尖沙咀泰菜化身猛男餐廳！指定日子時間 肌肉男介紹菜單/表演榨檸檬汁
近日不斷有餐廳宣佈結業，而尖沙咀就有一間泰國餐廳搞搞新意思，化身為「猛男餐廳」吸引食客光顧！每逢指定日子和時間就會有Beefcake Night，過程中肌肉男將會介紹菜單、表演榨檸檬汁及提供慶生活動等，不少網民見狀隨即留言大讚：「正呀！」，即往下了解更多啦！
尖沙咀泰菜變身猛男餐廳
ASOK THAI GARDEN位於尖沙咀亞士厘道，餐廳主打泰式Fusion菜，食物賣相吸引外，餐廳裝潢亦引來不少食客打卡。近日，餐廳搞搞新意思，宣布今年為大家帶來全新主題，每逢星期一、三及五晚上6時至10時，將會舉行猛男Waiter晚市活動，食客只要於上述日子及時段光顧，就可以享受由猛男侍應提供的服務！
網民：香港終於有猛男餐廳啦
ASOK THAI GARDEN在社交平台分享了猛男侍應的宣傳短片，「猛男Waiter夜」中將會有肌肉男表演「生猛食物推介」、「『肌』尾酒服務」、「肌榨檸檬汁」、「猛男賀壽套餐」等，十分吸精！而猛男主題餐廳暫時只得尖沙咀分店。其後亦網民留言表示「香港終於有猛男餐廳」、「正呀，野男餐廳」、「成個畫面都係肌肉」、「係滿滿嘅肉啊」，大家不妨都可以去體驗下！
ASOK THAI GARDEN猛男餐廳詳情
日期及時間：逢星期一、三、五，晚上6時至10時
地址：尖沙咀亞士厘道37號地舖
預約及查詢：2559 7391（www.asokthaigarden.com）
-
泰國菜
ASOK THAI GARDEN (尖沙咀)
泰式猛男餐廳
裝修打卡靚到爆📸,啱晒朋友聚餐､慶祝生日｡呢間餐廳係好開心,無時無刻都聽到生日歌｡好多好多客人慶祝生日,令到成間餐廳都好開心☺️ 我都覺得去到呢間餐廳成晚都好開心☺️ 🍽️精選推介: • 💪Strong Man Lift - Power:唔係普通cocktail!猛男親自調酒+公主抱📱📸!酒味微甜果香,打卡一流~ • 🥬豬肉生菜包:肉碎香口,包住生菜一啖食落去,好清新｡ • 🌶️酸辣海鮮媽媽麵沙律:酸辣夠晒勁,海鮮彈牙,媽媽麵吸晒汁 • 🍲冬蔭功湯(小):濃郁酸辣,蝦夠大隻,飲完暖笠笠~ • 🐮封門柳牛肉船麵 • 🥦通天炒椰菜:夠鑊氣,椰菜爽口唔老,簡單但好食｡ • 🍨炸刈包配椰子雪糕+花生醬:外脆內軟,甜品位超邪惡但唔膩 📍ASOK Thai Garden(尖沙咀店) #ASOKThaiGarden#香港美食#打卡必去#泰式風情#公主抱cocktail#泰式料理#尖沙咀美食#打卡餐廳#食好西#泰菜#泰國美食#打卡美食#猛男餐廳
閱讀更多
-
泰國菜
上星期帶好友過嚟體驗吓香港嘅猛男侍應餐廳ASOK Thai Garden。如果叫酒類飲品猛男侍應走會過嚟親手餵你飲。如果叫生菜包，佢就即刻用佢強壯嘅手臂嚟唧檸檬，當晚係超級爆場，勁多人生日，然後全部猛男侍應都會走過去同佢慶祝，氣氛超級好啊，而且嘢食都好好食。 ✨ASOK THAI小食拼盤 有齊幾款不同有香辣又惹味嘅小食，食完辣嘢之後仲可以食返個燒菠蘿甜甜地中和返。 ✨北海道帶子娘惹牛油貓耳粉 好香好惹味嘅貓耳朵粉，辣辣地又好creamy，仲有三粒北海道帶子添。 ✨飛天小椰菜 本身係諗住辣辣地嘅，但係發覺冇想像中咁辣，小椰菜份量都幾多。 ✨蒜香班蘭烤羊架 烤羊架肉質都仲係好淋，一啲都唔韌，蒜香味啱啱好。 ✨芒果糯米飯甜筒 非常IG-able，芒果糯米飯唔會太甜，煙煙韌韌。 ✨Phuket 係酒類飲品，但係花香味比較重，反而酒味只有少少，女仔飲都冇問題。 #心意曲奇
閱讀更多
-
打卡熱點
ASOK THAI GARDEN (尖沙咀)
尖沙咀 Asok Thai Garden 又名猛男餐廳 因為朋友話想去個好玩的地方，上網search 見到有呢間泰國餐廳有搞頭，朋友又係女的，um, 岩晒啦！現場氣氛好好，眼見9成入場的係女性，大家enjoy同大隻佬互動，親餵/抱抱服務。我家工人姐姐都玩得好開心，呢度的野食so far 都good, 係個炒通菜麻麻，其他都真係好味。 #輕鬆出遊 #浪漫旅人祭
閱讀更多
港生活人氣本地熱話
請您睇🎞️《王命之徒》由韓國真實歷史改編！
↓🏆榮登歷代韓國電影票房第一位↓
《U GO》回本小隊🎖️ ：召集最真實Buffet食評🔥
🌟分享必食推介/避伏心得/回本攻略😋輕鬆贏獎品🎁
假日好去處