車公廟買香驚現天價？網民轟：最平$178貴足一倍、Lisa去完即加價？附買香攻略
【車公廟買香攻略 2026 / 拜神流程】就連韓國人氣女團BLACKPINK成員Lisa都去拜神的車公廟，每年新年都會香火鼎盛。不過，最近有網民於社交媒體大爆，今年車公廟內的香燭價格大幅飆升：「最平都要$170幾蚊」，比起以往貴足一倍有多，引發熱烈討論，不少市民直斥「貴到離譜」，更有人戲言「係咪Lisa去完就加價？」
車公廟買香燭驚見「天價」網民：以為睇錯價錢
繼上月尾韓國女團BLACKPINK成員Lisa被網民拍到，低調現身沙田車公廟參拜後，車公廟再次成為熱門話題。有港人近日到車公廟還神，原本打算直接於廟內購買香燭，心想即使「貴少少當添香油」，怎料今年香燭價格較往年上漲不少，令事主大感錯愕。
有網友更指早兩星期去車公廟還神，入到去問價，最平一份竟然索價$178，有人留言直言「明明我上年先買$78」、「往年好似$120喎」，足足加價近$60甚至一倍，最後決定到廟外光顧其他攤販。不過，都有部份網民表示購買價錢不一：「我尋日（2月7日）去， 買到$11x定$12x喎，會唔會係你買連埋油個啲啊？」、「琴日（2月7日）買$135」。估計與購買內容不同有關。
廟外香燭平賣「跳樓價」！精明消費慳足$120
根據網民分享，車公廟內的今年部份香燭價格由$170左右起跳，「我哋就同佢講話諗住拜車公求籤，不過就未還神，點知佢當我地水魚咁，話可以先買個$178嘅還神，之後出返嚟再買個$178嘅拜神，即係$178 + $178（共$$356），心諗都傻傻地」。
有聲稱曾經在車公廟內任兼職的網民留言：「之前做過pt（partime），佢哋的確唔老實，但員工都係聽上頭嘅笛。建議新年你哋唔需要俾利是員工，因為利是員工自己唔袋得，都係管理廟嘅上頭收。」
網民：「面向車公廟嘅右邊，7-11附近，有間買香燭包，豐檢由人，拜乜都有，你可以下次行過去買，我喺嗰度買咗好多年。」
網民：「上兩個禮拜去還神，我見到前面賣香燭啲工作人員一聽你係還神，就叫你買百幾二百蚊嘅還神套裝，我話我買香，佢指我去左邊角落頭。普通一紮仔線香都收你$50幾，同搶都真係冇乜分別㗎啦。」
網民：「去左車公好多年，佢年年都提前通脹…」
網民：「早兩星期去車公廟還神，入到去問價 最平果份要$178，明明我上年先買$78，痴線，貴到抽筋，我話貴過上年咁多既，個職員話叫我當做善事，積福德，真係著左，明搶錢。」
相比之下，廟外售賣香燭的價格則相對親民得多，最平只需要$40即可以有交易！即睇精明消費買香攻略：
據網民指，行人隧道內的部份老人家最平只需$38，車公廟站附近的士多則售約$58，比起廟內足足便宜$120或以上。有網民建議於廟外購買香燭後，再入廟內添$10或$20香油錢，既可節省開支，又能表達誠意。
馬年拜車公必學9步流程！轉風車擊鼓轉運秘技
拜神千忌「求其是但」，今年要「馬到功成」就要跟足以下9步拜神流程：
備香燭及祭品：廟內外都有得買香燭、寶衣及風車，想慳錢可於廟外預先買。
入廟鞠躬行禮：入廟前記得鞠躬，以表尊重。
添香油祈財運：到「長添長有」燈的攤位添香油，寓意財源滾滾來。
上香參拜：車公神像前上3支香，然後跪拜3次。
誠心祈求：誠心講出自己全名、出生日期及祈求，讓車公知道所求者是誰。
轉風車擊鼓：去廣場中間轉風車，再打3下大鼓，逆時針方向寓意轉走衰運、順時針則招來好運。
求籤問前程：若想知今年運勢，可以求籤讓車公指點。
馬年求事業發達：今年特別適合求事業運，準備生果同三牲供品（雞、魚、豬），向車公祈求工作順利、升職加薪。
領取「咭仔」：離開前記得領取免費「財神咭」及「太歲咭」，保佑全年財運亨通、平平安安。
溫馨提示：車公廟於年廿九（2月16日）到年初一（2月18日）會通宵開放，方便大家搶上「頭注香」。
2026年 沙田車公廟車公誕及農曆新年期間的特別開放時間
地址：沙田車公廟路 7 號沙田車公廟
交通方法：港鐵「車公廟站」B出口步行約5至10分鐘；或「大圍站」B出口沿指示步行約10分鐘。
| 農曆 | 西曆(2026年) | 廟宇 開放時間 |
|---|---|---|
| 年廿九（日間） | 2月16日(星期一) | 上午8時至下午6時 |
| 年廿九晚（晚間）至 年初一 | 2月16日 (星期一晚) 至 2月17日 (星期二) | 晚上11時通宵開放 至 翌日下午6時 |
| 年初二 (日間） | 2月18日 (星期三) | 上午9時至下午6時 |
| 年初二晚 (晚間) 至 年初三 | 2月18日 (星期三晚) 至 2月19日 (星期四) | 晚上11時通宵開放 至 翌日下午6時 |
| 年初四 至 正月二十 | 2月20日(星期五) 至 3月8日 (星期日) | 每日上午8時 至 下午6時 |
圖片及資料來源：華人廟宇委員會、東華三院廟宇及文化推廣服務網站、Threads@vvvvviannnn
新年拜神禁忌｜入廟祈福10大禁忌一文看清！踩門檻、指神像超折福？做錯隨時「祈福變招禍」
新年拜神禁忌｜農曆新年將至，相信不少人都會一家大小到黃大仙祠、車公廟或文武廟參拜，祈求新一年風調雨順、平安大吉。俗語有云「入屋叫人，入廟拜神」，參拜神明除了講求心誠則靈，更要懂得尊重的禮儀。若不慎觸犯禁忌，隨時弄巧反拙！以下為大家整理10大入廟禁忌，做足準備讓神明保佑你來年順風順水！
新年拜神全港25間開運廟宇推介 黃大仙頭炷香/慈山寺桃花源/車公廟轉運【附農曆新年開放時間】
2026馬年行大運，當然要找個靈驗廟宇拜神祈福啦！今年農曆新年，黃大仙祠除夕晚上將通宵開放供大家上頭炷香；想求姻緣的人不妨到上環濟公廟求姻緣；赤口當天更可到車公廟轉風車，或到慈山寺欣賞超唯美桃花海。本文為大家整合全港18區廟宇的開放時間、交通地址及參拜禁忌，避開人潮、順利祈求新一年財源廣進、平安健康！
活動資訊
- 地點
-
節日限定
沙田車公廟
🧧🏮｜初三車公廟祈福求好運 🙏🍀✨
沙田車公廟係香港沙田區最出名嘅廟宇之一,位於車公廟路,靠近港鐵車公廟站同大圍站,步行只需7-10分鐘就到｡ 車公廟主要供奉車公大元帥(Che Kung),相傳佢係南宋時期一位勇猛將軍,曾平定叛亂､護駕宋帝,又有驅除瘟疫嘅傳說｡據講明朝末年沙田疫症流行,村民建廟拜車公,廟一建成疫症就消失咗,所以車公特別靈驗保平安､轉運､化是非｡ 廟宇有超過300年歷史,古廟部分係香港二級歷史建築,新廟喺1994年重建,面積好大,入面有座幾米高嘅金色車公像,威風凜凜｡廟內最出名係轉風車,好多人新年嚟轉風車改運:順時針轉甩衰運,逆時針轉留好運,轉三圈最常見｡ 尤其農曆年初二車公誕同年初三赤口,人山人海,香火超旺,成千上萬善信排隊拜神､求籤､轉風車,祈求新一年順風順水､身體健康､事業順利｡ {{hket:campaign display="好茶隨春來"}}{{/hket:campaign}}#ucreator#好去處#打卡#全新景點#momentswithucreator#旅遊行程#港玩港食#假期推介#新年快樂#travelwithucreator
閱讀更多
-
節日限定
每年新年都會去車公廟，今年馬年仲要撞正媽媽沖太歲🫠‼️拿拿臨去搵車公保佑媽媽事事順利💕 #馬年新氣象
閱讀更多
-
節日限定
【2023拜神秘笈📖】盤點10間兔年必到寺廟🐰 ---------- 入廟祈福要知窿路！唔同廟宇有各個神靈，去啱地方參拜，願望先會靈㗎🙏《社群》推介兔年必去祠廟，包您2023一帆風順，心想事成❤️ 即睇全港10大寺廟啦~ ---------- 1⃣健康 🎈長洲玉虛宮 好多人都去玉虛宮拜北帝以求健康🙏。傳說中，長洲爆發瘟疫，居民紛紛到玉虛宮，希望北帝可以對抗疫情~ 點知，有一個老人忽然出現👴，自稱係北帝化身，叫人載佢去災區行一轉！之後，疫情好快就消失❤️ 地址：長洲北社街 🎈九龍城侯王廟 侯王廟主要供奉「侯王」，而「侯王」係曾護宋帝~ 即使佢身染惡病仍然同末代皇帝共生死😲所以，好多人都會到九龍城侯王廟參拜以求身體健康！ 地址：白鶴山聯合道130號 2⃣愛情 🎈黃大仙祠 如果您同情侶想感情穩定或者想出Pool👩❤️👨，黃大仙祠就啱曬您啦！黃大仙祠求姻緣好靈~ 去到嘅時候，仲要將紅線綁喺月老像前誠心參拜💗 地址：香港九龍黃大仙竹園村二號 🎈上環百姓廟 呢間祠廟可以話係明星姻緣廟，因為塔香下隨時可以見到明星嘅名，如蔡卓妍、吳君如等🌟想求姻緣嘅不妨嚟參拜！ 地址：香港太平山街40號 3⃣財運 🎈紅磡觀音廟 以前啲人去遠遊都一定會去參拜保平安~ 宜家如果係觀音開庫大日子，想求財嘅人可以嚟呢度祈福、借庫💰 地址：九龍紅磡差館里 🎈圓玄學院財神殿 財神殿内放咗5尊金色嘅大型財神像，每個財神都掌管唔同嘅行業同唔同方位嘅財富🪙大家不妨到訪參拜~ 地址： 香港新界荃灣三疊潭 4⃣學業、事業 🎈上環文武廟 呢間係香港最大嘅文武廟，供奉文昌帝同武帝。文昌帝負責功名官祿，而武帝則代表財富同忠義！所以，學生同有工作嘅您都可以嚟呢度上香參拜✏ 地址：香港荷李活道124-126號 🎈紅磡福德古廟 以前，黃埔船塢仲運作緊嘅時候，好多船塢員工返工都會嚟呢度祈求工作順利平安~ 希望工作順利嘅您就啱曬啦💼 地址：九龍紅磡保其利街 5⃣問卜、轉運 🎈筲箕灣城隍廟 想求咩籤，呢度都可以解答到您！據說因為城隍負責管理城中所有大小事務！所以，好多人都會嚟問東問西，因而香火不停🔥 地址：筲箕灣筲箕灣東大街 🎈大埔天后宮 香火一向都好旺盛，所以吸引唔少人嚟求神問卜🤲 地址：新界大埔舊墟汀角路39號6約43-44號 ---------- 圖片來源：華人廟宇委員會，圓玄學院社會服務部，東華三院，躍變龍城，踏步大埔 ⛩祈完福，記得到《社群》分享新年活動 🍾立即留言，《社群》請您飲日照夜霧手工蜂蜜酒
閱讀更多
港生活人氣好去處
U Lifestyle App送您QOLLABS升級版「大餐救急丸」！
↓All in one全面阻隔燃脂↓
請您去🔥幪面超人古迦25週年紀念：超Kuuga展
↓日本海外巡迴首站👏慶祝播映25週年↓
假日好去處