文具佬再有分店結業預告不止1間！店方解釋點解Chiikawa經濟無效？

文具佬預告再有分店結業不止1間 業主加租忍痛離場

自文具佬一個月內接連宣布2間分店將結業，包括石門（經營至7月初）及馬鞍山旗艦店執笠清貨，消息令不少港人關注。主打文具、生活用品及精品的「文具佬」近年來持續擴張業務，擁有20間分店，更加「食住個勢」緊貼Chiikawa經濟，為粉絲提供大量人氣公仔精品，但仍難逃業主加租命運。

文具佬最新（29日）再透過社交平台詳細解釋結業原因，以及現時市道下的經營狀況，店方早前曾指出馬鞍山旗艦店3年來租金蝕8位數字，至於石門就「冇輸，只係新租金我哋交唔起，所以冇得續約」。

未來會否再有其他分店結業？

店方坦言，「有，而且唔止一間，主要原因都係合約到期，租金傾唔掂」，市況艱難，無奈現時業主為避免被銀行Call Loan（收回貸款），寧願丟空吉舖亦不願減租。雖然未有明確指出哪些分店執笠，不過文具佬就透露，沙田好運Pop up店「都差不多就嚟租約到期，我哋好努力咁搵緊石門同區開返一間門市，希望好快會有好消息」 。

賣咁多Chiikawa點解仲要執笠？

文具佬解畫稱：「Chiikawa 幫咗我哋好多，我哋儲多咗fans」、「如果冇Chiikawa，我哋每間舖都應該靜過太空」。但奈何大環境是大家都喜愛「返鄉下」或者北上，每逢假期香港人流少，新來港人士又不好在香港購物，「最重要係租金並唔平，計唔掂數，就要壯士斷臂」。

有店舖結業同時，亦有新分店開張。文具佬解釋，主要原因是需要足夠的營業額，以支撐背後Back Office（後勤辦公室）、倉庫、運輸等營運成本，除非打算完全放棄準備執笠大吉，否則「要養得起後勤就唯有努力搵生意，能夠搵到合適嘅分店開門就係最好嘅方法」。

+2

點擊圖片放大

文具佬：只有堅持咬緊牙關 總會見到曙光

店方直言，「而家係咪已經係最壞我哋亦都評估唔到，唯一知道嘅係只有努力堅持咬緊牙關，總會見到曙光」，認為下個曙光是馬鞍山完約，起碼可以先止蝕。目前石門及馬鞍山分店租約期滿，正進行執笠清貨優惠：買滿$100享9折、$200享8折，店方又特別呼籲在沙田、馬鞍山、白石角、大埔區附近的朋友可以多多支持，大家有興趣記得把握機會。

▼原帖文▼

點擊圖片放大

資料及圖片來源：文具佬生活百貨 Stationery Lo