健康工房燉雪燕爆紅！網民狂讚好飲過糖水舖 揭秋冬滋潤神物極速斷貨

健康工房「瑞士鮮奶燉雪燕」爆紅 網民大讚勝糖水店

事緣有網民在 Threads 分享健康工房一款樽裝雪燕飲品，大讚其質素超出預期。帖主形容飲品「仲好飲過糖水店」，並指「奶味勁濃，雪燕都俾得好多」、「勁滿足」，認為相當適合秋冬時節飲用，直言「好岩秋冬飲呢支補補」。

帖主其後補充試飲感受，稱「第一啖好驚艷」，更到達「想買黎囤貨返屋企既程度」。對於有人關注售價，帖主就回應指飲品「比廢水貴少少，但有雪燕咁既價錢算抵」，認為物有所值。

400毫升瑞士鮮奶燉雪燕 成份、營養一次看清

根據產品標籤相片，該款飲品全名為「瑞士天然放牧鮮奶燉雪燕」，標籤列出的成份包括：水、牛奶、雪燕、冰糖、忌廉、鮮蛋白（產品含奶類製品）及葛根，並標榜採用 100% 瑞士天然放牧鮮奶。

功效方面，標籤指雪燕有助補充肌膚水份和膠原、使皮膚飽滿有彈性，亦有潤肺生津、潤腸排毒的作用，並註明適合常體、食性屬平、歸經為肺及脾。

網民：好飲到癲但幾區都撲空

帖文引來不少網民留言力撐好飲，有網民大表認同「話咗，未飲嘅朋友仔唔好再話係暗廣，好飲到癲」；亦有人分享聽聞消息，指「啲姐姐都係大推呢枝！」以致部份門市缺貨，有網民反映飲品供不應求，「Tst（尖沙咀） 已賣晒」，亦有網民提醒「靜！金鐘早上常缺貨」，反映熱賣程度。不過，都有網民持保留態度，有人直言「但好貴」。

編輯抵門市現場產品售罄 

針對不少網民對產品的高評價，《港生活》先後前往金鐘及尖沙咀門店，均沒有成功買到，可見飲品近期搶手。想試飲這款雪燕飲品，可留意健康工房各分店，有意選購者宜提早前往。

<<提醒大家，購買前留意訂購平台的使用條款及細則，實際價錢及優惠詳情以門市為準，所有優惠細則更新至文章發佈日期，訂購平台及門店保留更改優惠權利，U Lifestyle 概不負責。>>

資料及圖片來源：Threads@2white0527