九龍城好去處｜九龍城一日遊逾10個景點推介 九龍寨城公園/姻緣石/必食Tiramisu
九龍城區由啟德、紅磡、土瓜灣、何文田、九龍城及九龍塘組成。除了啟德體育園及啟德郵輪碼頭外，區內有不少著名景點如正展出「九龍城寨光影之旅」的九龍寨城公園、牛棚藝術村、馬頭圍十三街、「明星街市」九龍城街市，和海心公園的姻緣石。在被稱為「小泰國」的九龍城，能品嚐地道泰國菜之餘，也有不少美食，如以沙嗲牛西多士聞名的茶檔樂園、潮州餅店貴嶼仔和記隆及中藥行活化的咖啡店大和堂、必試Tiramisu的Blossom等。九龍城不少地方將面臨重建，趁空閑來打卡留念吧！
九龍城好去處｜九龍城一日遊
- 九龍城好去處｜1. 九龍寨城公園
- 九龍城好去處｜2. 九龍城寨光影展
- 九龍城好去處｜3. 牛棚藝術村
- 九龍城好去處｜4. 港鐵宋皇臺站出土文物展
- 九龍城好去處｜5. 海心公園魚尾石
- 九龍城好去處｜6. 馬頭角十三街
- 九龍城好去處｜7. 紅磡觀音廟
- 九龍城美食
- 九龍城好去處｜8. 九龍城街市
- 九龍城好去處｜9. 老字號茶檔樂園
- 九龍城好去處｜10. 排隊串燒店金泰燒烤
- 九龍城好去處｜11. 百年中醫館改建大和堂咖啡店
- 九龍城好去處｜12. 人氣咖啡店Blossom
- 九龍城好去處｜13. 懷舊Cafe 南角
- 九龍城好去處｜14. 古蹟石屋咖啡冰室
- 九龍城好去處｜15. 金寶泰國菜館
- 九龍城好去處｜16. 潮州餅店貴嶼仔和記隆
- 九龍城好去處｜17. 茗香茶莊
- 九龍城好去處｜18. 恭和堂
- U Community遊客用戶分享
九龍城好去處｜1. 九龍寨城公園
九龍寨城公園前身為一個已經拆卸的社區「九龍城寨」，早在清朝時期被用作軍事駐地，及後因英國租借新界99年，中國仍擁有九龍寨城主權而令港英政府無權進入。慢慢九龍寨城形成了一個三不管地帶，「香港政府不敢管、英國政府不想管、中國政府不能管」來形容當地複雜的管轄問題。九龍城寨已經在1993年拆卸並改建成「九龍寨城公園」，九龍寨城公園佔地31,000平方米，共分為8個景區。
九龍寨城公園點去？
地址︰九龍城東頭村道和東正道交界
公園開放時間 : 06:30-23:00
展覽館開放時間：09:00-19:00（5月至8月）、09:00-18:00（9月至4月）
入場費用︰全免
交通方式：港鐵宋皇臺站B3出口步行約14分鐘
九龍城好去處｜2. 九龍城寨光影展
由2025年5月24日起、在九龍寨城公園展出3年的「九龍城寨光影之旅」，是香港歷來最大規模的電影場景展，重現了《九龍城寨之圍城》中的經典場景，包含「七記冰室」、「龍城髮廊」、「牙醫診所」、「跌打館」、「裁縫店」、「維修店」等。 天台內設有大型投映屏幕，展示九龍城寨的日與夜，並特別配有飛機聲效。而啤膠廠更特別加入氣味裝置，讓參觀者有如置身當年九龍區居民的真實生活當中。展覽更融入香港傳統工藝元素，例如入口處以人手書寫的大型傳統花牌，以及參考八十年代香港大廈鐵閘設計的「九龍城寨鐵牌坊」。
「九龍城寨光影之旅」電影場景展點去？
展期：由5月24日起展出3年
地點：九龍寨城公園衙門
開放時間：2025年5月至8月 每日上午9時至下午7時；2025年9月後 每日上午9時至下午6時
入場費：免費入場；根據現場情況，入場人士或需先領取籌號，於指定時間進場。籌號以先到先得形式派發，派完即止。
九龍城好去處｜3. 牛棚藝術村
佔地6,000平方米的牛棚藝術村及藝術公園，由屠房改建而成的文藝空間，前身為建於1908年的馬頭角牲畜檢疫站，因此被列為二級歷史建築。牛棚藝術村設有短期租用單位及露天空地.，供藝術家或藝術團體租用，不時舉辦各類型藝術活動，如展覽、戲劇和工作坊等，駐場藝術家包括著名本土行為藝術家「蛙王」郭孟浩、前衛錄影藝術機構「錄映太奇」、當代畫廊「1a空間」及本地戲劇團體「前進進戲劇工作坊」。藝術村的瓦頂紅磚、曾給牛隻喝水的水泥槽、繫綁牛隻的鐵環等，以及藝術公園原址保留昔日牲口餵飼槽、飲水池等屠房遺蹟，都是打卡亮點，在寧謐的環境下散步很是寫意。
牛棚藝術村點去？
地址：九龍土瓜灣馬頭角道63號
交通：港鐵土瓜灣站A出口步行約10分鐘
開放時間：牛棚藝術村 10:00-22:00；牛棚藝術公園 06:30-22:00
九龍城好去處｜4. 港鐵宋皇臺站出土文物展
九龍城宋皇臺曾是香港著名的歷史遺蹟，由古物古蹟辦事處策劃，設於港鐵宋皇臺站的「聖山遺粹」展覽，展出逾500件在興建宋皇臺站時發現的出土文物。文物以宋元時期陶瓷器為主，介紹宋元時期的香港，尤其是宋皇臺站周邊地方的歷史變遷和生活情況。當中包括宋元時期龍泉窰系青瓷、青白及淺青釉瓷、文房用具、建築構件、銅幣、香爐、墨書銘陶瓷器等。
港鐵宋皇臺站「聖山遺粹」展覽
地點：港鐵宋皇臺站大堂
開放時間：與宋皇臺站開放時間相同
九龍城好去處｜5. 海心公園魚尾石
魚尾石位於九龍城海心公園內，在土瓜灣海旁，原址為海心島，魚尾石下曾設龍母壇，1960年代填海後，龍母壇亦被拆除，其龍母像遷至土瓜灣天后廟，而魚尾石則成為公園一部分。除了魚尾石，公園內的海心石也是情侶打卡祈求美好姻緣的熱門景點。2023年擴建後新增海濱長廊、健身園地及兒童單車場，以及海盜主題遊樂場。海心公園成為九龍城區內第二大休憩空間，面積比九龍寨城公園大。臨海環境清幽，設有綠化草坪、海心亭及多項康體設施，適合週末悠閒遊覽，供市民運動、親子休閒的理想地方。
海心公園點去？
地址：土瓜灣浙江街
開放時間：上午5時30分 至 下午11時30分
前往方法：港鐵：土瓜灣站D2出口，步行約9分鐘
九龍城好去處｜6. 馬頭角十三街
俗稱土瓜灣十三街的馬頭角十三街，由13條街道組成的唐樓群。大部份街道以動物命名，包括龍、鳳、鹿、麒麟等，建築早於1959年由原來的南洋紗廠改建而成的舊式唐樓，唐樓群彩色外牆是打卡拍照的好去處。區內車房密集，估計近唔00間，安置區內車房及其他商戶亦成了清拆重建的阻力。
馬頭角十三街點去？
地址：馬頭角木廠街（為十三街北面外圍主要道路）
交通：港鐵土瓜灣站A出口，步行約11分鐘
九龍城好去處｜7. 紅磡觀音廟
紅磡觀音廟建於1873年，是九龍區規模最大的觀音廟，亦被列為香港一級歷史建築。廟宇典雅的古建築、人字瓦頂和精美陶塑。每逢觀音誕及農曆正月二十六「觀音開庫」，廟內香火鼎盛，吸引不少善信前來祈福求財。二戰期間，觀音廟曾屹立炮火中不損，深受街坊敬仰，被譽為香火最盛的廟宇之一。
紅磡觀音廟點去？
地址：九龍紅磡差館里
交通：
- 九巴6C、6F、30X、212及隧道巴士106、115於蕪湖街及觀音街下車，沿觀音街步行5分鐘至差館里
- 港鐵何文田站B1出口經行人天橋落蕪湖街直行至觀音街交界左轉，步行約10分鐘
開放時間：每天08:00-17:45
九龍城美食
九龍城好去處｜8. 九龍城街市
位於九龍城市政大廈的傳統室內街市，因商品種類多、新鮮及品質高，吸引不少明星、名人來選購食材，如周潤發、劉青雲等曾被拍到在此買餸，被稱為「明星街市」。街市佔地寬敞，檔口販賣生鮮蔬果、肉類海產及各色地道食材，亦設有熟食中心，供應多種港式平民美食。九龍城街市人氣名店包括：賣雞女王玲姐主理的周華記、打邊爐必食手切牛肉檔李輝記牛欄，以及獲蔡瀾提字的陶記鮮蔬等。
九龍城街市點去？
地址：九龍九龍城衙前圍道100號九龍城市政大廈
交通：港鐵宋皇臺站B3出口；101、107、213D、42、85、85X、2D、10、25A、25B、25M等巴士路線
開放時間：06:00-20:00
九龍城好去處｜9. 老字號茶檔樂園
位於九龍城熟食中心的「樂園」是間老字號港式茶檔，店面掛有蔡瀾先生寫下的「勝過鮑參肚翅」墨寶，吸引不少街坊朋友慕名而至。食客幾乎身都是奔著樂園的沙爹牛肉西多士而來，炸至酥脆挺身的麵包夾著滿滿沙爹牛肉，再淋上牛油和煉奶，鹹鹹甜甜，邪惡非常。螞蟻人更可以一嚐阿華田西多士，夾層是阿華田醬和脆米，面頭亦灑滿阿華田脆米，味道香濃，甜而不膩。另有沙爹牛肉麵、奶茶紅豆冰等茶餐廳名物。
樂園營業時間
地址：九龍城衙前圍道100號九龍城市政大廈3樓6號舖
交通：港鐵宋皇臺站B3出口步行約3分鐘
營業時間：星期一至五 07:15至15:15；星期六及公眾假期 07:15至13:00；星期日休息
九龍城好去處｜10. 排隊串燒店金泰燒烤
金泰屹立於九龍城已有20載，目前其有兩間分店，一間是設有堂食的「金泰燒烤」，另一間是沒有沙冰賣的外賣店「金泰沙冰」，長期大排長龍。小店主打泰式串燒，雞全翼、豬頸肉、司華力腸都是熱門選擇，沾上店家獨門沙嗲醬和酸辣汁享用，非常惹味！另有售冬陰功海鮮湯河、菠蘿炒飯、咖喱炒蜆，幾乎零負評。
金泰燒烤營業時間
地址：九龍城太子道西386A-B號太子樓地下C號舖
交通：港鐵宋皇臺站B2出口, 步行約3分鐘
營業時間：每日12:00-23:00
九龍城好去處｜11. 百年中醫館改建大和堂咖啡店
九龍城九龍城衙有間充滿民國特色的「大和堂咖啡店」，懷舊Cafe前身是近百年歷史的中醫館「大和堂蔘茸行」，這幢戰前唐樓地舖為典型廣州騎樓建築物，見證歷史變遷。經活化後大和堂保留了百子櫃、大字牌牌匾及舊式鐵閘等歷史痕跡，大家可以一邊歎咖啡、班尼迪蛋多士、芝士辣肉醬熱狗、雞蛋仔炸雞、紅棗芝士蛋糕等fusion西餐輕食，一邊感受舊區人情味。
大和堂咖啡店營業時間
地址：九龍城衙前塱道24號地舖
交通：港鐵宋皇臺站B3出口步行約1分鐘
營業時間：08:00-17:30（星期一休息）
九龍城好去處｜12. 人氣咖啡店Blossom
九龍城Blossom咖啡店招牌菜之一是流心提拉米蘇，結合了咖啡的醇香、酒的微醺以及芝士和蛋香，口感細膩而豐富。店內用餐環境舒適，提供多國菜式，包括全日早餐、意粉、日式定食等多款餐飲。此外，店主精選來自五個產地的咖啡豆，提供客人手沖、虹吸或意式咖啡等多樣化的沖煮方式，虹吸手沖咖啡尤其受歡迎。
Blossom營業時間
地址：九龍城南角道45號地舖
交通：港鐵宋皇臺站B3出口步行約2分鐘
營業時間：星期一及日 08:00 - 18:00；星期二至六 08:00 - 23:00
九龍城好去處｜13. 懷舊Cafe 南角
「南角」位於港鐵宋皇臺站B2出口的正旁邊，由逾80年歷史的戰前騎樓活化而成，前身是五金店「怡順榮」。店主在裝修時特意保留原有的招牌和窗花，而麻石牆壁配合現代化的咖啡店設計，讓建築物別具一番風味。Fusion餐飲別具創意，東南亞味道突顯九龍城「小泰國」的地道特色。在九龍城長大的店主們在選擇店內的食材和香料時，都會優先考慮區內的老字號，例如豆品店「義香」的腐乳和九龍城街市的蔬菜。使用區內食材除了比較安心，更可以回饋小商舖。
南角營業時間
地址：九龍城南角道3號地下3號舖
交通：港鐵宋皇臺站B2出口
營業時間：星期一至五 08:00 - 22:00；星期六、日 08:30 - 22:00
WhatsApp: 66089528
九龍城好去處｜14. 古蹟石屋咖啡冰室
在重新活化的三級歷史建築「石屋家園」裏，有一間充滿香港情懷的咖啡冰室，掛滿懷舊裝飾，牆上掛有懷舊式搪瓷大花碟，亦保留了舊時的花紋方磚。冰室還設有露天座位，環境舒適。可以歎個早餐，再參觀下冰室上層的展覽，有舊時寮屋區擺設、用品。另外，特別放置幾款舊式兒時玩具，有波子棋、鬥獸棋、七巧板等，尋回童年回憶。
石屋咖啡冰室以社企形式營運，聘用青少年、智障人士及銀髮族，並與特殊學校合作，為弱勢社群提供就業及在職培訓，更有「社區食物支援計劃」，讓有需要人士可以免費或低價享用餐點，體現「飲食x社會共融」理念。餐廳主打西式咖啡簡餐及經典冰室美食，石屋全日早餐：招牌首選，包含炒蛋、腸仔、煙肉、薯餅、鬼佬茄汁豆、麵包或牛角包，豐富又抵食，任何時候都能歎到。
石屋咖啡冰室營業時間
地址：九龍城聯合道133號石屋家園地舖
交通：港鐵樂富站 B 出口乘搭39M 小巴，至「侯王廟」站，民生書院方向約步行3分鐘
營業時間：08:00 - 18:00（星期一休息）
九龍城好去處｜15. 金寶泰國菜館
1991年開業的金寶泰國菜館（Cambo ）是九龍城區內較早期的泰國菜餐廳，多年來深受明星及饕客們歡迎，全盛時期更坐擁5間分店。小店主打海鮮，招牌菜有辣椒膏炒蜆、生蝦剌身、爆醬蝦丸、冬蔭公、菠蘿炒飯、泰式金邊粉、馬拉盞通菜等，其中爆醬蝦丸更是每枱必點泰式小食，金黃色的蝦球咬落爆餡，蝦肉亦爽口彈牙。
金寶泰國菜館營業時間
地址：九龍城衙前塱道25號地舖
交通：港鐵宋皇臺站B2出口，步行約2分鐘
營業時間：每日11:30 - 23:00
九龍城好去處｜16. 潮州餅店貴嶼仔和記隆
要數全港最齊最多的潮州甜品店，開業逾75載的潮州餅家貴嶼仔和記隆一定榜上有名。 創立於 1948 年的貴嶼仔和記隆本來於尖沙咀海防道開店， 1969 年搬遷到九龍城城南道現址。店內售賣潮州糖餅、欖仁齋糕、桃粿、鼠麴粿等糕點、包點，種類近百種，不少是節日必備的甜品小吃，例如特別配方加入焦糖的年糕賀年糖甘筍、糖蓮藕等中式糖果。 而店內的白皮綠豆沙餅、米潤糖、老媽糕、欖仁齋糕、桃粿、鼠麴粿、石榴粿等，都是潮州祭祀拜神時供奉及食用的傳統小食。
貴嶼仔和記隆營業時間
地址：九龍城城南道59號地舖
交通：港鐵宋皇臺站B3出口，步行約4分鐘
營業時間：星期一至日 10:00 - 19:00
九龍城好去處｜17. 茗香茶莊
茗香茶莊成立於 1963 年，1973年進駐九龍城現址，一直維持「前舖後工場」的格局，家庭式經營之餘，是本地少數仍在堅持自家烘焙、加工茶葉的傳統茶莊。其馳名的炭火烘焙鐵觀音，茶味甘醇獨特，在七、八十年代啟德舊機場仍運作之時，更是旅客手信熱門之選。
茗香茶莊營業時間
地址：九龍城侯王道77-79號地下
交通：港鐵宋皇臺站B3出口，步行約5分鐘
營業時間：星期一至日 09:00-19:30
WhatsApp：98488487
九龍城好去處｜18. 恭和堂
恭和堂創於1904年，至今已屹立逾一世紀，是香港其中一家歷史悠久的涼茶館，其龜苓膏為人稱道，另外亦提供紅棗茶、菊花茶等多款涼茶，沿用祖傅清朝御醫漢方，每日於舖後廚房新鮮製造。發展至第三代的恭和堂，店面亦保留兩個放置涼茶的黃銅葫蘆和一個盛載龜苓膏的黃銅爐鼎，並以傳統龜苓膏及涼茶為主軸，新年更開發自家草本茶包品牌「龜苓元坊」。
恭和堂營業時間
地址：九龍城獅子石道79號地下
交通：港鐵宋皇臺站B3出口，步行約5分鐘
營業時間：星期一至日12:00 - 20:30
電話：27165063
來源：旅發局、康文署、政府文創產業發展處、古物古蹟辦事處、華人廟宇委員會、新世界發展、HKET圖片庫、資料圖片
U Community遊客用戶分享
九龍城部份面臨清拆，遊走新舊交替下嘅九龍城同朋友影下相，去下唔同景點了解下九龍城城市面貌，都係一件好有趣嘅事ʕ •ᴥ•ʔ
畢竟住過這區十幾年，每次行過都好有feel，見證順利隆由米舖轉型至地產公司，陳明記雜貨店也屹立了約半世紀，實在難得！
-
泰國菜
城南道41號
金泰皇泰國菜🇹🇭！秒飛曼谷夜市🤤！
今次去香港九龍城,終極目標只係一個——食泰菜!有食有影,有風味有地道感,分分鐘你會懷疑自己係曼谷街頭打卡｡九龍城作為香港的泰國美食集中地,今次特別推介金泰皇幾款招牌菜,啱晒想影相兼食爆泰國味嘅你!行程亮點:IG必PO靚菜､超地道環境,仲有渠頭泰奶冰沙､一大班人share食啲正! 九龍城美食攻略🌟 一講九龍城,大家都知係香港泰國餐廳嘅集中地!由地道小店到打卡Cafe,行幾步就有間人氣泰菜｡今次去咗金泰皇,絕對係全場Focus!環境唔算太商業化,保留舊區街坊feel,幾個friend一齊嚟share正常唔會踩雷｡ IG必PO五大招牌菜+飲品甜品 🍋 青檸燒牛肉 金泰皇嘅王牌!牛柳薄片先醃香茅､青檸等秘製醬汁,快炒出鍋,牛肉嫩到入口即化,青檸酸辣同香茅好Fresh,啱晒夏天食!用白飯送這個一流,每一口都又酸又辣又juicy,影相必入! 🐷 泰式豬手 用泰國香料慢煮幾個鐘,皮脆肉腍,醬汁甜辣帶椰糖味,筷子一夾即分開!配飯一流,醬汁夠味食到舔碟都唔夠,成個泰國街市feel｡ 🍜 船湯河 豬骨､香茅同辣椒慢熬湯底,清甜唔油膩,河粉滑溜彈牙,配豬肉片､豬血同蔬菜,入口帶點辣甜｡超級大份,一個人食都夠飽! 🥤 泰式奶茶 必飲!紅茶加濃縮奶,茶味夠香､冰到正,飲落即刻解暑｡可以叫少甜,啱晒唔太食甜嘅人,每一啖都好泰味~ 🥭 芒果沙冰 新鮮芒果切片,配椰奶糯米飯同冰沙,甜到爆汁但完全唔膩,清涼透心｡夏天必點,完美收尾｡ 除咗呢五款,菠蘿炒飯､馬拉盞炒通菜､泰式串燒都係水準之作,師傅手勢超班,份量又多,人多share食得更開心｡有機會再返嚟慢慢試埋~ 📍 金泰皇泰國美食(九龍城店) 地址:香港九龍城(九龍城街市附近一帶多泰菜,金泰皇地點有分店,記得Google search定位!) 營業時間:午市約11:30-15:30/晚市17:30-22:30(部分假期有調整,建議提前查詢) 實用泰菜小貼士 1. 最好早少少book位或提早去,週末旺市真係要等｡ 2. 青檸燒牛肉要熱食先爆汁,打卡前記得影快啲! 3. 泰式奶茶可叫｢少甜｣,適合唔太愛甜的朋友｡ 4. 食芒果沙冰時可以同糯米飯混埋一齊食,味道層次更豐富! 5. 幾個人share食菜最抵,一人一杯飲品+一碗甜品,份量超足! 交通攻略 九龍城近啟德､宋皇台､東鐵線紅磡站,出站後步行/乘巴士數分鐘即到九龍城街市一帶,有大量泰國餐廳分布於獅子石道､南角道及城南道附近｡ 額外話題推介: #香港泰菜#九龍城美食#IG打卡#泰式船河#夏日泰國風
閱讀更多
-
打卡熱點
【宵夜好去處2026】香港8大深夜美食熱點🍢正宗泰國菜/居酒屋/小炒 開到凌晨5點！
夜貓子一到深夜個肚就自動打鼓，想搵食但連鎖店又閂晒門！其實香港地有大把深宵蒲點選擇，今日小編精選出香港8大深夜美食熱點，由日式居酒屋、鑊氣小炒、火鍋到正宗泰國菜，全部都勁邪惡！即刻分享俾夜貓子朋友，深夜肚餓都唔驚冇啖好食啦！😋 ----------------- 【最新社群活動】請您去主題樂園/食Starò星空傳情晚餐！ 🌹臨近白色情人節， 社群請您免費去人氣星空主題餐廳Starò，同另一半或者好姊妹歎「星空傳情晚餐」，即日起至2026年3月22日，簡單登記就有機會免費打卡星空主題餐廳▶️登記請您打卡兼試食 🐼另外再送您主題樂園門票，週末去坐纜車、探望大熊貓、玩機動遊戲！即日起至2026年3月18日，簡單登記即有機會贏走主題樂園門票兩張～▶️我想去主題樂園放電 ----------------- 宵夜好去處｜日式串燒店 1️⃣ 鳥鑫 位於尖沙咀厚福街嘅「鳥鑫」係唔少串燒控心目中嘅愛店，主打日式鳥燒，環境採用日系裝潢，令人感覺真係置身於日式居酒屋，聚餐氛圍滿分！餐廳亦提供蔬菜、海鮮、和牛等其它串燒，選擇豐富，唔怕食濟。社群U Creator推介必食「煙燻鹿兒島豬腩」、「雞蠔肉」，燒到金黃色，小編睇相都覺得胃口大開～ 📍地址：厚福街12-12A號藍馬商業大廈21樓 ⏰營業時間：18: 00 ~ 00: 00 >按此睇 “msfoodloverr” 食評分享< 2️⃣ 心燒食堂 「心燒食堂」絕對係銅鑼灣返工嘅人或者街坊宵夜名店，亦都係小編私心大推嘅日式居酒屋！共有2層，環境都好適合成班朋友坐低傾偈飲酒！必點「燒白鱔」勁厚肉又燒得好香，另外仲有「燒豚肉葡萄卷」、「燒豚肉廣島蠔」、「燒菠蘿」、「心燒炒麵」都係網民推介之選！而且餐廳距離地鐵站只隔咗一條馬路，收工直落去食都超方便！ 📍地址：銅鑼灣駱克道487-489號駱克駅22-23樓 ⏰營業時間：18: 00 ~ 01: 00 > “wanyin000024” 分享心燒食堂必點推介及價錢< 3️⃣ 燒烤堂 相信串燒控一定有食過「燒烤堂」，基本上係每位想食串燒嘅人嘅頭號之選！全港共有6間分店，提供100多款串燒同燒烤食物，集結日、韓、泰、港風味，所有串燒都係即叫即燒，不定時都會推岀新菜式，每次去食都會有新鮮感！社群U Creator就點咗「鹽燒原塊雞皮」、「蒜蓉燒生蠔」等14款燒烤美食，大讚質素穩定而且夠晒有氣氛，超適合一大班朋友聚餐！ 📍地址：詳細地址見官方社交平台 ⏰營業時間：銅鑼灣、旺角、尖沙咀：18:00 ~ 02:30 中環/荃灣：18:00 ~ 24:00 (星期一至四)；18:00 ~ 02:00 (五及六)；17:30 ~ 00:00 (公眾假期及日) 筲箕灣：18: 00 ~ 00: 00 > “Foodstalkers HK” 分享燒烤堂必食推介< 4️⃣ 大門橫丁 如果您想食串燒同時，都想品嚐高質日式料理，咁就唔好錯過呢間「大門橫丁」啦！佢除咗可以食串燒，仲有自選燒肉丼組合、鰻魚炒飯、手打烏冬等，自選燒肉丼可以挑選2至3款燒肉款式同部位，社群U Creator大讚肉質脂肪均勻，口感層次豐富，係深宵必食之選！ 📍地址：尖沙咀厚福街9號豪華閣地舖 ⏰營業時間：12: 00 ~ 00:00 (星期五六及公眾假期前夕到01:00) > “Chan Zoey” 分享大門橫丁美食體驗< 5️⃣ AOAO居酒屋 中環有間好高質嘅日式居酒屋，採用摩登風格裝潢配上昏暗燈光，唔講仲以為去食西餐！餐廳分為室內及戶外大露台，環境開揚雅緻，約會聚餐都夠浪漫！社群U Creator點咗「炭烤鰻魚」，上桌後仲有店員即場壓上燒紅備長炭，增添炭香風味～另外仲有「油甘魚刺身」、「炸和牛扒三文治」都係必點之選！ 📍地址：中環皇后大道中38號萬年大廈14樓 ⏰營業時間：12: 00 ~ 02: 00 (星期一至四)；12: 00 ~ 03: 00 (星期五)；18: 00 ~ 03: 00 (星期六)；星期日休息 > “foodiez.la” 分享中環高質日式酒吧體驗< ----------------- 宵夜好去處｜泰國菜餐廳 6️⃣ 泰發泰國餐廳 啟德睇完演唱會想食宵夜，一於去九龍城歎正宗泰國菜！呢間「泰發泰國餐廳」開到凌晨2點，係區內極具人氣嘅泰菜餐廳！社群U Creator推介必試「招牌泰式燒豬頸肉」、「黃咖喱軟殼蟹」、「蝦醬炒飯」，每碟都大大份又香噴噴，味道絕對正宗！ 📍地址：九龍城城南道8號東昇閣地舖 ⏰營業時間：15: 00 ~ 02: 00 (星期一至五)；12: 00 ~ 02: 00 (星期六至日) > “ChubbyBowtie” 詳細分享九龍城泰國餐廳食評< ----------------- 宵夜好去處｜鑊氣小炒店 7️⃣ 品記鮮粉人家私房菜館 喺土瓜灣想食本土小炒就大把選擇，但收工收得晏想搵間落腳食宵夜，不妨去呢間「品記鮮粉人家私房菜館」！開到凌晨3點，店面有室內大排檔特色，根本為聚餐而設！主打雞煲、打邊爐及特色小炒，打邊爐落手切本地肥牛十分出色，單點美食「麻辣小龍蝦」、「椒鹽粟米」等都大受好評！ 📍地址：土瓜灣浙江街18號利·港灣18 1/F ⏰營業時間：16: 00 ~ 03: 00 > “foodierox” 推介土瓜灣宵夜小店心得< ----------------- 宵夜好去處｜韓國菜餐廳 8️⃣李家 宵夜突然想食韓式炸雞，咁就要去香港第一間韓式元祖炸雞店「李家」啦，仲要開到凌晨5點！餐廳由韓國人主理，店內會播放K-pop歌曲，好似置身於韓國一樣！韓式炸雞可以自選半份或者一份，社群U Creator就形容半份份量都好夠，而且炸雞外皮夠脆，肉質都夠滑夠多汁，值得深宵去感受呢份「罪惡感」！ 📍地址：尖沙咀山林道54-56號利雅商業大廈地下2號舖 ⏰營業時間：17: 00 ~ 05: 00 >即睇 “eilidh lifestyle” 喺李家食咗咩< *營業時間及餐牌僅供參考，應視官方最新資訊為準。 ----------------- 招募U Creator l 出Post賺額外收入！ 立即登記➡️ https://ulapp.hk/nsq06 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：IG帳戶@skewer.kitchen、@daimonyokocho、社群U Creator {{hket:tag-user display="Abbieabbie"}}234354{{/hket:tag-user}} 、 {{hket:tag-user display="msfoodloverr"}}674617{{/hket:tag-user}} 、 {{hket:tag-user display="wanyin000024"}}897541{{/hket:tag-user}} 、 {{hket:tag-user display="Foodstalkers HK"}}682735{{/hket:tag-user}} 、 {{hket:tag-user display="Chan Zoey"}}959340{{/hket:tag-user}} 、 {{hket:tag-user display="eilidh lifestyle"}}791587{{/hket:tag-user}} 、 {{hket:tag-user display="foodierox"}}862704{{/hket:tag-user}} 、 {{hket:tag-user display="ChubbyBowtie"}}693613{{/hket:tag-user}} 、 {{hket:tag-user display="foodiez.la"}}932848{{/hket:tag-user}} #ULifestyleApp #UCommunity社群 #UCreatorHK #香港宵夜推介2026 #宵夜 #深宵 #宵夜好去處 #九龍城 #泰國菜 #銅鑼灣 #居酒屋 #韓式炸雞 #尖沙咀 #中環 #美食 #香港美食
閱讀更多
-
打卡熱點
九龍城一帶真係好多美食～😋 除咗正宗嘅泰國菜，呢度亦有好多特色cafe💖 今次黎到Blossom食午餐，湯咖哩定食賣相好靚，色彩繽紛嘅各種蔬菜令人食欲倍增🤤 咖哩調味剛好，香口惹味但唔會辣，蔬菜煮得好入味，送飯一流！定食仲附有香甜嘅哈密瓜，食完已經好飽好滿足😍 不過我同朋友有第二個胃食甜品，每人食完一個餐再share咗個tiramisu，真係好邪惡🤤 #甜甜蜜蜜過新年 #甜甜蜜蜜過新年
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
↓【限時搶⚡】置富Malls送Capybara PIMOO CAPY豚長春日禮品↓
↓冷靜應變變色杯｜豚長呆萌旅行收納袋套裝↓
假日好去處