鳥貴族開第二間分店！選址呢度！$19.9嘆燒鵪鶉蛋／燒菠蘿／雞髀菇！網民興奮︰唔洗入大西北啦！
主打平價串燒的日本過江龍居酒屋「鳥貴族」即將開第二間分店！近日，有網民發現鳥貴族進駐大埔超級城，位於壽司郎旁。而香港鳥貴族亦在今日（3月28日）發文宣布2號店的消息指「2號店就嚟開喇～」片尾證實2號店位於大埔超級城。消息引來大批網民討論，不少網民對此感到興奮指「唔洗入大西北啦」，即睇下文了解事件詳情。
鳥貴族大埔開第二間分店
近日，有大埔街坊在Facebook「大埔 TAI PO」群組上發文，指發現鳥貴族第二間分店選址大埔超級城，目前已圍板，正在裝修。
有網民詢問「壽司郎果層？」，樓主回覆「正正喺隔離」，即在大埔超級城B區1樓124-127號舖。
香港鳥貴族亦在今日（3月28日）於官方社交平台發文，指「2號店就嚟開喇～」和「估吓喺邊度～ 片尾開估」，片尾開估為「大埔超級城」，不過具體時間有待官方再公布。
網民興奮︰唔洗入大西北啦
對於鳥貴族開第二間分店的消息，不少網民表示興奮指「終於唔洗入大西北啦」、「好野好野」、「港九新界開多的」、「好味啊」、「大埔超級城要改名做大埔日本城」、「幾時開啊！」和「太好啦！唔洗入屯門啦！」。
鳥貴族餐牌
鳥貴族主打平價串燒，所有餐品（串燒、特色菜、酒精飲料、飯麵及甜品）均一價$29.9，目前正舉行春天期間限定料理，有秘製醬汁燒鵪鶉蛋、鹽燒豚肉、燒菠蘿、燒粟米、西班牙水果紅酒／白酒和荔枝串及秘製醬汁燒雞髀菇$19.9起。
鳥貴族分店詳情
鳥貴族大埔店
- 地址︰大埔超級城B區1樓124-127號舖
- 營業時間︰待公布
- 電話︰待公布
鳥貴族屯門店
- 地址︰屯門屯順街1號屯門市廣場1期1樓1108-1111號舖
- 營業時間︰上午11時30分至晚上10時
- 電話︰6601 3696／3974 5663
來源︰鳥貴族, 大埔超級城, Facebook@Torikizoku Hong Kong-香港鳥貴族 , 大埔 TAI PO
-
日式料理
鳥貴族 (大埔店)
鳥貴族串燒初體驗😋 抵食過癮🍻
🍢✨ 最近去咗｢鳥貴族｣試串燒 整體感覺幾滿意!店內裝潢神還原日本嘅分店feel 氣氛輕鬆舒服 無論同朋友聚會定係自己chill下都好啱~ 佢哋最大嘅賣點係價錢真心親民🥹 串燒同酒精飲品一律$29.9 小食同無酒精飲品仲低至$19.9 呢個價位喺香港嚟講真係幾抵食‼️ 串燒選擇多樣 火候掌握得好 外層微焦 入面仲保持嫩滑 食落去香口又唔會太鹹🤤 特別鍾意佢哋嘅明太子雞肉串同雞胸脆骨 配杯冰凍啤酒真係完美🍺 仲有Mega尺寸嘅各式酒精飲品 連Lemon Sour都有😍 服務方面都幾有禮 出餐速度快 食物新鮮熱辣辣上枱🙂↕️ 整體嚟講 性價比高 氣氛好 味道穩陣 係一間會想再返去嘅居酒屋式小店~🔥 不過用餐時間得90分鐘😟 #串燒#居酒屋#鳥貴族#日本菜
閱讀更多
-
打卡熱點
鳥貴族公佈香港3號店登陸觀塘！🤤
香港鳥貴族繼現已開業的屯門店及大埔店後，即將近來香港3號店——觀塘店！早前有網民發現鳥貴族將於將軍澳開店，不過官方仍未公佈，就率先迎來觀塘店！是次觀塘更是鳥貴族全線首間衝出新界的九龍分店。 觀塘店開幕日期仍有待官方公佈，各位九龍區食客可以期待一下啦！ 鳥貴族觀塘店詳情 地點：觀塘創紀之城apm 開幕日期：待公佈 來源：torikizoku_hongkong
閱讀更多
-
打卡熱點
鳥貴族 (屯門店)
鳥貴族再開分店選址葵芳！🤩
香港鳥貴族繼現已開業的屯門店及大埔店之外，即將近來香港3、4、5號店！🤤 分別是早前有網民發現鳥貴族將於將軍澳開店，不過官方仍未公佈。而官方就率先公佈迎來觀塘店及葵芳店啦！觀塘為鳥貴族全線首間衝出新界的九龍分店，其餘同為新界區分店。 觀塘店及葵芳店開幕日期仍有待官方公佈，各位九龍區食客可以期待一下啦！港島區街坊要繼續集氣啊！ 鳥貴族分店詳情 觀塘店 地點：觀塘創紀之城apm 開幕日期：待公佈 葵芳店 地點：葵芳新都會廣場 開幕日期：待公佈 屯門店 地點：屯門市廣場1期1樓1108-1111號舖 大埔店 地點：大埔超級城B區1樓126 - 127號舖 來源：Torikizoku Hong Kong-香港鳥貴族
閱讀更多
港生活人氣本地熱話
【家長必睇👀】全港最受歡迎親子室內遊樂場！🛝
1000+港媽港爸票選🗳️ 即睇完整排名✨
【參加即有賞】 「我的Chill賞假期」填色比賽🎨！
費用全免，所有參加者皆獲頒證書！贏走獎座及HK$1,000現金禮券😍！
假日好去處