蒲窩推出4大「身心靈」藝術工作坊！免費玩流沙畫/香薰沙蠟燭/和諧粉彩（附報名詳情）

MissLeung的課後日常

親子

【免費暑期活動】夏日圖書館節2026懶人包📚親子手工藝/STEAM/故事工作坊等19個活動全攻略🎨

話咁快又放暑假，又到咗諗計幫小朋友放電嘅時候喇！由康樂及文化事務署主辦、香港公共圖書館籌辦嘅「夏日圖書館節 2026」即將登場 ！喺 7 月至 8 月期間，各區指定公共圖書館同特定地點將會舉辦一連串精彩活動 。最正嘅係活動均為免費入場 ！為咗幫大家極速鎖定目標，我特別整咗呢份活動分類攻略！  ————— U Lifestyle「港媽港爸親子福利資訊區」WhatsApp 群組現正招募成員！ 🎉 我哋仲為群組成員預留咗獨家送禮名額，中獎機會更高！🎁 👉 立即加入： https://ulapp.hk/8yui1     ————— 🚌 皇牌大推：感官共融「A巴」外展活動（活動詳情見圖4-10） 香港公共圖書館特別同 Q plus A 藝術基金會合作，帶嚟升級改造嘅感官共融巴士「A巴」 ！活動會喺歷史建築石屋家園舉行，等大小朋友透過觸感、視覺、聽覺等感官體驗發掘幸福感 。由 2026 年 6 月 29 日起開始接受登記，需填妥資料電郵至 `slf@lcsd.gov.hk` 。名額先到先得 。 「A巴」外展活動項目一覽 📅   🚌 A巴導賞團（對象：任何年齡）：親身登車體驗升級改造嘅感官共融空間 。  🎨 A巴工作坊：我不完美、但我懂愛自己（對象：12 歲或以上）：適合大朋友與青少年嘅心靈療癒手作 。  📦 A巴工作坊：感官故事箱（對象：4-11 歲兒童及家長）：透過感官互動箱一齊探索故事世界 。  🏛️ 石屋導賞團（對象：任何年齡）：帶領大家深入認識石屋家園這座三級歷史建築 。  📖 故事大使講故事（對象：4-7 歲兒童及家長）：由圖書館故事大使分享精彩主題故事 。  👀 即場參觀 A巴（對象：任何年齡）：免預先報名嘅自由 Walk-in 參觀時段 （車內人數上限 20 人 ）。 ————— 分館活動預約超簡單！除特別聲明外，請於活動舉行前兩星期親臨或致電舉行活動嘅分館圖書館報名，名額有限，先到先得 ！ 🚂故事工作坊系列 （活動詳情見圖12-17） （對象：1位 4-7 歲兒童及 1 位家長 ）  🟢 「和諧號」列車 (粵語) (主持：跳樂劇團 )：透過故事與遊戲讓家庭學習接納彼此情緒、凝聚幸福能量。  🔵 「夢想號」列車 (英語) (主持：跳樂劇團 ｜ 英文主講 )：化身英語「幸福小職人」動手製車，收集幸福能量讓城市重新發光。  🔴 「發現號」列車 (普通話) (主持：香港語言研究中心 ｜ 普通話主講 )：以普通話講故事，帶領孩子學習取捨自理，引導家長反思日常生活智慧。 ————— 🎨親子創意手工藝工作坊 （活動詳情見圖18-29） (主持：香港聖公會麥理浩夫人中心 / Wonderland Art & Nature )   🌸 創意扭扭花環工作坊 (對象：4-7歲兒童及家長 )：運用彩色扭扭棒與不織布，製作獨一無二嘅花環及專屬名牌。  🔮 幸福許願瓶工作坊 (對象：4-7歲兒童及家長 )：演讀繪本引導孩子從生活中感受幸福，並親手製作精美許願瓶。  🐾 捏捏膠工作坊 (對象：8-12歲兒童及家長 )：運用顏料粉末同工具，製作專屬又超療癒嘅「貓貓肉球」公仔。  🧁 奶油膠工作坊 (對象：8-12歲兒童及家長 )：提供彩色奶油膠與迷你配件，親手製作和裝飾實用筆盒。  💡 乾花小夜燈工作坊 (對象：8-12歲兒童及家長 )：將永生花等素材鑲嵌於燈座，在手作工藝「心流」中緩解壓力。  🏺 「隋唐印記」工作坊 (對象：4至12歲小朋友及家長)：體驗青花瓷碟、雕版印刷及書法，親身感受盛世中華文化嘅傳承之美。 ————— 🧠親子 STEAM 工作坊（活動詳情見圖30-33）  (對象：1位 8-12 歲兒童及 1 位家長 ｜ 主持：跳樂劇團 )  🐙 海洋生物3D打印筆工作坊：用3D打印筆繪製立體海洋生物與釣竿，邊玩邊學習STEAM知識。  🪐 星球模型工作坊：運用簡單機械與馬達驅動齒輪，親手製作立體三球天體運行模型。 ————— 🧠青少年工作坊（活動詳情見圖34-37）  (對象：12歲或以上人士 ｜ 主持：Wonderland Art & Nature )  🔮 手繪星球燈工作坊：運用色彩暈染技巧，喺球面上細意描繪出個人專屬嘅光影星球燈。  🧵 絨線刺繡工作坊：學習刺繡技法，利用彩色羊毛繡線在布料上拼貼出個人化質感刺繡。 ————— 睇完咁多精彩項目，係咪同我一樣心郁郁，好想即刻同小朋友報名呢 🙊？呢個「夏日圖書館節」真係年年都咁有心思，今年融入咁多心靈療癒同感官體驗元素，非常啱平日壓力爆棚嘅香港家長同小朋友一齊去放鬆下！ 手工藝同故事工作坊名額都係先到先得，媽媽們記住 Mark 實活動前兩星期嘅報名黄金期，到時打電話或者親自去圖書館留位喇！如果想追蹤埋線上節目或者詳情，可以隨時上返官方網站 `www.hkpl.gov.hk/slf` 查詢 。祝大家同小朋友今個盛夏一齊喺圖書館收穫滿滿嘅幸福能量，放個充實嘅開心暑假！我們下期好去處分享再見啦 💖！  ⚠️ 惡劣天氣小提示：如果喺活動開始前 3 小時，8 號或以上熱帶氣旋警告信號、黑色暴雨警告信號，或者政府發出嘅「極端情況」公布仍然生效，活動就會取消，出發前記得留意天氣呀 ！ 圖片及資料來源：夏日圖書館節 2026 #夏日圖書館節 #香港公共圖書館 #親子好去處 #免費放電 #暑期活動2026 #育兒 #香港媽媽

Hongkongmydoll

生活

免費藝術治療工作坊

想遠離喧囂､好好放鬆內心?今日去咗曾經係域多利軍營已婚軍人宿舍嘅｢羅拔時樓 Robert‘s Block｣!一踏入去就感受到濃濃嘅 歷史氣息〜 (網站地址､資料,在我片尾) 過百年一級歷史建築特色: 🐱愛德華時代古典復興紅磚牆 🐱開放式走廊與標誌性白色欄杆柱 🐱室內大拱門&復古古蹟火爐 
❤️‍🔥小提示:記得要著襪先可以入去室內參觀㗎!❤️‍🔥如果唔係就要買襪! 🐶身心靈藝術療癒體驗: 除咗有定期嘅古蹟導賞,呢度仲可以透過手工藝術､音樂同石頭嚟療癒內心! ⭐️音樂療癒:玩唔同種類嘅樂器,清脆嘅聲音帶嚟內心嘅平靜同快樂｡ ⭐️手工畫畫:透過剪貼與繪畫,喺私密又安全嘅空間專注當下､釋放情緒｡ ⭐️石頭感官:揀選喜歡嘅石頭擺放拍照,仲可以感受大自然! 🐱 最愛的角落:最驚喜係有超得意､軟軟｢石頭形狀咕𠱸｣坐上面靜靜咁感受心靈調節,真係超舒壓!工作人員仲叫我哋自由創作,可以自我放飛,每間房間得2-3 人! 無人睇住我哋玩到癲咗! 😂😂😂 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻 Ps:仲要提示!呢個地方有啲難去!記得喺網站搵咗地圖同埋位置!如果唔係會遲到! 網站 在 我條片最後嗰度有得睇! #羅拔時樓#藝術治療#香港古蹟#免費工作坊#一級歷史建築#藝術療癒#香港好去處#好去處#打卡#chill賞遊世界#chill歎旅遊#ucreator

Nobeeboo

親子

🤩免費!海怡廣場整立體海洋肌理畫

發現一個超正免費暑期活動🥳 海怡廣場呢個海底主題肌理畫坊,畫出嚟立體質感超靚｡ 小朋友可以自由發揮創意,做完仲可以將畫作帶返屋企做紀念｡ 活動7月29‑31日,WhatsApp預約就得,放電一流! 📍海怡廣場1樓中庭 👧👦3‑16歲都可以參加 #香港親子活動#免費workshop#海怡半島