荃灣新店2026｜荃灣10大全新食買玩好去處一文睇晒！榴槤pizza元祖/淘多多/霸王茶姬
荃灣好去處｜香港新店2026｜2026年荃灣區迎來多間人氣新店，《港生活》編輯綜合荃灣區10大新開食玩買好去處，包括內地過江龍、主打榴槤披薩的「樂凱撒披薩」，人氣茶飲店「霸王茶姬」、「CoCo都可茶飲」，大型家品店「淘多多」、運動品牌「迪卡儂」及日系文青服飾品牌「studioCLIP」等。即睇內文了解荃灣的美食及玩樂之選啦！
荃灣新店2025｜荃灣好去處｜荃灣新店合集
- 荃灣新店2026【食】
- 荃灣新店2026｜1. 榴槤Pizza元祖樂凱撒披薩
- 荃灣新店2026｜2. 內地茶飲過江龍霸王茶姬
- 荃灣新店2026｜3. 台灣連鎖手搖店CoCo都可茶飲
- 荃灣新店2026｜4. 深水埗人氣甜品店甜西施研究所
- 荃灣新店2026【買】
- 荃灣新店2026｜5. 淘多多進駐眾安街
- 荃灣新店2026｜6. 運動品牌迪卡儂Decathlon
- 荃灣新店2026｜7. 平價糧油雜貨齊豐收社企便利店
- 荃灣新店2026｜8. 日系文青服飾品牌studioCLIP
- 荃灣新店2026【玩】
- 荃灣新店2026｜9. 美國冒險樂園區內第6間分店
- 荃灣新店2026｜10. TAITO STATION荃灣店逆市擴充
- U Community遊客用戶分享
荃灣新店2026【食】
荃灣新店2026｜1. 榴槤Pizza元祖樂凱撒披薩
內地人氣Pizza連鎖店「樂凱撒披薩」攻港！香港首間分店已於荃灣荃新天地開業。樂凱撒於中國擁有近200間分店，遍佈深圳、上海、廣州等地，更被喻為內地10大Pizza品牌，與Pizza Hut必勝客、Domino’s達美樂齊齊入榜。其招牌菜為以真榴槤果肉製成的榴槤Pizza，更一度於國內掀起熱潮，多間門店外大排長龍。其他菜式有滋滋烤西冷牛排、樂小辣雞中翼、肉醬意粉等。
樂凱撒披薩詳情
地址 ：荃灣楊屋道1號荃新天地地下G66 & G80號舖
營業時間：星期一至四 11:30 - 21:30；星期五至日及公眾假期 11:30 - 22:00
荃灣新店2026｜2. 內地茶飲過江龍霸王茶姬
內地人氣茶飲店「霸王茶姬」2024年首次攻港之後，品牌在香港迅速逆市擴張，陸續於各區開設分店，包括港九新界如屯門區、旺角區，甚至機場均有分店！早前品牌更4店同步開業，包括荃灣如心廣場店、大埔超級城店、屯門市廣場店、奧海城店。霸王茶姬主打茶底零添加人工香精、牛乳零奶精及零反式脂肪酸，人氣茶飲包括伯牙絕弦 (茉莉雪芽)、桂馥蘭香 (桂花烏龍)、萬里木蘭 (錫蘭紅茶) 及青青糯山 (糯米香綠茶) 等。
霸王茶姬荃灣如心廣場分店詳情
地址：荃灣大河道98號如心廣場二期1樓111號舖
營業時間：星期一至日 10:00 - 22:00
荃灣新店2026｜3. 台灣連鎖手搖店CoCo都可茶飲
台式CoCo都可茶飲店登陸荃灣！台灣連鎖茶飲店品牌「CoCo都可」於全球逾4,500間分店，亦早已進軍香港、中國內地、加拿大等地開設分店。香港分店遍佈港九新界，CoCo都可荃灣分店亦已開業。CoCo都可荃灣店選址於荃灣著名的「食街」路德圍，該區除了有$8豆腐花、串燒店等，就在CoCo都可的對面亦有3間同行的手搖店，競爭激烈。因此，不定時優惠推出，如全場買一送一、購買正價飲品一杯送珍珠奶茶中杯一杯等。
CoCo都可主打台式飲品，如珍珠奶茶、百香果茶等。
CoCo都可茶飲店荃灣店詳情
地址：荃灣荃興徑13-23號荃發大廈地下E號舖
荃灣新店2026｜4. 深水埗人氣甜品店甜西施研究所
深水埗人氣甜品店、原名為「甜姨姨研究所」的「甜西施研究所」殺入荃灣路德圍，繼續主打平價足料糖水。最平$22起就有交易，款式超多，不過最吸引當然就係多芒楊枝甘露，啖啖都食到芒果、柚子肉同西米。價錢平又足料，性價比超高！深水埗店「靚女」店長一度成為網民熱話，「靚女」店長為前有線記者陳慧欣（Kendy），據悉甜西施研究所由Kendy與男友及其家人開設。
甜西施研究所荃灣店詳情
地址：荃灣荃興徑2-8號昌泰大廈地下4號舖
營業時間：星期一至日 11:30 - 00:30
荃灣新店2026【買】
荃灣新店2026｜5. 淘多多進駐眾安街
淘多多由2022年進駐香港後，短短3年全港已有13間分店。近年香港結業潮持續，但淘多多仍逆市擴張，早前淘多多進駐荃灣眾安街，店舖面積更達近6,000呎，成為第12間分店，新店附近有多間特賣家品店如執笠倉和日日淘等，淘多多加入勢引起一場「特賣場零售戰」。
淘多多荃灣新店早前正式開業，標榜「平、靚、正」家品雜貨，吸引大批顧客支持，開業當日已經人流爆棚。從官方相中可見，有大批顧客在門口揀選貨品。淘多多一直主打平價家品、廚具和小型電器等，包括衣架、剪刀、層架到智能時鐘、煮食配件、食品等，而且定價便宜吸引眾多市民前往入手平價商品。
淘多多荃灣分店詳情
地址：荃灣沙咀道282號周氏中心地庫(大鴻輝中心對面)
營業時間：10:30 – 21:45
荃灣新店2026｜6. 運動品牌迪卡儂Decathlon
迪卡儂Decathlon進駐荃灣區！大型連鎖運動品牌Decathlon荃灣廣場新分店早前開業，選址於此前結業的服飾品牌Bershka的舊舖位，面積寬敞，延續品牌一貫的大空間風格。品牌涵蓋70多項運動及超過20,000款運動產品，不少門店有逾10,000平方呎店舖面積，分別展示了不同運動的區域，如健身、游泳、單車、足球等包羅萬有。
迪卡儂Decathlon荃灣店詳情
地址：荃灣大壩街4號荃灣廣場L1 132-138號舖
營業時間：10:30 - 22:00
荃灣新店2026｜7. 平價糧油雜貨齊豐收社企便利店
齊豐收社企便利店已正式開業！由「五豐行」與環保社企「齊惜福」聯手合作的「齊豐收社企便利店」，本月正式進駐荃灣過渡性房屋荃福居試營運，以全新營運模式出售「平到笑」產品，包括糧油雜貨均以低於成本價發售，最平$6.9入手！齊豐收社企便利店以「商業」結合「公益」為核心，突破傳統便利商店框架，除了供應低於市價的民生必需品外，更特別為婦女提供就業專崗，建構兼具經濟效益與社會價值的社區樞紐。大家有興趣不妨留意！
齊豐收社企便利店 詳情
地址：聯仁街3號荃灣過渡性房屋荃福居（巴士站旁邊）
營業時間：08:00 - 20:00
荃灣新店2026｜8. 日系文青服飾品牌studioCLIP
日本服飾品牌studioCLIP登陸香港！與niko and…、collect point屬同一集團的studioCLIP新店選址荃灣廣場，為品牌首間香港分店。studioCLIP服飾主打日系文青風格，店內亦有多款日本生活雜貨，深受日本女生歡迎。
studioCLIP荃灣店詳情
地址：新界荃灣大壩街4至30號荃灣廣場一樓122-125號舖
營業時間：11:00-22:00
荃灣新店2026【玩】
荃灣新店2026｜9. 美國冒險樂園區內第6間分店
美國冒險樂園又再開新分店！近年遊戲機店越來越流行，包括NAMCO、TAITO STATION及冒險樂園等等。香港始祖連鎖式室內遊樂場冒險樂園自2024年尾在旺角以及沙田開設新分店後，亦於荃灣廣場開設全新分店，為區內第六間分店。
分店位於荃灣廣場5樓位置，前身為書店商務印書館。荃灣廣場更成社為荃灣區內第6間分店，荃灣區分店地址如下：
美國冒險樂園荃灣廣場分店詳情
新界荃灣大壩街4至30號荃灣廣場5樓513-516號舖
營業時間：星期一至四 11:00-22:00；星期五 11:00-22:30；星期六 1030-2230；星期六 10:30-22:00
荃灣新店2026｜10. TAITO STATION荃灣店逆市擴充
夾公仔最近越來越盛行，不少人假期就會到大型夾公仔場消遣！日本連鎖遊戲中心TAITO STATION於2023年年尾登陸香港，而荃灣如心廣場門市逆市擴充，除了原本217號舖位，現時擴充至對面202A鋪位，以及219至221號大舖位，設有更多遊戲機台、夾公仔機。
TAITO STATION荃灣店詳情
地址︰荃灣如心廣場1期2樓 202A, 217, 219 - 221 號舖
營業時間：10:00 - 22:00
來源︰Weibo@樂凱撒披薩、Facebook@CoCo都可、Facebook@淘多多 T.momo Shopping Mall、Instagram@甜西施研究所、迪卡儂Decathlon、Food For Good 齊惜福、美國冒險樂園、TAITO Station、 U community社群用戶、資料圖片
延伸閱讀：
U Community遊客用戶分享
每次到深圳行商場一定會見到主打榴槤披薩🍕嘅 Pizza店｢樂凱撒｣，小朋友們一定嚷著要入去食。香港首家樂凱撒新店於5月30日開業！同愛食榴槤嘅朋友聚會又多咗個地方！
來源：Kami Sin
一知道甜西施研究所喺荃灣路德圍開分店，梗係要即刻去啦🤣🤣 現場見最多人叫就係多芒系列，我就試咗個小店推介嘅🥭多芒楊枝甘露，大概等5分鐘就拎得。份量都多，特別係芒果，切到大大嚿，面頭仲有啲柚子不過量唔算多，西米勁大粒好咬，整體嚟講唔算好甜，係值得買嘅‼️
來源：圓碌碌 Circle
-
打卡熱點
霸王茶姬 (荃灣店)
😋霸王茶姬荃灣新分店
內地霸王茶姬最近係荃灣如心廣場開左新分店,開幕仲有好多活動😍有買一送一卷｡荃灣分店既茶飲品項冇尖沙咀既咁多,不過最受歡迎果幾款都有｡ 1️⃣醒時春山($34) 龍井茶做茶底,平時飲開伯牙絕弦,對比之下呢杯覺得冇咁好飲,茶味比奶味掩蓋左,茶既澀味比起茶香好似更加出｡ 好味:6.6/10 環境:7/10 性價比:6.7/10 CHAGEE 霸王茶姬 📍地址:荃灣大河道98號如心廣場二期1樓111號舖 📌尖沙咀都有分店 #社群共創攻略#UCreatorHK#TRAVELwithUCreator#MOMENTSwithUCreator#香港美食攻略#香港購物攻略#香港打卡攻略#chill嘆旅行#chill賞放大假#享受天然芳療時光#我想帶走成箱fullbody
閱讀更多
-
特色茶飲
霸王茶姬 (荃灣店)
荃灣霸王茶姬新店開張！🎉
內地霸王茶姬最近係荃灣荃新天地又開左新分店,開幕仲有好多優惠🤩新開業又有撕杯有禮活動,又可以抽獎! 1️⃣伯牙絕弦($16) 限時既特價優惠!大杯仲有得抽獎!抽中左免單卷~即係又送多杯比我遲啲可以去飲☺️ 好味:6.6/10 環境:7/10 性價比:6.7/10 CHAGEE 霸王茶姬 📍地址:荃灣楊屋道1號荃新天地UG樓UG12-13, 13A號舖 {{hket:campaign display="最強偽素顏"}}{{/hket:campaign}}#UCreator
閱讀更多
-
特色茶飲
荃新天地2
🥤荃灣新開麻糬手搖飲店
經過荃新天地見到呢間新開既茶一,比佢餐牌既麻糬飲品吸引到~見到網上都冇乜評價,但係照試下! 1⃣️ 麻糬宇治抹茶($44) 價錢黎講都算貴｡揀左微甜走冰,但係飲落都比我想像中甜,抹茶味道唔係我鍾意既果種濃抹茶,覺得overpriced｡麻糬係偏奶味既,唔會好甜,但係質感太軟,零煙韌感｡比我揀我都係去飲翻迷客夏既米麻糬🤓 好味:6.1/10 環境:6.5/10 性價比:6/10 茶一 📍地址:荃灣楊屋道18號荃新天地2 UG樓UG86號舖 📌係屯門都有分店 #麻糬宇治抹茶#荃灣美食#屯門美食 #吃貨人生#食好西#hkfoodie#hkfoodstagram#hkeat#hkfoodblog#hkig#hkfoodlover#hkfoodblogger#hongkongfood#hongkongfoodie#屯門掃街#茶一#荃灣掃街#bestea
閱讀更多
港生活人氣本地熱話
《U GO》請您睇《末日聖母號》！
史詩科幻電影🌌Project Hail Mary🚀
↓【限時搶⚡】保關捷4+4升級配方↓
↓緩解關節痛感、提升靈活性↓
假日好去處