所謂「魚唔過塘唔肥」，為了有更好的薪水待遇，相信不少人都會選擇轉工跳槽！最近就有網友於網上討論區發帖，指自己為了加薪20%而放棄花紅跳槽到新公司，沒想到轉工不到2個月，就因為一個理由被新公司解僱。帖文即引起網民熱議，但大部分網民不同情樓主的經歷，留言直斥「等人洗通常有伏是常識吧」，即入內文睇睇啦！
最近有網友在LIHKG 討論區發帖分享轉工跳槽的中伏經歷，直言自己遇上「真心X街公司」，他指事源11月，有獵頭公司cold call給他一份新工作，新公司提及未來將會中標，並需要開設一條新「Team」，希望樓主可以即時跳槽、盡快投入新工作。
但由於舊公司1月才出花紅，當時樓主只好開出二選一的條件給對方，第一是先等樓主拿花紅後才過檔，但人工的加薪幅度會較低,；第二則是樓主放棄舊公司的花紅，即時跳槽到新公司，不過要求加薪幅度至20%。最後對方選擇了第二個方案，而樓主當時認為如果在新公司長做，應該可以補回失去的花紅，所以決定在12月底遞信離職，並在1月初返新工。
起初返新工也相安無事，平日裡樓主亦會上公司的Server自學，「而PM（Project Manager）更仲叫我唔洗咁急，唔會將我投閒置散」。但沒想到早前外國老闆回來視察，就開始不停跟人事部和PM開會，日前更跟樓主說：「因為個客延遲張標，所以補7日錢炒我。我問有冇其他位置可以暫時容納我做住先，竟然話無。」
其後樓主在帖文中就自嘆黑仔，大呻自己為了新公司放棄了兩個多月的花紅，「你一句咁樣炒人，正x街公司，好心張標未成就咪請人啦。」更直言自己才剛剛開始供樓裝修，本來以為即使是「伏工」，「伏極都可以玩一年」，沒想到轉工不到2個月就失業。
帖文隨即引起不少網民注意，不過大部分網民不同情樓主的經歷，認為對方已經根據合約内的條款通知或賠錢，同時也指出轉工跳槽本來就有一定的風險，樓主就當是買一個教訓，「等人洗通常有伏是常識吧」、「係你自己入世未深，不嬲跟Contract做嘢」、「明知自己要供樓裝修 都轉工」。
來源：LIHKG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
