3.22起家姐細佬盈盈同框出場「大熊貓之旅」延長開放至下午4時半
各位「契爸契媽」注意啦！大家期待已久的盈盈媽媽與龍鳳胎寶寶家姐、細佬，三隻大熊熊同框的畫面終於要實現了，海洋公園宣布將由3月22日（周六）起，市民可以在「大熊貓之旅」展區親眼見證盈盈媽媽的育兒日常，感受滿滿的溫馨與可愛！即睇園方最新開館時間及領票安排。
家姐細佬盈盈3.22起同框出場 延長大熊貓開館時間
經過護理員們多日的觀察和訓練，盈盈媽媽和家姐細佬已經逐漸適應，可以一起在展區活動，這意味著大家不僅可以看到家姐、細佬的可愛模樣，還能親眼目睹盈盈如何照顧兩個調皮寶寶。為了讓大家有更多時間探訪這三隻大熊貓，海洋公園宣布，延長「大熊貓之旅」的開放時間至下午4時30分。如想要一睹盈盈媽媽湊仔女的風采，記得先去「大嘜礦石場」領取「進入展館時間票」，並按照票面時間入場。每人參觀時間約3分鐘，雖然時間不長，但相信這短短的幾分鐘或足以被3隻大熊貓萌倒！
契爸、契媽興奮不已 留言一片期待
消息一出，一眾「契爸」、「契媽」紛紛在官方帖文下留言表達興奮之情：「終於等到盈盈湊BB的畫面了，場面一定很墟冚！」、「好期待媽媽同家姐細佬一起互動」、「盈盈媽媽同家姐細佬一齊係最開心㗎」、「終於等到三母子在一起了，太好了」、「雖然都未到現場睇，但每張相都已經感受到好溫馨！」園方又指出，現時香港居民二人同行入場每人$398，有興趣的朋友仔記得約家人朋友「朝聖」喇！
▼最新領票安排▼
資料及圖片來源：香港海洋公園 Ocean Park Hong Kong
熊貓家姐右眼皮受傷
海洋公園早前在其社交平台更新大熊貓寶寶的最新情況，指大熊貓「家姐」右眼眼皮受傷。早前發現「家姐」右眼出現明顯紅腫，令奶爸一度心痛要呵返「家姐」。期後經過公園獸醫檢查後，確認「家姐」眼球並沒有受傷，而第三眼皮結膜傷口會自然癒合。期間須為「家姐」滴眼藥水療傷。
傷勢疑因兩姐弟玩得太興奮
大熊貓奶爸奶媽們一直密切注意「家姐」的傷勢。經過詳細檢查傷勢起因後，園方就表示「家姐」眼皮受傷，「疑似兩姐弟玩得太興奮而造成」。園方播出的片段中亦可見兩姐弟非常肉緊，而且臉貼臉玩耍的一幕，十分可愛！「家姐」經過治療後，第三眼皮受傷的部份癒合良好，亦無須再滴眼藥水。
家姐目前情況穩定視力不受影響
園方表示目前下眼皮瓣依然明顯，受傷的眼皮有機會持續存在，不過對其視力無影響，「家姐」亦沒有不適的行為，暫時都不需要再進一步治療。動物護理同獸醫團隊仍會繼續密切觀察「家姐」的康復情況！幸好有專業動物護理及獸醫團隊悉心照顧，家姐目前已經無大礙！「家姐」亦向各位「契爸契媽」表示「我冇事！唔使擔心我！」。
3月15日龍鳳胎大熊貓的半歲生日
大熊貓龍鳳胎「家姐」和「細佬」出生至今一直受港人關注，亦由上個月始大熊貓龍鳳胎正式與公眾見面，3月15日更是港產龍鳳胎大熊貓的半歲生日的大日子。大熊貓BB每日會出場5小時，採用流水式安排市民入場。另外，園方每日設一團「貴賓團」，讓持票人短暫逗留大熊貓展館與大熊貓合照。
-
打卡熱點
香港海洋公園
終於見到家姐本人啦🩵
今日去Ocean Park見熊貓BB🩵 一早去到都係要喺威威天地前邊攞咗預約券💕 係券上邊寫嘅預約時間前5分鐘先可以去大熊貓之旅入場🥰 心情真係好期待😆 入到去見到細佬,家姐同埋媽媽盈盈喺同一間館😆 兩隻熊貓BB實在太得意啦😍 大家快啲,趁佢哋未大個去探吓佢哋啦🥰 #UCreator#好去處#oceanpark
閱讀更多
-
親子
香港海洋公園
香港海洋公園大熊貓龍鳳胎一歲生日慶祝活動
日期：2025年8月15日 地點：香港海洋公園 香港海洋公園將會為深受大家喜愛的大熊貓雙胞胎 「加加」、「得得」舉辦一歲的生日慶典。若你希望見證兩隻大熊貓寶寶成長的重要里程碑，或想近距離感受這對大熊貓寶寶的獨特魅力，絕對不能錯過一連串的慶祝活動。 #UCreatorHK #親子好去處 #親子旅遊 #親子餐廳 #育兒心得 #親子活動
閱讀更多
-
打卡熱點
海洋公園
🐼海洋公園全新｢親親動物月2025｣自費分享
🐼海洋公園全新｢親親動物月2025｣自費分享 海洋公園最近推出咗一系列同熊貓有關嘅新活動,等大家可以近距離感受佢哋嘅可愛魅力!我地都剛剛去左,分享下有咩新野玩先! 首先,｢親親動物月2025｣帶大家探索六隻熊貓嘅日常生活,包括盈盈､樂樂､佢哋嘅孖寶｢家姐｣同｢細佬｣,即係新成員｢安安｣同｢可可｣｡ ｢熊貓『竹』夢之旅｣亦都好受歡迎,透過互動裝置,大家可以尋找隱藏喺竹林入面嘅大熊貓,感覺係熊貓版mini team lab,仲可以用AR影相留念! 仲有一個大熊貓雙星道,係一個LIVE的互動劇場,有好多問答環節,小朋友好鍾意! 除此之外, 最特別嘅係｢大熊貓『便』利紙｣工作坊,讓大家親手用熊貓糞便製作環保再造紙! 想去睇兩隻熊貓BB就記住一定要去威威天地主入口攞預約票!我星期六去嘅時候,發現12:30左右 預約票 已經派完晒!我地11:00去到都要預約到下午2時多!所以如果你真係好想見到新成員,記得提早到場,確保攞到票啦!🐼🎟 #海洋公園#熊貓#親子活動
閱讀更多
港生活人氣好去處
↓【限時搶⚡】淨密方4X 女性益生菌200億+蔓越莓↓
↓改善女性常見私密問題、提升免疲力↓
↓【請您去Staycation🏡！】↓
假日好去處