親子好去處︱中環唐宮小聚親子點心工作坊$165！7款點心下午茶+流心皮蛋／黑金流沙包

和牛媽媽

親子

唐宮小聚點心工作坊+嘆下午茶$1XX/位

每逢假日,我哋都會為和牛B同妹妹安排活動去玩､放鬆一下｡ 佢哋都鍾意飲茶食點心,今次我就帶佢哋一齊去做中式點心師傅~ 平時佢哋就食得多紅豆豬豬包,今次輪到自己親自落手做真係第一次呀! 今次呢個係由｢唐宮小聚｣舉辦嘅親子點心工作坊,一次過可以跟廚師學整兩款點心｢紅豆豬豬包｣､｢白玉兔餃｣｡ 完成整個工作坊,仲可以獲得印有和牛B､妹妹個名嘅證書添㗎!! 唐宮小聚嘅小菜點心出名好食,所以有得跟廚師學整點心! 真係好難得呀!! 第一次整中式點心嘅兩姊妹,都好投入,佢哋好努力去製作自己獨一無二嘅豬豬包同埋白玉兔餃｡ 兩姊妹嘅作品都各具特式,真係好可愛呀!! 完成後,就馬上送去蒸爐焗熟再享用｡ 一齊整完點心之後,我哋仲可以喺唐宮小聚入面嘆下午茶點一份｡ 當中包括小朋友自製點心(紅豆豬豬包､白玉兔餃)及流心皮蛋､黑金流沙､沙薑豬手､醬汁蘿蔔､桂花凍糕｡ 另外,餐廳仲有提供食譜,如果鍾意返屋企自己都可以再整｡ 重點就係活動結束嘅時候,仲可以獲得印有小朋友姓名嘅活動證書㗎!! 【唐宮小聚親子點心工作坊 & 下午茶】 價錢: HKD 330,包一位成人一位小童 工作坊包括點心食材一份､下午茶點一份､｢愛我點心｣圍裙一條､食譜一份 下午茶點一份包括小朋友自製點心及流心皮蛋､黑金流沙､沙薑豬手､醬汁蘿蔔､桂花凍糕 活動時段: 3:00pm - 5:30pm (3:00pm. - 4:30pm. 點心工作坊及4:30pm. - 5:30pm. 點心小聚下午茶) 馬上預約及登記: https://www.kkday.com/zh-hk/product/260042?cid=14923 唐宮小聚中環店 (TheL.Place2樓) 地址 : 中環皇后大道中139號 The L. Place 2樓 如何前往: 港鐵上環站E1出口步行4分鐘 【和牛b的成長日記】 記得Like我哋Facebook及設定為搶先看,收睇我哋發掘最新､至好玩嘅好去處呀｡ https://www.facebook.com/80smami/ http://www.instagram.com/wagyubmami/ https://www.youtube.com/@Wagyubmami #UCreatorHK#親子好去處#親子餐廳#育兒心得#親子活動#香港媽媽#假日親子活動

asheryuen2019

親子

圍爐順德菜

假日好去處：期間限定親子點心班🥢

星期日帶咗Asher去參加KKday×圍爐順德菜舉辦嘅親子點心班，呢個期間限定嘅點心班由圍爐順德菜主理人盧偉權師傅親自教授，小朋友同家長都可以學到製作傳統粵式點心。😊 我哋呢班製作嘅兩款點心其中一款係Asher最愛嘅燒賣，另一款就係小南瓜包，盧師傅示範好簡潔易明，在場小朋友都可以掌握到點樣製作，成品賣相都相當唔錯。最後大家一齊品嚐返DIY嘅點心，特別美味。😋 完成點心班每位小朋友都可獲得點心製作證書一張，Asher仲留咗幾件點心攞返屋企俾大家分享。😁 圍爐親子點心班 地址：銅鑼灣糖街 31 號 Sugar+16 樓 體驗日期： 2024年10月(已售罄) 2024年11月9、23日 2024年12月8、15、29日 時間：15:30 – 17:00 KKday優惠價：HK$280/1大1小，平均$140/位 #UCreatorHK #kkdayhk#親子點心班#非遺項目#圍爐親子點心班#燒賣#港式點心#圍爐順德菜#點心放題#為食爸爸與Asher的親子日常#親子活動#親子#兒童攝影#親子好去處 #成長記録#香港親子活動#hongkong#香港媽媽#攝影#hkblogger#親子blogger#asheryuen2019

xypiggy.eat

港式美食

唐宮小聚 (新港中心店)

🤍尖沙咀 。唐宮小聚

#20250123🤍 📍 #唐宮小聚@socialplacehk 尖沙咀廣東道30號新港中心3樓303號舖 🍽️ 沙田|荃灣|中環 均有分店 ➖➖➖➖➖➖➖➖➖➖➖➖➖➖➖➖ #非常山竹$59 💭 會揀呢間野就係因為比佢啲好精緻既點心吸引左,呢個山竹係朋友們都話一定要叫,出面個皮係咸水角果隻糯米皮,聲稱入面包住啲龍蝦湯同蟹肉,蟹肉唔係好見到,但龍蝦湯的確幾濃,圍返起成廿蚊粒但都可以一試🦞 . #黑金流沙$59 #脆蝦多士$89 💭 老實講佢啲點心精緻係精緻,不過每碟得3件其實都幾貴,個流沙包好軟熟,個餡都好稱職做到流心效果🖤蝦多士面頭有啲黑松露即刻矜貴晒,係唔太明白點解佢要連埋蝦尾個殼一齊炸,但又唔係炸到可以一齊咬既程度,有啲吉口🦐 . #沙薑豬手$89 💭 將啲豬手連骨咁切開左一粒粒,比起平時咁食真係方便好多,啲骨膠原雪到好似啫喱咁,爽爽地同埋好Q彈,食到底舊豬手掂到更多汁就更加好味🐷 . #沙田乳鴿$49/隻 💭 原價要$69/隻,做緊堂食優惠價推廣有得平,可以揀免切原隻咁上,不過要share食無揀到,其實切都只係一開二,想講呢個真係做得好好食,啲肉好嫩滑又juicy,而且味道唔會過咸,最終4個人叫左3隻食🦆 . #鮮百合豆苗$99 💭 基本上佢就係一碟蒜茸炒豆苗,啲百合都係得面頭見到咁多多,同啲豆苗係完全分離,不過撇開呢樣唔計,豆苗用左最尖尖個位,就算有莖食落都好嫩口🌱 . #臘味煲仔飯$89 💭 另一款堂食優惠價既野食,原價$99,雖然比起平時煲仔飯要細兜啲,面頭啲料睇落都好似好少咁,但啲油香已經足夠成兜飯,加上個飯煲得好好,粒粒分明而且食落煙韌,係就咁食飯都覺得好好味🍚 . #桂花酒釀丸子$29 #桂花凍糕$39 💭 可能啲咸食印象分加得太多,拉高左期望,到甜品反而覺得有啲失望,桂花糕都正常既,平時食到咁不過不失啦,個酒釀丸子太淋身,食落口有啲糊既感覺,定本身呢味餸應該係咁既呢🌸 . #尖沙咀美食#🐷在尖沙咀 #沙田美食#🐷在沙田 #荃灣美食#🐷在荃灣 #中環美食#🐷在中環 #🐷_食