壽司郎一人狂食12碟三文魚三貫！壽司郎由2月3日至2月7日，推出「三文魚兩貫變三貫」的立春限時優惠，每碟加量但不加價，令大批三文魚愛好者倍感雀躍，當日起就有「三文魚狂魔」緊握機會，一個人獨自食足12碟三文魚三貫，即足足36件三文魚壽司，相當誇張，有網民更幽默地幫手計數，直言今鋪樓主賺咗$102！
壽司郎一人狂食12碟三文魚三貫 足足36件同款壽司落肚
壽司郎推出「三文魚三貫」的限時優惠由昨日起開售，三文魚由「兩貫」變「三貫」，每碟加多一貫但不加價，三件合計$17，可謂十分抵食，不少三文魚愛好者大感吸引，甚至會獨身前往幫襯，而且相當「專一」，淨食三文魚壽司！
樓主用半小時食36件三文魚壽司
有港人周一（2月3日）透過Threads分享「我又一個人去咗食壽司郎了」，附上的相片顯示，檯上總共有達12碟「三文魚三貫」，幾乎覆蓋半張檯面位置，以每碟3件計算，即足足吃了36件三文魚壽司，而且每件份量不少，同款壽司不斷放落肚，更指全程僅花半小時左右就食完，十分誇張！
面對如此壯觀的畫面，有不少網民直言支持：「我都好鍾意自己一個人食壽司郎，見到你呢張相勁正，好多三文魚壽司呀我決定聽日食」、「我最愛， 師兄俾舊魚我」 、「我都係成日心血來潮就自己去食」；亦有網民笑言：「全部都係三文魚again，師兄真係好鍾意食三文魚」、「師兄你食量好大」。
網民分享食「三文魚三貫」戰績
而繼12碟「三文魚三貫」後，亦有其他「大胃王」食客一人上陣，去到壽司郎同樣只叫三文魚壽司，足足叫了9碟，亦即是27件壽司，引來不少同樣熱愛食三文魚的網民，紛紛在「香港壽司郎關注組」分享戰績！
網民讚抵食：9碟賺$76.5、12碟賺$102
有網民笑言：「我只能吃4碟，實在太失敗，點解你可以吃9碟」、「仲要厚切」、「最正係之前大切三文魚腩壽司！食左6件飽晒」，不少人坦言好抵食。有網民更幫手計數，指以「三文魚二貫」價錢$17，即每件三文魚壽司$8.5，變「三貫」每碟送多一件，即樓主賺了「$8.5 x 9」合計$76.5。若按照算法，食12碟「三文魚三貫」即賺了$102！大家又會不會去挑戰一下？
資料及圖片來源：Threads、Facebook@香港壽司郎關注組、Sushiro HK 香港壽司郎
壽司郎2月全新Menu！$17炙燒焦糖鵝肝壽司回歸！三文魚三貫$17
壽司郎2月全新Menu正式登場！人氣炙燒焦糖鵝肝壽司強勢回歸，$17就可以歎到！同時亦有多款優惠，包括$17三文魚三貫、$12鯡魚卵軍艦、$27特盛帆立貝等。另外適逢情人節壽司郎聯乘米芝蓮一星主廚Ryota打造5款情人節主廚料理，最平$22就可以一嚐，即睇下文了解詳情！
壽司郎聯乘米芝蓮主廚Ryota
壽司郎於2月4日起，壽司郎主廚吉田啓之邀請同門師兄弟——米芝蓮一星 Ryota Kappou Modern 主廚，兼澤良太（Ryota Kanesawa），聯手打造壽司郎情人節米芝蓮星級滋味驚喜，特創 5 款情人節主廚料理！
$22起嘆米芝蓮星級滋味
聯乘商品包括松露香氣壽喜燒牛排、中吞拿魚腩配蘋果芥末醬、特製吞拿魚與生海膽海苔天婦羅配特製醬油和特製牛肉與生海膽海苔天婦羅配特製醬油，最平$22就可以一嚐米芝蓮星級滋味！
條款及細則：
- 聯乘商品第一彈於2月4日正式開售
- 炙燒焦糖鵝肝壽司將會於2月4日回歸
- 聯乘商品和壽司郎全線分店有售
- 炙燒焦糖鵝肝壽司於壽司郎全線分店有售
- 期間限定商品數量有限，售完即止
- 詳情請向店員查詢
壽司郎2月全新Menu
$17三文魚三貫、情人節限定Menu
即日至2月7日三文魚三貫只需$17，限時加量唔加價，而2月14日將會推出$17醬漬三文魚腩配新香三文魚蓉、$12鯡魚卵軍艦及$22雷神朱古力相思相愛卡達拉娜。
條款及細則：
- 【春祭】限定商品於2月4日（二）正式開售
- 【春祭】限定商品於壽司郎全線分店有售（【香港仔利港商場店】及【沙田新城市廣場3期店】除外*）
- 【香港仔利港商場店】及【沙田新城市廣場3期店】只販售【春祭】限定商品「炙燒焦糖鵝肝」一款，其他【春祭】限定商品恕不提供
- 期間限定商品數量有限，售完即止
- 詳情請向店員查詢
炙燒焦糖鵝肝壽司強勢回歸
人氣炙燒焦糖鵝肝壽司強勢回歸！於2月4日起於壽司郎全線分店開售。
<< 提醒大家，圖片只供參考，實際款式視乎分店存貨！購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
來源︰壽司郎
台灣過江龍「再睡5分鐘」進軍香港！飲品定價曝光 網民讚抵飲！
早前有網民在Threads上發文，發現台灣人氣手搖店準備登陸香港旺角，令人十分期待！由樓主上傳的圖片中可見再睡5分鐘目前已圍板正在裝修中，進一步消息需要等待官方公佈。
由樓主所分享的位置可見再睡5分鐘位於旺角豉油街，於裕旺大廈附近。
記者現場直擊再睡5分鐘旺角分店圍板，圍板印上了品牌吉祥物小咖、布朗、啵啵、小被被、咕嚕嚕，設計相當用心，貫徹品牌主題。
▼香港餐牌▼
再睡5分鐘官方社交平台帳號突發公開香港店餐牌，定價獲讚抵飲，還特別推出香港限定「凍香檸」！
各款茶飲示意圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】SMS Cosmetics UV雙效紅外線隔離霜！↓
↓ 長效阻隔UV及紅外線｜同時保濕、滋養肌膚↓
【一齊重溫《社群》精彩點滴 】
↓主題追蹤人次突破百萬↓網民最愛帖文 攻略主題原來係...?↓
