天水圍泳池｜網民$8激罕玩足3大長滑梯！即睇開放時間免撲空 掀集體回憶

港人舊地重遊玩足3條長滑梯：$8入場玩到唔捨得走

事主在Threads分享，早前帶同子女前往自己兒時常去的天水圍游泳池，直言收穫滿滿，「今日帶仔女去我兒時嘅泳池，$8入場玩到唔捨得走，三條長瀡滑梯都有開，仲要唔多人唔使排隊」。她提到時隔多年舊地重遊，別有一番感觸，「30年後帶左自己嘅仔女嚟」。

由於池內滑梯並非每日開放，事主為免子女失望，出發前更特意致電查詢。她表示「我特登打電話去問瀡滑梯有冇開，佢話有開我先去」，又指「聽聞滑梯唔係日日開，唔想小朋友失望」。至於當日實際情況，她形容池水質素理想、人流不多，「水都ok，我去嘅鐘數唔多人，可能因為好曬」，不過戶外陽光猛烈，「玩住水唔覺熱，但曬到癲」。

網民熱議滑梯難得開放 集體回味兒時泳池

帖文引來大批網民討論，反應方向不一。不少人直言滑梯能否開放全憑運氣，最多人認同的一句留言慨嘆「你真係好彩，果3條長滑梯我去親都冇開」，亦有人無奈表示「點解我去親啲瀡滑梯都唔開」。

另一批網民則被勾起兒時回憶，紛紛分享當年往事，有人笑言「細個屋企人成日帶我去，然後有一日我呀媽見到有舊屎係水面度飄下飄下，就冇再去過玩 好懷念呀」，亦有人回味「好懷念，中學時期成日屯門搭輕鐵過嚟，轉眼30年！」。

不過亦有網民對相片及收費抱有疑問，質疑「你張圖系（係）多年前啊請問？入場費$8又系幾多年前？」，甚至有人直接問「Ai相？」。

幾錢玩？香港各游泳池收費+開放貼士

據事主分享，是次前往的為天水圍游泳池，入場費為$8。需留意的是，池內的長滑梯並非每日開放，如專程為滑梯而來，建議出發前先致電泳池查詢當日開放情況，以免向隅。康文署轄下公眾泳池的實際收費、開放時間及設施安排，一律以場地最新公布為準。

公眾游泳池入場費一覽

使用須知（重要備註）

• 泳池閘口當值人員（包括承辦商聘請的職員）可要求使用優惠收費人士出示有效身份證明文件，例如殘疾人士登記證、附照片嘅全日制學生證／手冊或香港身份證，以核實身份。

• 12歲以下兒童如無成人陪同，不得進入或使用泳池。

• 全日制學生須出示附有照片嘅有效學生證／手冊；如證件冇註明有效日期，可另外出示學校信件、學費單或學生圖書證等文件證明身份；學生八達通卡不獲接納為有效學生證明。

• 3歲以下幼童須由成人陪同方可免費入場，當值人員可要求陪同成人出示證明文件核實幼童年齡。

如需查閱月票計劃更詳細嘅申請安排，可以參考康文署嘅公眾游泳池月票計劃專屬頁面。

資料及圖片來源：Threads@thisishei、康文署官網