韓國人氣乳酪雪糕YOAJUNG進軍香港！主打自選配料+醬料！男團成員皆捧場客

U Lifestyle

香港攻略

【Froyo迷必睇】香港乳酪雪糕7大推介 馬德里過江龍／人氣希臘乳酪／自選配料

天氣熱熱哋，想食甜品又驚有罪惡感？酸酸甜甜、低卡無負擔嘅Froyo乳酪雪糕絕對係解饞首選！今日小編精選全港7大乳酪雪糕小店推介，當中仲有近期新開業嘅西班牙過江龍名店，Froyo迷即刻睇落去，weekend準備去打卡！🍦 --------------- 【請您去露台餐廳】歎雙人奢華海景下午茶🫖！ 想同閨蜜或另一半在優雅海景旁享受精緻打卡 Afternoon Tea？U Community 今次請您去淺水灣影灣園「露台餐廳The Verandah」免費歎雙人下午茶！即日起至2026年10月8日，簡單登記就可以免費歎限定「別緻檸檬下午茶」～ 登記免費歎精緻下午茶 --------------- 1️⃣MYKA 喺香港都食到馬德里人氣過江龍乳酪雪糕店「MYKA」啦！品牌採用希臘直送乳酪，主打每日新鮮製作低乳糖、高蛋白希臘乳酪雪糕及山羊奶克菲爾乳酸菌。提供超過30種自家製配料及季節限定口味，唔少網民表示食落比起傳統乳酪雪糕，口感更加滑順，Froyo迷一定要去中環朝聖下！ 📍地址：中環威靈頓街43號新利大廈地下D號舖 --------------- 2️⃣ Drool Froyo 呢間人氣希臘乳酪雪糕店全港有多達8間分店，堅持採用Mevgal天然希臘乳酪，口感厚實且高蛋白低糖，食落健康又冇負擔！提供多款手工麻糬、特製醬汁與水果等配料自由配搭，亦可選招牌組合。社群U Creator特別推介「抹茶園」，想食高品質乳酪雪糕嘅您必去！ 📍地址：觀塘駿業街46號地舖（更多分店詳情睇官網） > “frostiewithfood” 分享Drool Froyo希臘乳酪雪糕詳細點評< --------------- 3️⃣ LemonLiza 食Froyo仲可以打卡埋經典名畫牆（玩味惡搞版）？位於啟德AIRSIDE嘅「LemonLiza」選用新鮮澳洲檸檬，主打鮮榨檸檬茶與天然健康嘅乳酪雪糕。社群U Creator特別推介「Tim Tam 乳酪雪糕」及「檸檬乾乳酪雪糕」，酸甜適中而且層次豐富，驚喜十足！ 📍地址：九龍城啟德協調道2號 AIRSIDE 5樓 L501號舖 >啟德藝術Froyo有幾好食？ “Josephine” 話您知< --------------- 4️⃣ Yoajung 韓國爆紅Froyo品牌「Yoajung」喺香港都食到！主打低卡健康，而且客製化嘅乳酪雪糕，可以按自己喜好，自選新鮮芒果、爆珠、蜂巢、芝士蛋糕粒等配料，乳酪份量大大杯，但食落輕盈冇咩負擔，唔怪得太妍、TXT然竣、RIIZE成燦等韓星都鍾意食！ 📍地址：將軍澳唐德街9號將軍澳中心G樓G51號舖 > “Vivian Lee” 分享Yoajung自選乳酪開箱< --------------- 5️⃣ Mochiffon Patisserie 本地人氣蛋糕品牌「Mochiffon Patisserie」分別於尖沙咀、旺角、銅鑼灣都有分店，除咗戚風麻糬蛋糕之外，佢嘅乳酪雪糕都值得一試！選用澳洲希臘乳酪，必食「香蕉脆脆乳酪雪糕」、 「絲絨開心果乳酪雪糕」，口感綿密，配上開心果脆脆與朱古力麻糬，開心果控必試！ 📍地址：尖沙咀K11 Musea B2樓B201-26號舖 > “ahwilltv” 分享絲絨開心果乳酪雪糕真實食評< --------------- 6️⃣ LAW OF YOGURT小滿定律 人氣排隊乳酪雪糕店「小滿定律」分別於西貢碼頭、西九龍、西營盤設有分別，採用100%天然希臘乳酪製作，款式全部自由配搭，可以按喜好選擇唔同配料及醬汁！社群U Creator就推介配料要加海鹽焦糖脆脆、綠茶糯米糍，搭配酸甜希臘乳酪口感大提升，層次感極豐富！ 📍地址：西營盤第二街1號東祥大廈地下D號舖 > “yoyo.dailylog” 分享小滿定律希臘乳酪雪糕< --------------- 7️⃣ MoMo Yogurt 位於觀塘同銅鑼灣嘅本地品牌「MoMo Yogurt」唔單止主打純天然、無添加糖嘅Greek Yogurt，而且仲食到拉絲麻糬Q彈嘅口感！人氣口味乳酪杯包括芒果口味、香蕉焦糖脆餅乳酪等，搭配牛角包、麻糬粒、燕麥脆脆等配料，仲有蛋糕同咖啡售賣，絕對係健康解膩之選！ 📍地址：觀塘鴻圖道28A號德信大樓地下G1號舖 > “gn_gnyt” 拍片分享MoMo Yogurt拉絲乳酪點評< ＊本文內提及之雪糕口味、配料選擇、套餐價格及營業時間，均以各大小店現場或官方最新公布為準。 招募Foodie l 分享食評賺獎賞！ 立即登記➡️ https://ulapp.hk/5molx 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 —————— 圖片來源：IG帳戶@myka_greek.hk、社群U Creator {{hket:tag-user display="gn_gnyt"}}1000467{{/hket:tag-user}} 、 {{hket:tag-user display="yoyo.dailylog"}}298642{{/hket:tag-user}} 、 {{hket:tag-user display="ahwilltv"}}827586{{/hket:tag-user}} 、 {{hket:tag-user display="Vivian Lee"}}1021734{{/hket:tag-user}} 、 {{hket:tag-user display="josephine"}}133283{{/hket:tag-user}} 、 {{hket:tag-user display="frostiewithfood"}}479498{{/hket:tag-user}} 、 {{hket:tag-user display="eunicep"}}48879{{/hket:tag-user}}  #ULifestyle #ULifestyle社群 #社群排行榜 #香港Froyo #乳酪雪糕 #希臘乳酪 #香港甜品 #Froyo推介

Chan Zoey

香港攻略

Yoajung Hong Kong

📣 大角咀奧海城低糖乳酪雪糕！🍦🤩

❣️Yoajung(大角咀) 大角咀海泓道1號奧海城三期UG樓UG68&71號舖☎️ Premium's Choice $130 (ICE CREAM + MANGO SHELL + MANGO + MANGO POP PEARLS + CHEESE CAKE + HONEY COMB): 呢杯乳酪雪糕芒果嘅元素好多🥭乳酪雪糕有芒果朱古力喺面~仲有唔同嘅配料喺側邊~蜜糖蜂巢🍯香甜,仲有細嘅cheesecake同爆珠嘅香脆口感~呢杯雪糕好大碗,夠兩個人食~ Honey Grapefruit $58(ICE CREAM CHOCO SHELL + HONEY + COMB + GRAPEFRUIT + Chocolate BROWNIE): 呢杯係TXT然竣同款pick!好啱打卡🤩柚子清酸,配蜂蜜🍯甜嘅香,巧克力脆殼同brownie集合咗苦同甜兩種層次｡整體嚟講唔會太甜~ #大角咀#大角咀美食#大角咀美食篇#乳酪雪糕#香港乳酪雪糕#乳酪雪糕#奧海城#芒果雪糕

et.food

香港攻略

Yoajung Hong Kong

奧海城店低糖健康乳酪雪糕Yoajung

TXT 迷同乳酪控注意!🔥 最近呢間店嘅 TXT Combo 聯名乳酪 真的太高質! 最正係基底自由度極高, 任選【原味】或【低糖乳酪】,控糖定享樂自己決定! 自由配搭完全無限制~ 黃粉黑三款一次過試晒: 💛 mango madness$88 大大碗份量十足!新鮮即切芒果配埋濃郁芝士蛋糕粒同天然蜂巢蜜,酸酸甜甜爆多汁,蜜糖加芝士蛋糕簡直食落層次滿滿🤤 🩷 INDIVIDUALITY 獨特之律 $100 粉紅高顏值代表!士多啤梨淋醬遇到冰即刻變脆皮,加上爆炸糖喺嘴入面嗶嗶啵啵,仲有棉花糖脆脆同水果圈!一咬超爽💥小朋友咁大碗都食晒😂 🖤 Oreo Thunder$78 因為我好鐘意食朱古力,所以我一定會試滿滿 Oreo 碎餅加埋 Oreo 燕麥圈,雙重脆感｡最後淋埋香濃煉奶,平衡得啱啱好,一路食一路停唔到口!🍫🥛 👉🏻 小貼士: 揀低糖乳酪基底配呢啲邪惡配料,完全無罪惡感,夏天必食嘅嘢❤️ Yoajung (大角咀) @yoajunghk_official 大角咀海泓道1號奧海城三期UG樓UG68&71號舖 #Yoajung#韓國乳酪雪糕#乳酪雪糕#香港甜品#奧海城