大埔年宵花市2026｜61個攤位地圖、開放時間、地址交通詳情

Nayaknna

節日限定

《旺角花墟公園年宵花市》係九龍區好熱門、好有氣氛嘅新年花市，每年臨近農曆新年都會開幾日，買年花、年貨同小食都好方便。 基本資料 * 地點：旺角界限街花墟公園（有時官方會稱為「深水埗花墟公園」）。 * 日期：2026 年 2 月 11 日至 2 月 17 日，一連 7 日，開到年初一清晨。 * 開放時間： * 2 月 11–12 日：約早上 8 時至翌日凌晨 12 時。 * 2 月 13–15 日：約早上 8 時至翌日凌晨 1 時。 * 2 月 16 日：早上 8 時至翌日（年初一）早上 7 時通宵開放。 攤位類型同數量 旺角年宵規模中等，但種類齊全，啱一家大細行花市。 * 總攤位：約 130–136 個（官方資料指 136 個）。 * 濕貨攤位（花檔）：64 檔，主要賣桃花、水仙、年桔、蝴蝶蘭等賀年花卉。 * 乾貨攤位：66 檔左右，包括公仔、揮春、利是封、新年裝飾、創意精品等。 * 快餐攤位：6 檔，可以買小食、飲品，邊行邊食。 #馬年新氣象

Hahaarmuiha

節日限定

屯門天后廟廣場年宵市場2026

年廿九著短袖去行年宵花市🌸

今日係年廿九 當然要行下年宵行過大運 Keep住個傳統 但今年年宵係可以著短衫~~ 因為真係好熱從未試過呀! 不過都無阻我哋食完飯去行個花市年宵 其實屯門呢個花市 雖然細細地但五臟俱全 要有既都有 而且今年好似多咗啲檔口 多左好多花賣 蝴蝶蘭真係好靚 攪到真係好心動想買~~ 桃花都好靚 而且仲可以細細扎咁買 都唔錯呀! 其實水仙都唔錯 真係花多眼亂呀 熟食檔呀乾貨檔呀應有盡有~ 最後買左個Kuromi 汽球🎈就行完了 馬年行大運呀~~ 📍地址:屯門天后廟廣場 🚊交通:港鐵屯門站A出口 #屯門花市#年宵市場#農曆新年{{hket:campaign display="好茶隨春來"}}{{/hket:campaign}}#hkfoodie#親子blogger

U Lifestyle

節日限定

【年宵2026】全港戶外/室內年宵市場一覽🧨辦年貨年花必去！附日期+交通方式

仲有唔到一個月就到農曆新年，又係時候約定親朋好友去年宵辦年貨、買年花！🧧2026年宵市場將於2月11日起至2月17日舉行，為期7日！無論係小食、揮春、紀念品、乾貨，或者係植物、年花等濕貨攤位都應有盡有。今日小編整合港九新界戶外及室內年宵市場資訊，行完年宵記得去埋U Community社群打卡熱點或節日限定主題分享年宵趣事及點滴啊！ ----------------- 室內年宵市集推介： 1️⃣ SOHO MARKET流量蜜馬新春市集 由年廿七至年初六，SOHO MARKET將會於南豐紗廠舉行新春市集，市集貫穿春節、情人節及年宵，設有多檔年花、節日禮物、揮春裝飾、花藝等攤位，更可以買到烘焙糕點、服飾首飾、香薰護膚等手作！今屆SOHO MARKET新春市集檔主招募中，手作控表示好期待啦！ 📅活動日期：2026年2月14日至2月22日 📍地址：荃灣白田霸街45號 2️⃣ LIFE MART 大型年宵市集2026 2026年新春繼續有LIFE MART於饒宗頤文化館舉辦大型年宵市集！想帶埋毛孩一齊感受新春氣氛嘅您必睇，因為饒館場地係「寵物友善」的，而且場內分別設有室內與戶外攤檔，仲有多個人氣插畫師參與活動，名單將會陸續公佈，想帶毛孩行年宵嘅您記得密切留意！ 📅活動日期：2026年2月11日至2月17日 📍地址：香港九龍青山道800號饒宗頤文化館 3️⃣ 荔枝角D2 Place xMarketoo市集 Marketoo年宵市集今年陣容鼎盛！雲集超過200個本地品牌，更設有「Youtuber & KOL專層」，聚集咗JFFT、歡樂馬介休、Teddy Fan、Lolly Talk成員Sinnie及阿蛋等人氣Youtuber、KOL、歌手等參與，場內更設有多個插畫打卡位同紀念品贈送，粉絲同文創控一定要去啦！ 📅活動日期：2026年2月11日至2月19日 📍地址：D2 Place ONE 2樓 THE SPACE ----------------- 戶外年宵市集推介： 2026年全港共設有14個戶外年宵市場，遍布港九新界。如果唔想同太多人逼，各位出發時記得先去政府網站查詢各年宵市場嘅實時人流情況啦！ 4️⃣ 維多利亞公園年宵市場 作為全港最大嘅年宵市場，想感受節日氣氛去維園掃貨就啱晒，今年維園年宵共有180檔、乾貨216檔及4個快餐攤位，各位家長、情侶準備行到唔捨得走啦！ 📅活動日期：2026年2月11日至2月17日 📍地址：銅鑼灣興發街1號；地圖按此 🚇交通方法：銅鑼灣站E出口/天后站A2出口 5️⃣觀塘遊樂場年宵市場 喺觀塘區返工返學嘅您不妨就近去觀塘遊樂場年宵市場採購年貨，感受年宵氣氛啦！今年共設有50個濕貨攤位、30個乾貨攤位及5個快餐攤位！ 📍地址：觀塘翠屏道6號 🚇交通方法：觀塘站D4出口步行5-10分鐘；地圖按此 6️⃣  界限街花墟公園 旺角界限街花墟公園同樣係其中一個最熱鬧嘅年宵市場。今年旺角花墟公園共設有136個攤位，當中有64個濕貨攤位、66個乾貨攤位及8個快餐攤位！ 📍地址：九龍塘界限街101號 🚇交通方法：旺角東站D出口/太子站A出口；地圖按此 7️⃣ 荃灣沙咀道遊樂場 雖然不及維園年宵大型，不過沙咀道遊樂場都係荃灣及葵青區居民賀年首選辦年貨市場！今年共有濕貨攤位96個及乾貨攤位30個，不過場內不設熟食檔，記得喺場外填飽個肚先入嚟掃貨啦！ 地址：荃灣沙咀道171-199號 🚇交通方法：荃灣站D出口/荃灣西站A2出口；地圖按此 8️⃣ 大埔天后宮風水廣場 大埔天后宮風水廣場年宵係少數鄰近古廟嘅年宵市場，規模較細，但都有齊40個濕貨攤位、20個乾貨攤位及1個熟食攤位，行年宵前仲可以去附近天后宮祈福轉運！ 📍地址：大埔汀角路天后宮風水廣場 🚇交通方法：太和站B出口步行12分鐘；地圖按此 9️⃣ 將軍澳寶康公園 將軍澳居民買年花年貨都唔一定要山長水遠去到維園，去區內嘅將軍澳寶康公園同樣感受到喜慶氛圍，同時都係親子及毛孩最佳休閒場所！濕貨攤位數目約有54個、乾貨攤位34個及2個快餐攤位。 📍地址：將軍澳運隆路10號 🚇交通方法：寶琳站B2出口；地圖按此 🔟 沙田源禾遊樂場 沙田街坊亦都可以去源禾遊樂場辦年貨享受節日氣氛！場內共設有濕貨攤位49個及乾貨攤位26個，有齊新春必備商品及裝飾，一家大細必去！ 📍地址：沙田源禾路16號 交通方法：沙田站A3出口步行10分鐘/轉乘60K小巴；地圖按此 1️⃣1️⃣ 元朗東頭工業區遊樂場 位於朗屏嘅元朗東頭工業區遊樂場年宵市集亦都係其中一個大型年宵市場。共設有96個濕貨攤位、52個乾貨攤位及快餐攤位2個，主要售賣本地手作及特色小食，元朗街坊必去！ 📍地址：元朗東頭工業區強業街 🚇交通方法：朗屏站F出口；地圖按此 1️⃣2️⃣ 東涌達東路花園 離島區唯一嘅大型年宵市場就係東涌達東路花園！共設有10個濕貨攤位及17個乾貨攤位，東涌區民都可以輕鬆採購特色年貨年花！ 📍地址：東涌達東路 🚇交通方法：東涌站A出口；地圖按此 ----------------- 招募U Creator l 出Post賺獎賞！ 立即登記➡️ https://ulapp.hk/nsq06  即入U Lifestyle 港媽港爸親子福利資訊區，一站式掌握獨家親子好物和活動優惠👶➡️ https://ulapp.hk/8ge49 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 資料來源：食物環境衞生署 圖片來源：Facebook帳戶@SOHO Market、網上圖片、社群U Creator {{hket:tag-user display="pfhon"}}75722{{/hket:tag-user}} 、 {{hket:tag-user display="earthfunEAT"}}840042{{/hket:tag-user}} 、 {{hket:tag-user display="Suki Choy "}}164112{{/hket:tag-user}} 、 {{hket:tag-user display="Foodiehkcouple"}}760812{{/hket:tag-user}} 、 {{hket:tag-user display="eatnaeatna "}}636491{{/hket:tag-user}}  #ULifestyle應用程式 #ULifestyleApp #社群 #ULifestyle #新年好去處 #新春 #新年市集 #年宵市集 #馬年 #新春市集 #年宵市場 #年宵2026 #辦年貨 #年花 #特色市集 #揮春 #維多利亞公園 #維園 #親子好去處 #情侶好去處