有「御用紙皮婆婆」之稱的甘草演員許碧姬，不經不覺她已經91歲了，入行31年的她，做演員的目的其實有一段不為人知的故事。原來她已去世的大女兒在36歲那年患上腦中風，四肢不能動彈及失去說話能力，當時已65歲的許婆婆，仍不辭勞苦去照顧大女兒長達19年之久。
許碧姬年輕時曾做過配音員，亦有間中做過電台DJ報報新聞播播歌。她1966年便結婚，其後誕下4名仔女。兒女長大成人後，許碧姬已年屆60，覺得生活有點苦悶，看到報紙廣告招演員，便寄信應徵。直到1991年，許碧姬加入了TVB。可惜1996年，長女因為中風要入院，要插喉維生。
許碧姬向TVB請假兩年，留在家中照顧女兒。可是女兒沒機會康復，許碧姬唯有不在乎人工與鏡頭多少，一有戲侯接拍。要工作時就叫鄰居幫忙看管，其他時間留在家照顧大女。上班時會與巨星合照，回家給女兒看，哄她開心。直到許碧姬71歲時，再難以照顧大女，於是按建議帶大女搬進政府院舍居住，不時要元朗、沙田兩邊走，直到大女於2015年離世為止。
►同場加映：【衝出嚟玩】香港海防博物館闊別4年回歸重開！親子輕鬆郊遊路線/行勻24個史蹟點/180度海岸觀景位
而許碧姬為人永不言休，她曾不小心跌倒導致腿骨斷裂，要裝上螺絲並休息了半年。康復後，許碧姬閒不下來，打電話給工作人員直接問：「要唔要臨記，垃圾婆呀？」而且她絕對不介意飾演演「執紙皮」、「倒垃圾」婆婆等角色，沒有半點難堪。因為一切都想大女開心：「我演嘅角色無論對白多定少，我都鍾意去做，因為係為咗我個女，佢好鍾意睇電視，亦鍾意睇明星，所以我咪諗不如去做戲，咁樣就可以同好明星合照拎返嚟畀阿女睇，等佢開心多一啲。」
許碧姬憶述大女兒中風時，醫生說：「醫院啲床位好緊拙，叫我一定要搵地方畀佢療養，當時我就聽醫生講去搵療養院，但我去到門口見到已經唔鍾意，我惟有同醫生講自己照顧，一邊等候政府嘅療養院，醫生問我點照顧佢，你幾多歲?」
許婆婆不介意先照顧女兒，結果等了6年，女兒終於輪候到政府的療養院，許婆婆於不理路途遙遠，由沙田住所坐巴士入元朗的療養院探望女兒，來回車程達兩小時都沒有怨言，「佢習慣見到我，就算我要開工，得半個鐘，我都會去見下佢，分享下我拍戲嘅事，佢好鍾意聽。」
如今大女兒已去世多時，許婆婆也覺得沒有女兒亦會感到寂寞，「但我咪拎同佢以前去旅行嘅相出嚟睇，個心都會舒坦啲。我諗佢病咗咁耐，19年好長時間，佢辛苦，我都辛苦，我都希望佢早啲得到安息。」
圖及來源：節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
