長沙灣小食店現時光倒流價！$5三隻煎餃掀排隊熱潮！網民憂：夠唔夠交租?

$5三隻煎餃成熱話 晚上仍見大排長龍　

近日，多名網民在Facebook群組「長沙灣美食及消費關注組」發帖，大讚長沙灣新開一間小食店「幸福煎餃」，店內以$5三隻煎餃作招徠。更有街坊表示，該店門前經常大排長龍，即使晚上8時多經過，仍有不少食客正在等待。

+3

+2

點擊圖片放大

翻查資料，「幸福煎餃」位於長沙灣青山道，今年1月正式開業，主打韭菜豬肉及粟米豬肉兩款煎餃，標榜即叫即煎、足料多汁，每隻低至約$1.7。店內另售魚蛋燒賣$10七粒、鮮製豆腐花$10一碗，定價親民，難怪成為街坊新寵。

時光倒流價？網民：20蚊12隻真係平

帖文迅速引起關注，不少網民大讚價格猶如回到廿年前，「廿年前鍋貼大王個價」、「$5三隻實多人排啦」、「$20有12隻，真係平」，更指十蚊八蚊人人都願意試試，獲封是長沙灣一帶的「窮人恩物」。

即睇網民留言

+9

+8

點擊圖片放大

網民分享食後感 一小食性價比更高

不過也有人好奇，「5蚊3隻咁低，有幾大隻？」、「煎餃子點解咁平？味道如何先？」部分曾光顧的網民分享食後感，指「食過幾次，正正常常，即煎收八達通仲想點？」亦有人讚韭菜餃煎得香脆，帶回家仍有香氣，並透露店家表示餃子為自家包製，打算再試其他口味。

有街坊表示，該店晚市十點仍見店家不停煎餃，認為生意應該不錯，其中豆腐花亦獲好評，「十蚊嚟講真係冇乜可以投訴」。有網民更指曾於其他地區分店光顧，認為整體質素對得起價錢，願意繼續幫襯。

即睇網民留言

• 食咗個豆腐花十蚊嚟講真係冇乜嘢可以投訴喇
• 試咗韮菜餃，拎返屋企時好香，煎得唔錯
• 問咗佢哋自己包的，下次試埋其他味道
• 食過幾次，正正常常，即煎收八達通仲想點？我會幫襯
• 佢灣仔同油麻地都有，岩岩先幫襯完太太
• 昨晚試左佢d餃子，佢話幾好

另一派狠批：預製菜feel、$5三隻點賺錢

不過，亦有網民對食物直言失望，指餃子味道普通甚至「無味」，有幾隻底部煎得過焦；更有人形容似「預製菜feel」。亦有人質疑貨源及盈利模式，「諗唔到點賺錢，除非係大陸運過黎香港既食品」、「夠唔夠交租㗎？」、「$5三隻真係唔知點賺到錢」，更有人斷言「捱到一年就算佢贏」。

+10

+9

點擊圖片放大

來源：Facebook@長沙灣美食及消費關注組