香港人工作忙碌，要每天抽空做運動很難，要有人陪自己一起抽空做運動更難，有人就在網上招聘「籃球執波員」，期望找到1個能替其執波的後生仔。招聘文被廣傳，不少人留言大插其出手低，不過面對批評，事主並不介意，又指現在已經找到合適的人選。
近日，在Facebook群組「散工招募區」內，有人發文招聘1名「籃球執波員」，工作內容如同名字一般，就是在事主射3分球後，替其「執波」，並要求「唔好Hea」以準確傳到事主心口。上班地點為沙田或大圍區，時間為清晨5至6時或6至7時，1個月需要上班3-4次，因此，他提出學生、年輕人優先，讓他們可以在上學前抽出時間「打工」。人工方面，他開價時薪$85，除了即時現金出糧是一大賣點外，還會請1支飲品，他認為以上條件對於學生來說很吸引，「我諗對學生仔黎講每個月多幾百蚊，朝早又唔曬，當晨運已經好開心，時薪85蚊已經多過佢去M記炒場兩個鐘，幾日夠買對新波鞋。」
點擊圖片放大
招聘文貼出不久就引起不少討論更被廣傳至其他群組，不少人留言批評開價太低：「一次一粒鐘好心就出夠一張紅紙啦」、「做運動1個鐘係咁執波，仲要咁早5點鐘，係咪應該包一份早餐先？」、「起碼100 啦」，亦有人嘗試幫事主平反：「用搵工嘅角度去睇，晨咁早一粒鐘賺$85 絕對搵鬼做。但係如果用返運動打籃球嘅角度去睇，有些少金錢動力驅使你晨早去做下運動，住大圍識打籃球嘅我覺得有得諗喎。」而事主本人亦不介意批評，「我對你地D嘲諷真係一D感覺都冇」，而且補充現時已經找到合適的人選。
來源：FB@散工招募區
圖片來源：ViuTV劇集截圖
►同場加映：【著數慳家王】社企承接紅磡老店「新祥益餅店」 推動長者就業！最平芝士酥/肉鬆酥$3
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
