰呀，有啲人仲覺得兩餸飯反映到香港人識變求變應變嘅精神」。
不過都有港人不大認同：「其實普通飯盒就只係值咁多，唔通去茶記5、60蚊買個單餸飯盒就唔寒酸咩」、「平又X寒酸，貴又X人賣得貴，明明呢啲就平民恩物嚟，百貨應百客啦呢啲」、「其實兩餸飯幾好食」；有人則認為：「應該係拍片個條友講到兩餸飯係神枱野，兩邊都冇錯」。大家對於兩餸飯又有甚麼看法呢？
連登仔發文斥兩餸飯搞垮本地經濟
早前曾有連登網民在討論區發文，以「兩餸飯店埋葬全港老闆，害死香港」為題，分享自己對兩餸飯的見解感受。文章開首就指「兩餸飯摧毀咗好多野」、「兩餸飯消滅咗好多飲食業嘅中間服務過程同人員」，將本港餐飲業生意慘淡原因，歸咎於兩餸飯的發展。
他認為，連帶政府推行的「香港夜繽紛」活動，都因為兩餸飯而受影響，「兩餸飯將成個夜繽紛都拆散咗，市民都唔駛出街食晚飯，點樣夜繽紛」，又指「唔同檔次，所有類型嘅餐飲業都俾（畀）兩餸飯衝擊」。
他又直言，「兩餸飯店擴散，成個社會只會越嚟越窮，兩餸飯會蠶蝕晒成個香港」，認為「雖然兩餸飯來係經濟差呢係（個）因而產生出嚟嘅結果，但兩餸飯亦會變成新既因，造成經濟更差死多兩錢既果」。
▼原帖▼
帖文一出引來極大迴響，並收獲逾2000多個負評，內容更遭各大社交平台廣傳，引來大批網民抨擊反駁。有網民批評樓主「本末倒置」，直言香港早於好多年前已經有兩餸飯，不認同兩餸飯是搞垮經濟的原因，「根本係人愈嚟愈窮，兩餸飯先愈做愈多」；都有人覺得「餐廳食物貴唔緊要，難食先係主要問題」、「有錢邊個唔想餐餐魚翅撈飯」？
▼網民留言▼
資料及圖片來源：Facebook@香港茶餐廳及美食關注組、連登討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
