西九龍中心Food court獲讚「世界級」旅遊景點？港人意見兩極：張櫈就係
西九龍中心Food court近日被港人熱議，有網民大讚「成個（台灣）士林夜市搬咗入去」，形容集合了星馬泰、越印、意大利、韓國等多國平民美食，價格親民，認為性價比頗高，更直呼「根本係旅遊景點」，引來熱議，部份人認同樓主，但都有人笑指「張櫈就真係世界級」！
西九龍中心Food court獲讚「世界級」旅遊景點？
深水埗西九龍中心Food court向來是平民美食集中地，早前有網民透過連登討論區以「西九龍中心個Food court 根本係世界級」為題，分享對商場美食廣場的看法，並將其與台灣著名的士林夜市相提並論，認為「各國美食都食到又平民價錢，根本係旅遊景點」。
此言一出立即引起兩極反應，部分人對其多元化的選擇和實惠的價格表示認同；然而另一部分人則不大支持，反而對其「世界級」的斜櫈設計投以抨擊。這座陪伴港人多年的商場，其餐廳美食區亦經歷著不同演變。
港人看法兩極：有唔少好嘢食 VS 完全無選擇
其中，一間意大利Pasta小店近年在Threads上爆紅，由意大利廚師主理製作手工意大利粉，被不少食客點名力推；另有網民表示「有間拉麵食咗十幾年都未執」，另外亦有韓國菜雖稍貴但「好好味」，整體選擇豐富程度被指「可能係全港Food court之冠」，甚至有人比較「一個商場仲多嘢食過成個離島區」、「其實真係有唔少好嘢食」。
深水埗西九龍中心Food Court美食推介：
雖然有部份人力讚平民美食選擇多元化，但對於Food court的菜式評價亦呈兩極。有不少人批評：「全部都係食大陸野，乜粉乜麵乜酸辣米線，完全無選擇」、「次次去淨係食兩餸飯」；亦有人批評不如深圳，「人哋十幾蚊碗飯，任坐任添，仲開大冷氣招呼你！」質疑西九龍中心作為「旅遊景點」的吸引力。
世界級斜櫈惹爭議 網民：食完快啲走
與此同時，Food court的座位設計亦成眾矢之的。有網民瘋狂嘲諷：「啲枱櫈（向下斜嘅櫈）都係世界級」、「張櫈可以納入世界文化遺產」，被瘋狂投訴「個pat要打斜先坐到」。有人則解釋設計用意：「改善左你就唔會有位坐，勁多人唔食嘢霸住張台檯，而家算幾好啦，起碼你要食嘢係易搵位」、「等你食完快啲走」。大家覺得呢？
資料及圖片來源：連登討論區、HKET圖片庫
西九龍中心斜櫈升級斜8度變20度？港人狠批個人向前傾、食物盤突出30%
西九龍中心美食廣場的斜櫈向來惹人詬病，早年已經備受爭議，不過商場就無動於衷，繼續採用「傾斜」設計，最近有市民就再度透過網上作出投訴，怒轟斜櫈設計一代斜過一代？其中第二代設計傾斜水平更突然升級，令食客根本無法舒服地安坐用餐：「根本放唔到袋，坐都坐得勁唔舒服，個人向前傾」此外，他又批評食物檯的設計同樣古怪，「令到啲食物盤每邊各突出起碼30%」！
▼市民分享▼
他又指，「原本我未試過西九龍啲嘢食，一聽到佢咁X街，我就唔去幫襯」，豈料發現美食廣場內的餐廳食物水準不差，但就十分付人困擾，直言「其實呢個場啲枱櫈設計好古怪」。有網民認同指：「以前喜歡去！自從換了斜櫈後就唔想去了」、「一開始西九龍美食廣場枱凳都正常好大，只係日子耐咗只坐不食嘅情況太多」、「現在中間位置係近幾年新加，坐位空間變細咁咪做啲咁樣X檯凳，等人食完走囉」。
港人鬧爆食堂櫈太斜坐到「滑落」網民反撐商場
去年9月亦有網民曾於群組發文分享，投訴商場內的食堂櫈子的斜傾設計有問題，「隻腳離地人就會滑落，又放唔到嘢，你（商場）咁做都係想啲客食完快啲走啫，你以（為）香港人好得閒想霸住你啲位坐？」
他續指，食完飯後Hea（休息）數分鐘實屬正常，認為食堂內的全部櫈子設計，都令客人坐得極不舒適，「食餐飯都唔安樂，為乜？」他又怒斥，「菜式就無乜創意，趕客搞客就創意無限」，直言以後都不會再幫襯，更嬲爆稱「快X啲執笠」。
行文之間不難看出，樓主對椅子「傾斜」設計極為不滿，更有網民廣傳相關相片及內容，引起各大網民關注討論。據了解，有關「斜櫈」位處西九龍中心的食堂內，並已設置多年，至今仍不時引來部分食客不滿，不過大部分網民似乎對樓主投訴不以為然，反而支持商場的做法，認為是樓主「唔明世情」。
有網民解釋，斜櫈設計有一定原因。「你知唔知西九龍中心8樓food court 長期有班無嗌嘢食嘅人坐喺度霸住啲櫈呀，就係踢走嗰班人咋，你係老細都唔想有班人坐喺度霸住你啲枱櫈，又唔叫嘢食啦」、「西九龍又唔怪得佢咁做，起碼6成人唔係食嘢」、「呢個場地點好多人走嚟唔幫襯，坐係度嘆冷氣先唯有咁做」。
不過，都有部分網民對樓主說法有同感，認為設計「完全反人體力學」，亦有網民笑指「印象中本來仲斜，後尾俾人投訴得太勁先減咗個斜度」，甚至形容曾經見過椅子斜度足足有45度角，相當容易滑落。大家又怎樣看呢？
資料及圖片來源：FB@飲食黑店大全(全港食店質素/價錢/服務關注組)、FB@香港茶餐廳及美食關注組、FB@長沙灣人肉美食地圖
-
香港攻略
西九龍中心
食盡西九韓風炸雞！🇰🇷🍗🥢
小蜜蜂炸雞韓屋便當 (深水埗)📍 深水埗欽州街37K號西九龍中心8樓美食廣場17號舖 今日行西九龍中心食咗呢間｢小蜜蜂炸雞韓屋便當,食完一餐又一餐,呢餐想食韓式炸雞,俾我發掘到呢間炸雞韓屋便當,真係有驚喜喎!完全係學生飯堂水準,大件抵食! 雪花芝士炸雞拉麵套餐 $55: 雪花芝士香氣:入口先是芝士的奶香與鹹香,綿密細碎的芝士顆粒在口中化開,帶來濃郁的乳香｡拉麵湯底融合:芝士融入湯底後,讓湯汁更稠厚,帶有奶油般的滑順感｡ 🍗 炸雞風味:外脆內嫩:炸雞皮脆香,肉質鮮嫩,油香與芝士的濃郁互相呼應｡油脂厚重:炸雞的油香與芝士的鹹香疊加,形成｢厚重滿足｣的味覺印象｡麵條吸汁:麵條吸附芝士湯汁,每一口都帶有奶香與油香｡湯底濃郁:芝士與炸雞油脂讓湯底更厚重,尾韻帶微微鹹香｡ 入面配嘅雪花芝士炸雞裹滿奶香味芝士粉,外皮脆到咬落有咔嚓聲,肉厚唔柴,完全唔油滯｡套餐仲包凍可樂,熱湯配凍飲一絕,55 蚊有湯麵 + 炸雞 + 飲品,學生午餐絕對夠飽 🍯蜂蜜芥末炸雞薯仔拉麵套餐 $55 蜂蜜芥末炸雞甜辣平衡:蜂蜜帶來自然甜香,芥末提供辛辣刺激,兩者融合成酸甜微辣的層次｡外脆內嫩:炸雞皮脆香,肉質鮮嫩,油香與醬汁交織｡🥔 薯仔元素澱粉飽足:薯仔吸收炸雞油香,口感綿密,增添厚重感｡香氣融合:薯仔的土香與蜂蜜芥末的甜辣形成對比｡濃郁厚重:炸雞與薯仔的油脂滲入湯底,讓湯汁更稠厚｡麵條吸汁:麵條吸附湯汁,每一口都帶有甜辣與油香｡ 🌶️全份韓式甜辣炸雞 $58 皮香脆:高溫油炸令雞皮金黃酥脆,咬下去有爽快的｢咔嗒｣聲響｡肉質嫩滑:雞肉保持多汁,與外皮形成鮮明對比｡甜辣醬汁:韓式辣椒醬(고추장)混合蜂蜜或糖漿,帶來甜辣平衡,黏附在炸雞表面｡蒜香濃郁:常加入蒜蓉,令醬汁更厚重,辣味更深沉｡芝麻點綴:撒上白芝麻,增添香氣與層次｡ 韓國芝士熱狗🌭:芝士濃香:入口先是芝士的鹹香與奶香,熱食時口感黏稠､拉絲｡外皮香脆:炸至金黃的外層帶來爽脆口感,與柔軟芝士形成對比｡油香融合:油炸帶來厚重香氣,但因芝士本身清爽,整體不顯過膩｡ 奶香濃郁:芝士的乳香在熱氣中散發,令人食慾大增｡ 總結: 深水埗韓式炸雞🍗 #深水埗#炸雞#韓式炸雞#芝士熱狗🌭#熱辣辣
閱讀更多
-
香港攻略
HAHA CHICKEN
🍗 하하치킨 西九龍中心：飽滿滋味，三人份的完美選擇
已經不記得多少年沒來過西九龍中心,但這天與朋友辦完事後,我們便來到了這裡的美食廣場,尋找午餐的美味🍽️｡在眾多餐廳中,我們選擇了韓式炸雞作為當天的主角｡點了一份套餐,還額外加點了炸雞和辣炒年糕｡ 首先談談份量,以我們三個女生來說,絕對足夠,價格約150元左右,實惠又滿足💰｡ 我們點了兩款炸雞,皇牌芝士炸雞和蒜香醬油炸雞｡令人驚喜的是雞肉非常嫩滑,完全沒有想像中的乾柴感｡兩款醬料均勻包裹著炸雞,每一口都充滿了芝士與雞肉交織的香氣,令人回味無窮🧄🧀｡ 套餐內還有安東雞飯和飲品｡安東雞飯建議攪拌均勻再吃,這樣才能充分融合醬汁與米飯｡雖然份量不大,但三個女生分享剛剛好｡ 最後,朋友非常想吃辣炒年糕,我們點了大份的｡年糕大而飽滿,口感彈牙軟Q,辣度偏甜,適合怕辣的朋友,甚至連不太能吃辣的人也能接受｡配料豐富,有魚糕､白菜和洋蔥,毫不馬虎🌶️｡ 總結來說,這餐的性價比很高,份量充足,味道和價格完美匹配👍｡
閱讀更多
-
生活
荷里活廣場
停下來感受一下自己的情緒
鑽石山荷里活廣場正進行一個有關心理的展覽,的確很適合香港人,因為大家都忙忙碌碌有時忽略咗自己的情緒,停下來給自己一點安靜時間,照顧一下自己的感受,可以和朋友來到深水埗西九龍中心尋找美食及傾訴一下,因為這裏有6樓全新的food court,有意大利Pizza亦有台灣美食,還有6樓的雪糕店可以嘗試一下｡希望大家在生活當中可以尋找到一點快樂的感覺｡
閱讀更多
港生活人氣本地熱話
↓【開學Get Ready✨】送超輕量護脊書包🎒！↓
> 登記拎HK$1,000禮券揀心水書包 <
請您試用Stokke全新BB車！
U GO 本週好去處
