中環文華東方酒店康樂廳自助餐！罕有開放公眾預訂／聖誕晚餐$1414起／專屬禮遇

U Lifestyle

打卡熱點

香港12間聖誕打卡餐廳推介2024🎄聖誕自助餐／情調餐廳／早鳥優惠一覽😍

聖誕大餐2024│聖誕節活動點少得同摯愛一齊去食聖誕大餐😋！小編今次為您精選咗12間有情調食物又高質嘅餐廳🎄，無論您想食聖誕自助餐、米芝蓮餐廳、自助早午餐定omakase都有選擇💕，當中部份仲有低至７折早鳥優惠。建議大家盡早訂座，提早搵好餐廳嘆盡優惠，咁就可以歡度佳節啦🥰~即刻去圖啦(附早鳥優惠詳情)❗ ----- 🎄香港聖誕餐廳推介2024 (Click圖有詳細介紹同早鳥優惠詳情！) 1/ 東涌世茂喜來登酒店-嶼坊 聖誕自助餐 👉🏻訂座 2/ 皇家太平洋酒店-堤岸酒吧  半自助餐 👉🏻訂座 3/ The Optimist 西班牙半自助早午餐 👉🏻訂座 4/ Jimmy's Kitchen 👉🏻訂座 5/ 香港麗晶酒店-Nobu 7道菜廚師發辦晚餐 👉🏻訂座  6/ 置地文華東方酒店-SOMM  暢飲早午餐體驗 👉🏻訂座  7/ 置地文華東方酒店-Amber 👉🏻訂座  8/ Magistracy Dining Room 👉🏻訂座  9/ 馬哥孛羅香港酒店-Cucina 👉🏻訂座  10/ 四季酒店-ARGO 自助早午餐 👉🏻訂座  11/ Vista 👉🏻訂座  12/ ALTO 👉🏻訂座 ----- 圖片來源：官網 #BESTFOODwithUCreator  #UCreatorHK  #香港好去處  #香港美食  #聖誕好去處2024  #聖誕2024  #聖誕活動2024  #聖誕餐廳  #聖誕餐廳優惠  #自助餐  #聖誕大餐  #聖誕自助餐

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

A美食焚化爐

節日限定

Le Menu

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)