鄭伊健演唱會2022|伊健憶恩師羅文感觸眼紅紅 慨嘆世界變笑言開騷同BBQ一樣困難:完騷後北潭涌見!

2022.11.20

鄭伊健相隔3年開紅館個唱,一連9場《HERE & NOW 鄭伊健演唱會2022》昨晚(19日) 揭開序幕,近年定居日本的蒙嘉慧(Yoyo)專程返港支持老公,全程落力舉燈牌應援十足小Fans。

今次紅館三面台設計以流動電影的為概念,甫開場,大螢幕展示戰火蔓延畫面, 配上聖詩《O Come, All Ye Faithful》,伊健升上舞台,一連唱出《回憶裡沒有冬季》、《一個為你甘去蹈火海的人》、《我願你知道》、《無人地帶》和《蒸發眼淚》等歌曲,隨台上影像變化成一片廢墟,伊健再唱出《直至消失天與地》和《不要哭了》。

【衝出嚟玩】昂坪好去處|彌勒山輕鬆郊遊路線睇芒草 全新觀景台飽覽無敵靚景!

第二部份以《天煞孤星》、《友情歲月》和《甘心替代你》等經典電影歌延續氣氛,他更升上三層樓高的平台,邊跳邊唱,觀眾睇到嘩嘩聲。來到第三部份,音樂人陳光榮以結他伴奏,重現三年前在紅館演唱會組成的「Cup Noodle」台上JAM歌,並加入小師妹雲浩影(Cloud)和朱雋言合唱。伊健笑言加入了兩位「小鮮肉」,所以變成「謎肉杯麵」,又說:「好開心再次踏上紅館,開今次紅館騷艱難咗。好多嘢都變咗,以前我會見到你哋嘅笑容,今日見到你哋裏面嘅笑容。」全場報以熱烈掌聲,談到世界變了很多,以前好容易得到的也變得困難,例如BBQ,不過開騷前剛好放寬,伊健說:「完騷後北潭涌見!」全場起哄。

伊健換衫後再出場,唱出《一生愛你一個》、《極速》、《全城效應》、《動地驚天愛戀過》和《吻感》等經典金曲。Encore環節,伊健以《數碼暴龍》主題曲《自動勝利Let’s Fight》將全場氣氛推上高峰,然後唱出新歌《遇怪魔我識得變大個》,伊健又表示特別選唱已故師傅羅文的《前程錦繡》向他致敬,唱《只會因你唱》時,坐在台上道具車旁望著全場觀眾,一時感觸眼紅紅,觀眾掌聲回應他以示支持。最後伊健揚言特別挑選節奏輕快的《打開你未來》和《Stonger》作結。

 

圖片來源:大會提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章