寵物好去處2025｜九龍區寵物友善商場5選 寵物共融區/寵物市集/花園

U Lifestyle

狗

寵物好去處2025｜九龍區寵物友善商場5選 寵物共融區/寵物市集/花園

上集小編搜羅咗港島區多間人氣寵物友善商場，今次輪到景點多元化嘅九龍區！唔少社群U Creator帶完毛孩去完都認證全部係真・寵物友善商場，唔單止有齊人寵共融區，仲會不定期舉辦寵物市集，毛孩同主人都可以玩得盡興！想帶毛孩放假去商場chill一下就要睇落去啦~ ----------------- 【貓奴才留意】免費送您貓貓保健品！ 身為貓奴或狗主，當然想時刻保障主子健康！今次U Community社群為各位寵主搜羅一系列寵物美食及保健品，只要簡單登記，就有機會免費贏得貓狗保健品，呵護主子健康！ > 想要免費貓貓保健品 < *免費狗狗保健品活動將於9月中旬開始，留意官方公佈 ----------------- 香港寵物友善商場｜九龍區｜1️⃣ 啟德Airside 啟德AIRSIDE絕對係近年最熱門嘅寵物友善新地標之一！不但提供高達6,000呎室內外「寵物共融區」，而且提供寵物飲水盆、寵物尿片、寵物便便袋及寵物車租借服務，仲有多間寵物友善餐廳。主人同寵物shopping完都可以喺商場範圍共度時光~ 注意事項： 每位主人不得攜帶多於2隻狗狗進入商場。 >詳情須知<  地址：九龍啟德協調道2號 > Ah Bu@3DogsFamily帶萌寵去Airside期間限定打卡位 < ----------------- 香港寵物友善商場｜九龍區｜2️⃣ 新蒲崗Mikiki 除咗啟德Airside之外，經天橋行就可以到附近嘅新蒲崗Mikiki行下，都係可以容許毛孩落地行走嘅寵物友善商場！而且商場都有供應約20架寵物車、免費口罩及尿墊。雖然商場範圍內冇寵物專屬空間，但部分店舖允許寵物進入，而且有多間寵物友善餐廳可選，去鄰近嘅寵物公園散步後，再入Mikiki寵物友善餐廳用餐就最適合不過！ 地址：新蒲崗太子道東638號 注意事項︰將寵物妥善置放於寵物車/寵物袋內，或為牠戴上口罩及以狗繩繫好。 >詳情須知< ----------------- 香港寵物友善商場｜九龍區｜3️⃣ 九龍灣Megabox 九龍灣Megabox有「毛孩天堂」之稱，因為裡而有超過7成商戶都係寵物友善！據網民所稱，好多店舖都容許毛孩進入，唔使擔心毛孩會落單。而L4設有全新寵物樂園，裡面有多個寵物遊樂設施供毛孩使用，餐前餐後不妨帶貓貓狗狗入去放下電！ 注意時項：只容許寵物貓及寵物狗進入商場範圍，寵物需安置於寵物車或手提袋。 >詳情睇官網< 地址：九龍灣宏照道38號MegaBox >主人 “Creamyball & Pancake” 帶毛孩玩盡寵物樂園設施<  --------------- 香港寵物友善商場｜九龍區｜4️⃣ K11 MUSEA 尖沙咀K11 MUSEA 7樓有個寵物友善花園Bohemian Garden，係一個寵物專屬嘅戶外空間，可以落地散步之餘，仲有多間寵物友善商店及餐廳！狗主可以攜帶唔多於2隻寵物狗於商場範圍進出，而商場都有寵物車可以租借並帶寵物進入商場範圍，同毛孩一齊分享shopping嘅快樂～！ 球迷狗主人仲可以帶埋主子一齊去K11 MUSEA睇亞洲首個CR7®LIFE博物館，近距離打卡C朗冠軍獎盃、獎項及球鞋！ > 球迷必帶萌寵到C朗博物館打卡 < 地址：香港九龍尖沙咀梳士巴利道18號K11 MUSEA  ----------------- 香港寵物友善商場｜九龍區｜5️⃣ D2 Place 相信D2 Place一定係寵主界公認荔枝角必去嘅寵物友善商場。商場內有多間售賣寵物用品嘅店舖，而且好多間都歡迎寵物內進，最適合帶同毛孩一同逛街！儘管寵物於商場範圍唔可以落地，位於商場一期天台嘅寵物共享休憩空間就可以俾寵物零負擔暢玩啦！而且D2 Place時不時就舉辦各種寵物市集及活動，各位寵主可以留意下！ 注意時項：寵物需安置於寵物車或手提袋，帶住大狗就要幫佢戴上口罩及繫上狗帶。 >跟住主人 “Peter Tong” 去D2Place寵物花園放電< 地址：長沙灣長義街9號 ----------------- 🔍延伸閱讀： 重溫港島寵物友善商場懶人包  新界寵物友善商場傳送門 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator {{hket:tag-user display="Ah Bu@3DogsFamily"}}779928{{/hket:tag-user}}、 @Peter Tong  、 {{hket:tag-user display="Creamyball & Pancake"}}729973{{/hket:tag-user}}  招募U Creator l 出Post賺獎賞！ 立即登記➡️ https://ulapp.hk/mp25i #ULifestyle應用程式 #ULifestyleApp #MOMENTSwithUCreator #UCreator #社群 #送禮 #寵物友善商場 #寵物好去處 #九龍區 #Megabox #d2place #mikiki #airside #k11musea #香港寵物好去處 #毛孩 #寵物放電好去處  #寵物好去處2025

Peter Tong

狗

D2 Place ONE

帶埋毛孩去放電！🐶💨 D2Place寵物花園等你嚟！

近年來，飼養寵物的人口已日益增多，特別是可愛的狗狗。狗狗一直是人類最忠心的好朋友，放工回家後，熱情的毛孩向你飛奔而來，感到十分窩心和疲勞消除。 很多公園禁止寵物進入，主人要帶狗隻在公園玩耍，便只能選擇寵物公園。推介各位主人攜帶毛孩去D2 Place，位於商場一期天台花園設立「寵物花園」。天台居高臨下，空氣清新和一望無際，讓人豁然開朗。主人可以安心任由毛孩在仿真草上盡情奔跑放電，亦貼心增設垃圾桶和沖洗設施，方便主人為寵物梳洗整理，還有休閒長櫈，讓主人和毛孩休息。 此外，商場也會不時舉辦寵物主題活動，主人與毛孩一同歡渡快樂時光。 #狗狗日常 #狗奴 #主子 #雙聚嚐月 #護脊書包要識揀 #秋日養生 #夏日炎炎啤啤佢 #夏日排毒瘦身 #好去處 #chill #寵物 #寵物公園 #狗狗 #d2place #金毛尋回犬 #柴犬 #貴婦狗 #chiikawa #寵物好去處2025

U Lifestyle

狗

香港

寵物好去處2025｜港島區寵物友善商場推介 全新寵物公園/一站式寵物玩樂區

越嚟越多香港人養寵物，因此寵物同人類共融嘅場所需求越嚟越大！除咗帶毛孩落公園散步之外，近年仲多咗好多商場係允許寵物進出，而且範圍遍佈港九新界！今次小編就整合咗多間社群U Creator寵主們都讚好嘅港島區香港寵物友善商場，放假帶毛孩去放電嘅您要save低呢個post啦！ ----------------- 【招募毛孩🐱🐶】送您寵物零食/貓貓保健品！ 身為貓奴或狗主，當然係日日都周圍搜羅好味嘅美食俾主子！今次U Community社群為各位寵主搜羅一系列寵物美食及保健品，只要簡單登記，就有機會免費贏得寵物零食，一SET共有7種口味，以及貓狗保健品，呵護主子健康之餘，再用美食贏得主子歡心！ > 為主子登記免費零食套裝 < > 想要免費貓貓保健品 < *免費狗狗保健品活動將於9月中旬開始，留意官方公佈 ----------------- 香港寵物友善商場｜港島區 ｜1️⃣ 黃竹坑THE SOUTHSIDE 港島南區嘅THE SOUTHSIDE位於黃竹坑站上蓋，係黃竹坑第一個寵物友善商場，最近已經全面升級寵物友善配套！沿途設有貓狗友善通道，毛孩可以喺通道落地行走。而且仲有貓狗友善泊車位、露天貓狗活動草地及寵物室內遊樂場~ 狗主貓主都唔使擔心寵物無處可排泄，商場亦設有貓狗專用廁所及便便收集處，主人想去廁所都可以帶埋毛孩入寵物友善家庭廁所，咁就唔使孭住毛孩上廁所咁狼狽啦！ > 主人“Vivi” 分享THE SOUTHSIDE有幾寵物友善< 難得帶毛孩出嚟玩，有咩可能唔打返幾張卡？商場設有多個萌寵打卡位，全部都文青感十足！想更加出片，可以出發前幫毛孩精心打扮一下啊~ > “Genghis & Una” 分享THE SOUTHSIDE 3大打卡位 < 注意事項：THE SOUTHSIDE只允許寵物貓同狗入場，其它寵物除非得到商場書面同意，否則唔準進入商場範圍喔！ >詳情須知< 📍地址：黃竹坑香葉道11號  ----------------- 香港寵物友善商場｜港島區｜ 2️⃣ 赤柱廣場 想帶毛孩去遠少少chill一下，不妨去赤柱廣場！寵物狗可以喺商場範圍內落地行走，仲可以進出大部分店舖。而且大部分餐廳及廁所外都設有Dog Parking，主人可以安心暫放狗狗。赤柱廣場設有大型露天廣場，狗主都可以帶毛孩散步觀賞赤柱海灣風景，一同度過慢活愜意嘅一日！ 注意事項：商場人流眾多，記得幫狗狗系上狗繩同戴上口罩，避免寵物走失！ 📍地址：赤柱佳美道23號  ----------------- 香港寵物友善商場｜港島區｜3️⃣北角匯 北角匯近年全面升級寵物友善設施及配套，不但設有全港首個VIPet Lounge，有齊毛孩影院、按摩區及放電區三大專區，而且仲設有Pet Care服務站，專門負責便便處理、消毒搓手液及食水供應。 仲有寵物友善專用𨋢、寵主友善停車位及多間寵物友善餐廳，貼心為寵主打造舒適休閒環境。值得一提嘅係，北角匯鄰近海濱及今年新落成嘅東岸板道，有齊寵物友善嘅夢幻藍色遊樂場，商場行完再帶狗狗出去公園放電散步都唔錯！ >等狗主 “ewa.tobey.coco“ 帶您睇東岸板道有咩設施< 注意事項：寵主須將寵物安放於寵物車或寵物袋內，並扣上寵物繩方可同行。>詳情見官網< 📍地址：香港島北角北角邨裡1號(一期)  ----------------- 香港寵物友善商場｜港島區｜4️⃣灣仔合和商場 灣仔合和商場都係港島區其中一個受寵主歡迎嘅100%寵物友善商場。商場範圍內無論大狗定細狗都可以落地，有特別寵物通道、寵物友善cafe等配套，唔怕狗狗無聊！以為得咁多你就錯啦！15樓仲設有佔地6000平方呎Barkyard，集齊寵物美容、百貨、室內寵物遊樂場於一身嘅一站式寵物玩樂空間，仲會不定期有寵物市集活動，絕對係奴才帶主子大駕光臨必去之選！ 📍地址：灣仔皇后大道東183號合和商場 > 狗主 “guru.corgi” 拍片介紹合和商場寵物友善配套 < ----------------- 🔍延伸閱讀： 九龍區寵物友善商場清單 新界區寵物友善商場清單  🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator @Tpl 、 {{hket:tag-user display="guru.corgi"}}278143{{/hket:tag-user}} 、 {{hket:tag-user display="Vivi"}}968848{{/hket:tag-user}}  、 {{hket:tag-user display="Genghis & Una"}}167263{{/hket:tag-user}} 、 {{hket:tag-user display="ewa.tobey.coco"}}941724{{/hket:tag-user}} 、 招募U Creator l 出Post賺獎賞！ 立即登記➡️  https://ulapp.hk/mp25i #ULifestyle應用程式 #ULifestyleApp #MOMENTSwithUCreator #UCreator #社群 #送禮 #寵物友善商場 #寵物好去處 #香港寵物好去處 #毛孩 #寵物放電好去處 #airside #西沙gopark #寵物好去處2025