啟德好去處｜啟德一日遊逾10大玩樂美食推介！攀石場/室內衝浪/保齡球場
啟德好去處｜啟德一日遊｜啟德體育園成為九龍東主要地標， 不論園內還是週邊地區都有不少玩樂設施及餐廳美食！《港生活》編輯為大家推介啟德逾10個好去處，當中不少是適合一家大小親子活動的場地。家長想帶小朋友到playhouse，或是到公園放電都不乏選擇，如Bouncetopia、EpicLand和JOYPOLIS SPORTS等大型室內遊樂場，為各年齡層的訪客提供豐富的娛樂體驗；戶外方面則有五行童樂園和啟德海濱花園。
啟德好去處｜啟德一日遊
啟德室內好去處
啟德好去處｜1. JUST CLIMB攀石場
位於啟德體育大道的全新 JUST CLIMB 場館於8月16日開始試業，成為第八間分店，亦是全港唯一有蓋的綜合攀石場！將率先開放高達 8 米的自動保護器攀石牆區，並計劃於10月底全面啟用其餘設施。攀石愛好者不可錯過！
JUST CLIMB 啟德體育園分店
地址：香港啟德體育園啟德體育大道攀石牆（啟德體藝館外）
Whatsapp 及電話查詢：6499 1668
啟德好去處｜2. Top Bowl保齡球場
逾40,000呎的保齡球中心「Top Bowl Tenpin Bowling」坐落在啟德零售館1，保齡球中心內設有40條世界競技級保齡球道。場地的專業設計符合國際比賽標準，2025年初曾舉行IBF殘疾人保齡球錦標賽、IBF保齡球世界盃。除了專業球道之外，場內亦有桌球、酒吧餐廳、KTV區等玩樂設備！
Top Bowl 保齡球場
地址：啟德零售館1號館3樓301-302號鋪
營業時間：早上10時至晚上11時
聯絡電話：9738 8399
啟德好去處｜3. Bouncetopia室內遊樂場
Kiztopia旗下品牌Bouncetopia香港旗艦店位於啟德AIRSIDE，佔地8,000呎，設12大感統Fun練障礙遊樂設施，包括3萬個波波的巨型波波池、一體式充氣彈床城堡、激鬥擂台等，並推出多款優惠門票，讓大小朋友享受全新冒險城堡主題遊樂體驗！
Bouncetopia by Kiztopia
地址：啟德AIRSIDE 4樓401 & 422店
營業時間：星期一-星期五: 12:00-20:30；星期六 / 星期日 / 公眾假期：10:00-20:30
查詢電話：2891 2038 / 6936 4663 (Whatsapp)
啟德好去處｜4.「EpicLand歷奇王國」室內主題樂園
位於啟德零售館的親子玩樂勝地「EpicLand歷奇王國」，場內20,000呎分別有5大遊樂區，設施有紅色巨型波波池、水泡滑梯、飛索等。每個遊戲區都精心設計，適合大人小朋友一同玩樂，刺激感十足且放電一流。場邊亦有不少座位予家長可以一邊看顧小孩一邊休息。
EpicLand歷奇王國啟德店
地址：九龍啟德承啟道38號啟德體育園啟德零售館2號館4樓
營業時間：星期一至日 11:00 - 20:00
啟德好去處｜5. JOYPOLIS SPORTS室內遊樂場
日本TOKYO JOYPOLIS開設首家海外旗艦店——JOYPOLIS SPORTS室內遊樂場！位於啟德零售館內的JOYPOLIS SPORTS旗艦店樓高5層，佔地近30,000平方呎，三大主題區分別是「SONIC STADIUM」超音鼠遊樂場、「NINJA DOJO」忍者主題區和「FUTURE ARENA」MR運動體驗，有超過20個科技與創新的遊樂項目。JOYPOLIS SPORTS更會定期與日本人氣IP合作，推出多款獨家限定活動、聯乘產品及紀念品等，粉絲們密切留意。
JOYPOLIS SPORTS香港旗艦店
地址：香港啟德體育園運動健康中心地下至4樓（4樓為餐廳）
G/F至3/F營業時間：星期一至日10:30-20:30（最後入場時間為18:30）
啟德好去處｜6. Groundswell浪谷 室內衝浪場(已結業)
Groundswell浪谷是香港首個集合海浪、美食的室內衝浪場，位於啟德AIRSIDE商場。佔地逾14,000呎集合衝浪與美食於一身，除了有衝浪體驗，場內還有衝浪休息室、更衣室及以衝浪島嶼為主題的餐廳酒吧！餐廳以印尼、泰國和越南菜為主，大家玩樂過後可以到餐廳醫肚，另外亦有創意雞尾酒，讓大家在Groundswell浪谷放鬆身心。
Groundswell浪谷
地址：九龍啟德協調道2號Airside 6樓601室
營業時間：星期一至日 10:00-22:00（衝浪場）；星期一至日 11:30-22:00
查詢電話：5725 2287
啟德好去處｜7. SOGO啟德店
位於啟德The Twins雙子匯的SOGO啟德店，佔地 1,100 平方呎。6樓的童嬰服裝/嬰兒用品/玩具層可謂大人小朋友都啱行，因為除了小童嬰兒商店外，多個遊戲品牌、卡通限定店都有進駐SOGO啟德店。
啟德The Twins雙子匯SOGO
地址：
- The Twins雙子匯1期：香港九龍啟德協調道12號
- The Twins雙子匯2期：香港九龍啟德沐翠街12號
交通方法：港鐵啟德站B出口
停車場：提供500個泊車位，全部均設有電動車充電設施
營業時間：
- 星期一至四、日及公眾假期：上午11時至晚上8時
- 星期五、六及公眾假期前夕：上午11時至晚上9時
啟德戶外好去處
啟德好去處｜8. 啟德體育園五行童樂園
位於啟德體育園的主題親子遊樂空間「五行童樂園」已於2025年8月8日向公眾開放。該童樂園以宋代鹽田景觀為靈感，融合「金、木、水、火、土」五行元素，劃分為五大主題區，開放時間為上午9時至晚上9時。五行童樂園包括「北斗園」戶外運動遊樂場，園內設有蓋硬地球場及沙灘球場，並預計在第三季推出多功能網球場。
啟德體育園五行童樂園
位置：啟德零售館1及啟德體藝館旁、鄰近沐泰街
交通：從啟德站 D出口離開後右轉，沿車站廣場步行至啟德零售館1後，再轉左直行至五行童樂園
開放時段：
- 09:00 - 10:30/10:45 - 12:15/13:45 - 15:15/15:30 - 17:00/17:45 - 19:15/19:30 - 21:00
- 入場前必須先到現場的資訊站，向在場職員免費領取指定時段門票
- 當雷暴警告／紅色或以上暴雨警告／八號或以上颱風信號發出時，五行童樂園將暫停開放。
啟德好去處｜9. 啟德海濱花園
前身為跑道區的啟德海濱花園分為東西岸兩部分，由啟德共融通道連接。啟德共融通道計劃全長13公里，正分階段落成及啟用，通往承豐道公園、啟德體育園及啟德郵輪碼頭。通道為行人、單車及寵物共用，而沿西岸海濱可飽覽維港海景。
啟德海濱花園
地址：啟德承豐道
交通：港鐵啟德站A出口，前往乘搭22D巴士至「天璽•海；承豐道」站，下車後往前走，第一個路口轉左即能到達
開放時間：24小時開放
啟德美食
啟德好去處｜10. 餓虎藏龍
位於啟德體育園的親子餐廳日式居酒屋「餓虎藏龍」，由米芝蓮星級團隊經營，主打新派日本料理，包括澳洲M5和牛搭配阿根廷青醬、烤三黃雞配榛子松露飯、火炙左口魚裙邊燴飯及明太子鱈場蟹肉忌廉烏冬等。此外，還有多款專為兒童設計的菜式，像是巨大的福袋烏冬、花生醬鹹蛋黃沙雞翼、特色Pizza，及兒童版無咖啡因飲品如Kidspuccino和Smoothie等。
新派日式居酒屋「餓虎藏龍」
地點：九龍啟德體育園運動健康中心4樓
電話：6361 4967
營業時間：星期一至日 12:00-22:00 (Last Order 21:30)
啟德好去處｜11. AIRSIDE Café
主打西式海陸美饌的「AIRSIDE Cafe」配合商場玻璃屋頂設計，完美透入自然日光，為室內用餐環境增添一份愜意。餐廳主打一系列時令海鮮菜式，推薦大大份的海鮮冷拼盤，包括新鮮生蠔、海蝦、帶子、磯煮鮑魚、三文魚籽和龍蝦茶碗蒸，相當豐富；澳洲M8和牛後腰脊肉伴以焦糖洋蔥、黑蒜和舞茸，味道香口濃郁，食肉獸們必愛！
AIRSIDE Café
地址：啟德協調道2號AIRSIDE 322-323號舖
營業時間：12:00 – 21:30
電話：2117 1912／6508 0299（WhatsApp）
來源：各大官網、編輯室
U Community遊客用戶分享
以五行為元素嘅啟德五行童樂園!🪐金木水火土共五區!💫攀石,滑梯,飛索,應有盡有!仲有極大戲水區!消暑啱哂
餐廳裝修簡潔中見時尚，位於airside嘅7樓，居高臨下，窗邊卡位勁好view，坐得舒服。
-
親子
啟德玩樂新蒲點！超音鼠競技場勁好玩🥳
早排同朋友仔一齊去位於啟德嘅 JOYPOLIS SPORTS HONGKONG玩💗場地面積30,000尺,其中2樓超音鼠競技場,係專為兒童設計嘅沉浸式室內遊樂場,有波波池､瀡滑梯､攀爬架同埋投影互動牆,跟超音鼠學協調力同速度😆😆小朋友可以係超音鼠SONIC既世界入面探索及盡情玩樂! 3大主題區域包括: 🥷Ninja Dojo 忍者道場 🏋️Future Arena 未來運動館 🌟SONIC Stadium 超音鼠競技場 大人小朋友都會好啱玩!玩成日都唔會悶~家庭定係朋友聚會都好適合😝 其實四樓仲有間唔洗任何門票就入得嘅 餓虎藏龍餐廳 ,下條片再同大家介紹💗 @joypolis_sports_hk @sonic_stadium_hk #親子分享#香港親子好去處#親子活動#放電好去處#童您放暑假#啟德遊#親子好去處#港玩港食
閱讀更多
-
親子
您最喜愛的親子室內遊樂場 Top 5🏆 即刻睇吓有冇您心水✨
早前舉辦嘅「您最喜愛的香港親子室內遊樂場」投票結果正式揭曉喇！🙌 感謝各位爸媽踴躍投票，即刻睇吓邊間係大家心目中嘅最強「放電王」⚡️： 🥇 第一位：JOYPOLIS SPORTS (18.72%) 🇯🇵 攞到冠軍嘅係喺啟德佔地 3 萬呎嘅 JOYPOLIS SPORTS！🎮 呢度將運動同科技結合，有超音鼠競技場、忍者道場同埋感官十足嘅 Future Arena。除咗小朋友可以盡情跑跳，大人都可以玩埋 VR 賽馬等體能遊戲🏇，真係全家出動嘅好去處！✨ 🥈 第二位：Bouncetopia by Kiztopia (啟德店) (16.65%) 🏰 緊隨其後係同樣喺啟德嘅 Bouncetopia！呢個嚟自新加坡嘅人氣品牌以巨型充氣城堡冒險做主題，主打一條全長超過 54 米嘅巨型充氣城堡，仲有一個有成 3 萬個波波嘅超大波波池。🔵 小朋友可以挑戰唔同嘅障礙關卡，喺跳跳紮同攀爬入面鍛鍊體力！🔥 🥉 第三位：CHILDLIKE 童心樂園 (荃灣店) (8.91%) 🦆 第三名嘅荃灣 CHILDLIKE 童心樂園佔地 8,000 呎，有成 17 個玩樂區咁多。當中最特別係全港獨有嘅鴨仔小船漂流同埋 MR 互動體驗，仲有小朋友最鍾意嘅角色扮演區，可以換上警察、消防員或者公主衫👸，體驗多元化嘅玩樂樂趣！📸 🏅 第四位：美國冒險樂園 (黃埔店) (7.65%) 🎡 作為經典代表，黃埔旗艦店超過三萬平方呎，除咗必玩嘅擲彩虹，仲有海盜船、彈跳飛車等機動遊戲，設施非常豐富，一直係好多家庭週末放電嘅首選！🌈 🏅 第五位：100FUN 樂滿紛 (7.02%) 🇭🇰 位於藍田嘅 100FUN 佔地近萬呎，用咗懷舊香港做設計主題，有渡海小輪、大戲棚等特色造型設施，等小朋友一邊玩一邊認識本土情懷，非常有心思！❤️ ----------------- 今次嘅投票結果將會成為 U GO 必去榜「親子好去處排行榜」，作為全港新手爸媽嘅最強參考指南！📌 排行榜好快就會正式推出，大家記住密切留意喇！🚀 名單入面有無您嘅心水？💬 歡迎留言話畀我哋知！👇 ----------------- 即入U Lifestyle 港媽港爸親子福利資訊區，一站式掌握獨家親子好物和活動優惠👶：https://ulapp.hk/8ge49 ---------------- 【招親子KOL】親子合作配對計畫 l 優先參加合作試用！❤️ 帶小朋友一齊參加各大品牌活動嘅機會嚟啦！現時簡單填表登記《社群》「親子合作配對計畫」後，就會有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作！ 登記傳送門👉https://ulapp.hk/c3f7h ----------------- #ULifestyle #UGO必去榜 #親子好去處 #室內遊樂場 #放電好去處 #香港好去處 #新手爸媽 #JOYPOLISSPORTS #Bouncetopia #CHILDLIKE #美國冒險樂園 #100FUN #假日好去處
閱讀更多
-
親子
帶你搶先玩 Epicland 啟德店
#九龍市區新蒲點 Epicland 歷奇王國👑啟德店開幕啦! 超過20000尺,6大遊玩區域,等我順住稱呼為zone A-F介紹俾大家 ❇️zone A 巨大蕃茄波波池 一入場就俾咁鮮艷嘅顏色吸引😍 坐住水泡瀡滑梯,緊張刺激,仲有香蕉船,幻彩滑梯,互動屏幕 ❇️zone B 大型射波波戰鬥現場 除咗有大炮可以攻擊,仲可以上一樓偷襲🔫 ❇️zone C 競技場 飛天鋼索､軌道運送､過關斬將 鬥智鬥勇,跳上跳落,挑戰體能 ❇️zone D 吹氣彈床飛機場✈️ 超大型充氣彈床,一於齊齊跳到冇電啦! ❇️Zone E 體操房🤸🏻♀️🤸🏼🤸🏽♂️ 平衡木､吊環､攀爬架一應俱全,仲可以報名參加由專業導師帶領下嘅體操課程 ❇️Zone F 幼兒區👶🏻 有大量適合三歲以下BB玩嘅遊戲,我兩個仔咁大就無玩到啦😆留俾大家發掘! 開放時間:每日早上11點至晚上八點 🎟️門票價錢: 1歲以下免費入場 1至8歲 $258 (包一位陪同成人) 9至17歲/成人 $258 65歲或以上老人家､大肚婆､額外成人$100 EpicLand歷奇王國 📍九龍啟德承啟道38號啟德零售館2 四樓401-402, 418 - 421號舖 @epiclandhk #親子放電好地方#假期必去#九龍市區親子遊樂場 #室內遊樂場 #週末好去處#親子好去處 #復活節假期#復活節去邊好#放電好去處 #啟德#啟德零售館#啟德體育園#親子
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
【小小KOL招募中‼️】解鎖無限親子體驗，好物／好去處搶先試！
假日好去處