大美督燒烤場正式重開！40 個海景爐全數翻新 網民直擊最新實況：變到咁靚嘅？暫時未算多人
【大美督燒烤場 / 燒烤好去處／BBQ好去處2026】早前關閉翻新的大美督（大尾篤）燒烤場，最近終於重開了！有多位網民在 Threads 分享實況，直擊重開後的大美督燒烤場經翻新後，變得又新又乾淨。最重要是人煙稀少，還可以對住無敵大海景BBQ，絕對是 2026 年假日的好去處首選！即睇下文，了解最新現場實況。
BBQ好去處｜大美督燒烤場3月起暫停開放
康文署轄下的大埔大美督燒烤場一向大受港人歡迎，吸引不少人前去BBQ。然而燒烤場自 2006 年進行翻新後，場內設施包括燒烤爐、檯凳組合、欄杆及涼亭等，均出現不同程度的破損，以致康文署決定進行大規模的翻新工程，於2025年3月起開始圍封關閉，暫停對外開放。
工程進行期間，曾有人經過並將當時維修相片上載至社交平台，可見當時所有燒烤爐都被拆走，地板地磚亦成泥濘碎石之地。
12月中翻新重開 坐擁40個海景爐位
2025年3月，康文署的「康體設施管理匯報」指出大美督燒烤場的維修工程預計會於12月中完成。而至12月尾起，有網民開始發現燒烤場經已翻新完成，於2025年聖誕前夕，更有網民見到約有10多枱人在「燒嘢食」。不過相信是翻新不久，未有太多人知道重開消息，人流相比以前大不如前。
經大翻新後，40個「海景爐位」全數大升級，而且周邊環境經過整理後，感覺比以往更整潔。據網民分享，現場更設置保安室，有保安人員在場管理，亦有提供垃圾桶車，方便燒烤人士。
▼網民分享圖片▼
網民反應：等咗好耐！
大美督燒烤場完成翻新的消息在社交平台上傳出之後，有不少網民都留言指「等咗好耐終於裝修完」、「冇諗到而家變得咁靚」。不過亦有不少人擔心新場好快就會變「垃圾崗」，希望大家使用同時都可以愛惜地方及設施。
▼網民留言▼
資料及圖片來源：Threads@edwin_lui111、@kennryoutei、Facebook群組@大埔 TAI PO、康文署、文創產業發展處
BBQ搽蜜糖搞到成手都係？Threads瘋傳「樽蓋隱藏用法」網民：全世界都要識
秋冬正是燒烤（BBQ）的好時節，但最令人頭痛的一定是那瓶「癡笠笠」的蜜糖。最近有網民在 Threads 分享了一個極其簡單卻超實用的 DIY 秘技，成功解決了燒烤時手部沾滿蜜糖的煩惱，大讚「第一個發明燒嘢食咁樣搽蜜糖嘅人真係好聰明」！
活動資訊
- 地點
-
親子
巴希雅海灣重慶燒烤
同幼童BBQ🤭完全冇難度
#熊之體驗#BBQ推薦 同幼童去BBQ 都係向難度挑戰 今次係熊仔糖第2次燒烤 上次時間冇咁長 而且當時亦都冇自備凳仔 都係坐BB車 今次有私家凳 竟然可以坐足三個幾鐘 中途都有落地行行 但都好乖冇扭計 用竹籤穿住嚟燒烤 的確唔錯 平時燒嘢食 mummy好懶唔會燒肉 今次唔使叉住 得閒睇吓火 夠鐘就翻一翻 好舒服 一邊湊住小朋友 都可以食得好飽 呢度仲有孜然粉､辣粉等調味料 好重慶嘅味道 仲有生蠔架 好新鮮 每人有兩隻 牛油金菇,仲有芝士添 泊車方面 停車場仲好大免費任泊 🔍巴希雅海灣燒烤 📍香港大埔大尾督汀角路龍尾村103A地下 附近仲有個沙灘 如果早咗嚟仲可以同小朋友行吓🫢 星期一至五營業時間 ⏰14:00-24:00⏰ 成人$198/長者$158/小童$128 任飲任食3小時 星期六日假期營業時間 ⏰12:00-24:00⏰ 成人$218 / 長者$178 / 小童$148 任飲任食3小時 #熊仔糖#香港bb#親子kol
閱讀更多
-
親子
大欖燒烤 TLCBBQ (大埔大尾篤店)
90cm以下免費！BBQ場竟然可以咁樣玩？！😲
有咗小朋友之後,你仲有幾可同朋友gathering? 今次意外發現咗個好正嘅BBQ場,想知有幾好玩,去片睇吓喇! 更多Tips: 👶身高唔夠90cm嘅小朋友免費入場,仲有high chair提供,夠晒貼心 ⚠️飲品選擇比較少,主要係汽水｡如果對飲品有要求,可以自己帶少少嘢飲入去就最穩陣 🚗泊車位多,星期一至四免費泊車,五六日假期都係$30/時段,$50/全日 總括嚟講,想搵個地方舒服､食物高質､又可以一家大細/成班朋友放鬆下,呢度係唔錯嘅選擇! #親子好去處#假日好去處#港式燒烤#家庭聚會
閱讀更多
-
親子
船灣淡水湖水壩
大尾篤放電企劃｜幼兒單車初體驗
說話啊仔呢排成日指住單車叫,我哋一於唔諗咁多,直接帶佢去大尾篤體驗吓😎 俾個極簡流程大家參考: 1️⃣ 直接入大尾督(小朋友耐力有限,精華位直擊就夠) 2️⃣ 食個靚午餐(儲定能量) 3️⃣ 租架家庭車 $250/日(價錢浮動,建議格下價先) 4️⃣ 俾個仔扮車神 5️⃣ 堤壩睇景 + 瘋狂打卡 6️⃣ 接收已進入睡眠模式嘅仔 7️⃣ 滿足返歸 搞咁一大輪,最後望住佢笑到見牙唔見眼嘅樣——真係乜都抵返晒!😂 —————————————————— 實用資訊 🚴 租車:大尾篤多間租車舖(款式大同小異) 💰 費用:家庭車$250/日(海鮮價,建議問價先) 👶 適合年齡:我哋 2 歲坐得穩(有安全帶,但最好自己睇實) ⏰ 建議時長:2–3 小時(避開正午曬住踩) 🅿️ 停車:週末較滿,建議早少少到 周邊延伸玩法 • 私營燒烤場(family gathering就啱曬,唔使準備) • 水上活動中心(獨木舟､帆船,大少少再去玩) • 大美督家樂徑(睇全景,不過今次我哋無行到) #香港好去處#大尾督一日遊#香港親子遊#父母都是這樣#單車初體驗
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
假日好去處