港爸獲派大埔舊公屋睇完即要！DIY髹油平裝新居？呢個價錢搞掂地板 至少慳成$20萬
公屋裝修工程費動輒20萬元起跳，對不少基層市民、預算較少人士，的確是一筆不少的開支。但其實只要懂得掌握開支重點，省去不必要的費用，裝修費萬元已經有交易。近日有港爸網上發帖，除了分享一家四口公屋畢業的喜訊，還公開其平價裝修過程，揚言「裝修唔一定要使好多錢嘅」。
獲派大埔舊公屋 一家四口睇完「即要」
翻查港爸早前的帖文，他在去年底見公屋主任，首派屯門蝴蝶邨，二派屯門大興邨，首兩派均因樓齡太舊而拒絕。今年2月，港爸獲派大埔富亨邨一個「自然身故」公屋，由於太太未有香港身份證，因此獲派的是三人單位，單位面積只有355呎。
港爸表示，自己上門視察後便決定「即要」，一來他本身是大埔人，居住大埔超過30年，而且富亨邨樓齡較新，「比前兩次派嘅都新左架啦」。此外，富亨邨目前已納入「租者置其屋計劃」，該邨住戶可選擇繼續租住或購買其單位，難怪睇樓當日房署主任都跟他說「你就好啦」，又表示「頭一年內買，有折上折，話我收到房署信會好開心」。
港爸分享平價裝修過程：油牆身買料千幾元搞掂
日前，港爸在Facebook群組「香港公營房屋討論區」發帖，分享公屋裝修過程，指「以前無屋裝修就乜都唔知，一但要裝修就煩到嘔血」。港爸表示，指自己曾找香港裝修公司報價，但工程費動輒20萬元起跳，「住公屋個個都有廿幾萬攞出來裝修咩」，他無奈道出自己預算不多，所以打算自行髹油裝新家。
港爸：「裝修唔一定要使好多錢嘅，預算有限咪自己油牆囉，就咁直接油，先油兩層底油，再油兩層面油，千幾蚊三日搞掂。」
從照片見到，該單位屬舊式公屋，收屋時是「清水樓」，牆身顏色為黃色，只有石屎地板。對於室內裝潢，港爸表示「又要返工，又預算有限」，最終他決定慳得就慳，直接髹油翻新，將全屋牆身由黃色髹成粉藍色，並未為牆身剷底。
屋企地板呢個價錢就搞掂？
至於地板，港爸稱無時間自己鋪地板，所以只好聘請師傅鋪SPC地板，「只要地板夠平，係可以自己鋪嘅，不過我無時間，所以揾師傅做」。他在文中提到所有材料、工程費、連腳線位和清垃圾，埋單只需1.2萬元，大讚師傅「做得又靚又好」，簡直是平靚正。
港爸：「只要地板夠平，係可以自己鋪嘅，不過我無時間，所以揾師傅做，佢做得又靚又好，價錢又唔貴，所以我學得底呀，揾師傅做，350呎連工包料包腳線包清走垃圾，萬二。」
網民：平有平住，貴有貴住
帖文一出，不少網民看後紛紛恭喜樓主獲派好單位，雖然富亨邨樓齡舊，但位置上已比富蝶邨好，而且屬「租者置其屋計劃」的「租置」單位，「仲要係自置公屋可買」。也有網友大讚港爸手工好，又認為「平有平住，貴有貴住，最重要係自己住得舒服」、「自己住得舒服就好！以前屋企都係自己裝修」、「油得好靚」。
▼網友留言▼
來源：FB@香港公營房屋討論區
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
