蘇麗珊初次挑戰作曲大談愛情陰暗面 自爆試過受情傷痛到想殺人

2022.11.29

蘇麗珊(Ceci)今年加盟華納唱片,已經推出第三首歌,這次第三首歌更是由她親自作曲,名為《愛情只是藝術品》,令人十分驚訝,她原來除了演戲之外,更擁有創作才華。

Ceci表示,其實多年來也有個歌手夢,只是之前一直未遇上機會,簽約華納後,她幾乎一有時間就躲於家中創作,手上已經作了十多首歌,只是一直未夠膽拿出來見人,戰戰競競交歌給公司時,預計公司不會採用,沒料到竟然揀中,令她覺得很夢幻及開心。

今次新歌名為《愛情只是藝術品》,Ceci謂作這歌是用作抒發一些隱藏心中的傷痛及黑暗面,沒料到跟填詞人傾談時,對方助她把歌曲推到極致,「裡面呢幾句歌詞,唱嗰陣我都覺得好震憾 “如像拍賣品的美 存在過唯美地死,庸俗愛情交給碎紙機 碎自己”,好鍾意MV之中的故事,亦是講到兩個人的愛情,得不到完美結局便寧為玉碎 不作瓦全。」但見結局是她手執碎玻璃,準備殺死男友,Ceci笑道:「本來係我殺,後來導演話去勁少少,我想殺又殺唔落手,最後男友自己拉我隻手自殺。不過MV影片亦留左白,冇做晒成個過程,等大家有另外一個自行想要的結局。」

問到Ceci,曾經有否一段愛情係傷到佢想殺人,Ceci坦言真係有,不過已經過去,當時的所有委屈受騙及痛都化了落這隻歌之中,跟這段傷痛作一個永遠的道別,「咁人係唔可以一直帶住過去生活。嗰段感情我放咗落碎紙機,佢只會係一個人生經驗,一個教訓,而唔會再午夜夢迴時影響我。但係我就做唔到分手亦是朋友這種大方。我一定唔得。」

MV之中,Ceci首次穿婚紗,不過是用垃圾膠袋做的婚紗,「係呀,著起我照鏡個陣都覺得好開心,覺得幾靚呀,哈哈。」有冇諗過幾時真正穿婚紗嫁人?「哈..有諗過結婚,不過冇諗過時間係幾時,目前都係專心工作先啦。」

來源:唱片公司提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章