高鐵重開推出廣州東新綫 出行廣州超方便

高鐵車程快、網絡廣 覆蓋多個城市包括六個位於大灣區

提到速度最高的陸路跨境交通工具，一定會諗起高鐵。自從高鐵落成，去內地城市的確比以前節省了不少時間，尤其係大灣區城巿，大部份一個小時內即可到達，令兩地的文化和經濟交流都更加頻繁，高鐵成為兩地之間重要的連繫。 

除咗速度快，高鐵的網絡亦很廣。自2018通車直達的44個內地站點，至疫情停運前增至58個；而待全綫復通後，連同新增站點，高鐵覆蓋的站點將多達61個！當中16個位於深圳、廣州、東莞、佛山、肇慶及惠州6個大灣區城市！

重開初期，暫時最遠可以去到廣州，沿途包括深圳、東莞等城巿共9個站點，方便於大灣區工作和生活的巿民。搭高鐵去深圳福田只係14分鐘，幾乎未坐定已經去到，去廣州最快亦只係47分鐘，方便你隨時出行，輕鬆實現你的「一小時生活圈」! 

廣州東新綫 直達天河商業區

新增嘅廣州東綫可以直達食肆同商廈林立既天河區，仲接駁廣州地鐵1號及3號綫，出高鐵站後想去邊度都得! 好方便! 每日有6對車來往香港西九龍站至廣州東站，早午晚各有2班，時間多選擇! 廣州東綫沿途經過深圳北站、東莞南站及東莞站﹔去廣州都多了一個選擇，可以揀原有的廣州南站和新增的廣州東站，方便你按不同出行需要靈活選擇！

車票證件二合一 用證件直接搭車

搭車毋須實體車票，是高鐵帶來的另一個驚喜！全新推出的電子車票，可以隨時隨地上網買飛就當然唔駛講，最方便的地方，就是購票時系統連結車票資料和回鄉證或其他旅遊證件，只需要攞住一張證件就可以當埋車票直接入閘搭車，帶少樣嘢，唔駛排隊拎實體飛，又唔怕大頭蝦遺失車飛，真係正好多! 仲要香港西九龍站有「一地兩檢」過關程序，一次過攪掂香港和內地兩邊海關，高鐵到站後就可以直接出發去目的地，慳番唔少時間去食去玩，難怪咁多人揀搭高鐵出行啦!

高鐵電子車票可於以下途徑購買:
1/ 按此連接中國鐵路12306綫上票務平台
2/ 按此查閱指定旅行社代理名單
3/ 車站票務櫃位及售票機

想知多啲點買電子車票，按此睇詳細教學。

 
全新電子車票自助閘機

計劃出發去高鐵遊唔知有咩好玩？睇「高鐵遊攻略」！

小編搵高鐵資料時發現一個叫「高鐵遊攻略」的旅遊網站，入面有豐富既內地城巿旅遊資料，介紹當地有咩地方好玩好食，仲教埋你搭高鐵到埗後的交通接駁﹔想跟一個特定主題去玩既，又有文章介紹，連行程都建議埋俾你。以後大家Plan搭高鐵去旅遊，不妨睇睇呢個網站！佢不定期會提供高鐵旅遊優惠，即刻bookmark 住得閒上去睇下有咩筍嘢!


車站發現可愛小角色 「高鐵隊長」登場

去到重開嘅高鐵車站，發現多了生動的站內佈置，當中發現有一個新角色悄悄出場，向車站職員了解，原來佢叫做「高鐵隊長」。佢係負責駕駛高鐵嘅，橙色既外型係源自港鐵「動感號」的設計靈感，據講日後佢會為大家介紹大江南北的新景點同各地美食，大家一定好期待! 

(Info by MTR)