尖沙咀泰菜化身猛男餐廳！指定日子時間 肌肉男介紹菜單/表演榨檸檬汁
近日不斷有餐廳宣佈結業，而尖沙咀就有一間泰國餐廳搞搞新意思，化身為「猛男餐廳」吸引食客光顧！每逢指定日子和時間就會有Beefcake Night，過程中肌肉男將會介紹菜單、表演榨檸檬汁及提供慶生活動等，不少網民見狀隨即留言大讚：「正呀！」，即往下了解更多啦！
尖沙咀泰菜變身猛男餐廳
ASOK THAI GARDEN位於尖沙咀亞士厘道，餐廳主打泰式Fusion菜，食物賣相吸引外，餐廳裝潢亦引來不少食客打卡。近日，餐廳搞搞新意思，宣布今年為大家帶來全新主題，每逢星期一、三及五晚上6時至10時，將會舉行猛男Waiter晚市活動，食客只要於上述日子及時段光顧，就可以享受由猛男侍應提供的服務！
網民：香港終於有猛男餐廳啦
ASOK THAI GARDEN在社交平台分享了猛男侍應的宣傳短片，「猛男Waiter夜」中將會有肌肉男表演「生猛食物推介」、「『肌』尾酒服務」、「肌榨檸檬汁」、「猛男賀壽套餐」等，十分吸精！而猛男主題餐廳暫時只得尖沙咀分店。其後亦網民留言表示「香港終於有猛男餐廳」、「正呀，野男餐廳」、「成個畫面都係肌肉」、「係滿滿嘅肉啊」，大家不妨都可以去體驗下！
ASOK THAI GARDEN猛男餐廳詳情
日期及時間：逢星期一、三、五，晚上6時至10時
地址：尖沙咀亞士厘道37號地舖
預約及查詢：2559 7391（www.asokthaigarden.com）
-
泰國菜
ASOK THAI GARDEN (荃灣)
猛男餐廳！小朋友都玩到癲🥳！
🤩最爆泰國餐廳🤩 猛男 💪🏻X 小朋友👶🏻👧🏻🧒🏻 之前同姊妹去過尖沙咀猛男餐廳,見到荃灣分店有兒童餐,就帶👧🏻嚟見識吓🤣 有猛男哥哥餵食､餵飲,仲有得玩飛高高🤣 人肉monkey bar,陪小朋友玩,我就可以舒舒服服咁食嘢chill吓🤣 除咗猛男哥哥💪🏻夠晒搶眼,食物絕對唔係得個樣 柚子紅石柚沙律 $88 (必食) 夏天恩物,開胃之選👍🏻柚子酸酸甜甜,配埋紅石柚啖啖果汁,清新得嚟又唔會太甜,加埋啲沙律菜同腰果,口感層次豐富,正 牛肉串燒(2串) $58 牛肉燒得啱啱好,外脆內嫩👍🏻串燒汁夠香口 馬拉盞炒通菜 $89 馬拉盞鹹香十足,通菜爽脆唔焾口👍🏻食到一半猛男哥哥仲嚟問我哋｢夠唔夠辣｣,貼心又搞笑🤣 泰國金不換辣椒糕炒蜆 $168 (必食) 蜆肉肥美,辣椒糕帶微辣,金不換香氣撲鼻,成碟炒得乾身又惹味,食到停唔到口😋 蟹肉沙律牛油果墨西哥夾餅 $95 中泰墨fusion菜👍🏻蟹肉鮮甜,配埋牛油果🥑沙律,夾喺香脆嘅墨西哥夾餅入面,口感豐富又唔膩😋👧🏻都話好食 兒童餐雞肉茄汁貓意粉 $88 係小朋友最愛😋貓貓造型嘅意粉超可愛,雞肉嫩滑,茄汁唔會太酸,色香味俱全👍🏻猛男哥哥仲會餵小朋友食､玩,笑到唔停口 呢間餐廳唔止有猛男睇,食物水準又唔錯,價錢合理,氣氛又開心☺️ 無論一家大細定三五知己,都好啱嚟呢度食餐飯 @asokthai_garden ASOK THAI GARDEN 📍地址:荃灣楊屋道1號荃新天地UG樓UG37號舖 #asokthaigarden#香港猛男餐廳#猛男餐廳#猛男之夜#荃灣美食#泰國菜#荃灣泰國菜 #hkfoodies#親子活動#親子玩樂#假日好去處#假日好節目#親子好去處#親子#幼兒#拍拖好去處#吃喝玩樂#hkmama#香港媽媽#親子kol#親子blogger
閱讀更多
-
泰國菜
ASOK THAI GARDEN (尖沙咀)
泰式猛男餐廳
裝修打卡靚到爆📸,啱晒朋友聚餐､慶祝生日｡呢間餐廳係好開心,無時無刻都聽到生日歌｡好多好多客人慶祝生日,令到成間餐廳都好開心☺️ 我都覺得去到呢間餐廳成晚都好開心☺️ 🍽️精選推介: • 💪Strong Man Lift - Power:唔係普通cocktail!猛男親自調酒+公主抱📱📸!酒味微甜果香,打卡一流~ • 🥬豬肉生菜包:肉碎香口,包住生菜一啖食落去,好清新｡ • 🌶️酸辣海鮮媽媽麵沙律:酸辣夠晒勁,海鮮彈牙,媽媽麵吸晒汁 • 🍲冬蔭功湯(小):濃郁酸辣,蝦夠大隻,飲完暖笠笠~ • 🐮封門柳牛肉船麵 • 🥦通天炒椰菜:夠鑊氣,椰菜爽口唔老,簡單但好食｡ • 🍨炸刈包配椰子雪糕+花生醬:外脆內軟,甜品位超邪惡但唔膩 📍ASOK Thai Garden(尖沙咀店) #ASOKThaiGarden#香港美食#打卡必去#泰式風情#公主抱cocktail#泰式料理#尖沙咀美食#打卡餐廳#食好西#泰菜#泰國美食#打卡美食#猛男餐廳
閱讀更多
-
泰國菜
猛男泰菜餐廳？！🤤 尖沙咀必試！🔥
上星期我女仔朋友約咗我去一間好有SURPRISED嘅泰菜餐廳gathering - 原來係猛男餐廳🤣 Asok Thai 小食拼盤 $178 (必食推介👍🏻) 非常適合我呢啲有選擇困難嘅朋友,一份拼盤已經包含好多選擇,免治豬肉串､泰式魚餅､清邁腸､雞棗､燒菠蘿､炸蝦片,有沙爹醬和泰式辣醬,仲有埋勁juicy 嘅燒菠蘿🍍🤤 生蝦刺身 $98 (必食推介👍🏻) 非常新鮮加上特製嘅醬汁蒜頭和辣椒絕配 虎蝦咖喱飯 $238 帶有甜味香料嘅咖哩,沒有辣,非常下飯 炭燒豬頸肉 $98 非常嫩口入味 Udon Thani $98 好啱女仔飲嘅cocktails ,有好多士多啤梨 Golden Triangle $108 甜甜嘅菠蘿味🍹好清新 大家最熱烈期待嘅就係戲肉🤣 餐廳有三個猛男,非常熱情一啲都無冷場,全場氣氛高漲,好適合搞生日party,或者姊妹們嘅聚會 🤩猛男 Waiter Special Service🤩 1️⃣王牌服務 Triple Time $488/round 請全場飲酒 🍸 享有公主抬轎服務🤩 2️⃣‘Strong Man Lift’ $188 五款Cocktails選其中一款 尊享猛男親身調酒 及 公主抱起服務🤩 在場嘅男男女女情緒都好高漲🤣個個都好開心🤣超有氣氛🤣🤣 生活忙碌/苦悶/乏味/枯燥嘅你哋/妳哋,找點歡樂刺激吧🤣Asok Thai Gardenen #asokthaigarden#香港猛男餐廳#猛男餐廳#猛男之夜#尖沙咀美食#泰國菜#尖沙咀泰國菜 #hkfoodies
閱讀更多
港生活人氣本地熱話
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
↓【限時搶⚡】置富Malls送Capybara PIMOO CAPY豚長春日禮品↓
↓冷靜應變變色杯｜豚長呆萌旅行收納袋套裝↓
假日好去處