近年流行的網面波鞋，着起來又輕又透氣，最啱香港又熱又焗的天氣！着耐咗，難免有大大小小污漬需要清理。到底自己清理網面波鞋時，有甚麼要留意呢？等波鞋達人 Ivan 提供幾個小貼士啦！
Reshoevn8r Hong Kong 主理人 Ivan 指，洗網面波鞋最容易出事係用錯鞋刷。一般硬毛纖維刷好容易會勾線，洗擦完反而勾起鞋面纖維，造成線頭。
所以一定要用軟毛刷，例如豬毛、馬毛刷等等，用軟毛牙刷都可以，但牙刷太細，清理一雙鞋會很累。
清洗網面波鞋程序和其他波鞋差不多，先以蒸餾水稀釋清潔劑，沾上鞋刷。
有鞋帶的話先拆除，然後由鞋舌開始擦。由於網面波鞋面比較有彈性，用鞋撐等撐起表面，才能清潔到深層污垢。
之後清理鞋面，跟住到鞋孔位，鞋孔經常與鞋帶摩擦，更容積藏污垢，要小心清理。
鞋面要用乾毛巾印乾，不要抹乾。
接住清潔鞋中底，也就是中間承托層，若清洗時不小心，有機會被鞋面網布料染色。
我們要用手指護住網布面來擦，避免網布面甩色到中底。
有鞋帶的話就最後擦鞋帶，然後放在通風地點風乾，不要曬乾。
家中都可將右邊污糟鞋，洗到左邊咁乾淨。
特別鳴謝：Reshoevn8r Hong Kong
========
同場加映：
【家居達人】10個快速乾衣貼士 提高抽濕機效能、晾衫小妙招
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
