網民分享:淘寶購洗衫吸色紙超有效!唔使再怕衣物染色、染咗色嘅衫都有得救!

文: U Magazine
2023.03.20

洗衫時往往最怕就係洗到一啲淺色衫染上咗其他顏色,如果想避免呢個情況又有咩產品可以到幫手呢?最近有網民就喺Facebook上一個淘寶群組,分享使用喺淘寶購入洗衣吸色紙嘅用後感,並大讚產品相當實用,而一眾網民亦紛紛討論呢一樣產品,到底係咪真係咁好用!

對付衣物甩色好有效?每次洗衫都必備?
帖主表示原本對洗衣吸色紙嘅作用半信半疑,但於試用後就發現其效果相當出眾:「我想講……真心多謝谷友介紹同原來吸色紙真係work!本身唔係好信,加上老婆話假嘅,所以之前無買到,前排見都幾平,偷偷地買返來試下(吓),試左(咗)幾次發現真係好誇張,洗完後一條白色吸色紙就變左(咗)紅色,而家次次洗衫都要落1-2張」,有不少網民亦大讚呢款於淘寶購買嘅洗衣吸色紙好用,並指於洗衫時每次都一定會使用:「真心好好用,第一次買之後從來冇停過用」、「用咗返唔到轉頭,每機衫都一定要有一張」、「我都係買呢隻,一開始阿媽話唔洗(使)呢啲嘢,而家成日同我講真係好好用」,不過亦有網民指就算於使用後都有染色嘅情況出現:「我都有買真係試過,用一件白色底衫加一條黑色褲去洗,再落兩張吸色紙,但我件底衫洗完出黎(嚟)都有染色」。

帖主向網民推介一款於淘寶所購的洗衣吸色紙,並大讚該吸色紙於應付衣物掉色情況非常有效。


有不少網民都指這一款洗衣吸色紙非常實用,是洗衣所必備的產品之一。


要小心吸色紙跌入洗衣機罅位?貴衫唔建議咁樣做去防染色?
而有網民就分享一啲洗衣吸色紙嘅使用建議,指使用時應小心吸色紙會跌入洗衣機內嘅罅位:「記得放左(咗)幾多落去,會look(碌)入大眼仔d(啲)空隙」、「我都驚會跌入去水位,所以我放入洗衣袋」,亦有網民建議價錢較昂貴嘅衫及新衫,就唔好用呢個方法去防止衣物染色,以及當清洗甩色問題嚴重嘅衣物時,應多放幾張吸色紙:「建議貴衫唔好搏」、「咁你又唔好當佢萬能,衫嘅甩色情況都唔同,只能盡量吸,新衫最好都係分開試吓睇吓咩情況,舊衫深色甩得勁嘅都要放幾張」。

有網民指應於洗衣時記低使用了多少張吸色紙或將吸色紙放入洗衣袋,以防止吸色紙跌入了洗衣機內的罅隙。


亦有網民指每件衣物的掉色情況會有不同,建議清洗較貴以及新的衣物,應用另一種方法,防止衣物被染色。


已染色嘅衣物都救得返?仲可以當抹布用?
有網民就更分享吸色紙除咗洗衫防染色之外,仲有其他嘅用途,指可將用完嘅吸色紙再作清潔抹布用:「洗完唔夠深色再洗多一次,洗完儲起用黎(嚟)抹厨房炒完餸彈出黎(嚟)啲油,抹爐頭,厨(廚)房地板,雪櫃,都好正,勞役到張吸色紙到最後一刻」、「我用嚟抹洗衣機啲膠邊好好用又唔易爛」。另外有網民就問到吸色紙對已經染咗色嘅衫有冇用:「件衫染左(咗)紅都因為吸色紙可以白番(返)?」,有網民則解答指吸色紙亦可吸走衣物上已染上嘅顏色:「我試過呢個情況,我係可以變返白」、「可以」,亦有網民解答指若衣物係染上紅色的話,應要用上兩張吸色紙才有效:「紅色唔係好work,可能要落多張,黑色藍色一張都OK」。

有網民指使用完的吸色紙更可當抹布用於清潔洗衣機、爐頭、地板、雪櫃等等的地方上。


有網民則指洗衣吸色紙亦可吸走衣物上已被染上的顏色。

 
text/Jonathan
photo/HKET圖片庫、淘寶

========
同場加映:
【家居達人】10個快速乾衣貼士 提高抽濕機效能、晾衫小妙招

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓